အသက် ၂၂ နှစ်သာရှိသေးတဲ့ အမေရိကန်အဆိုတော်မလေး Madison Beer ဟာဆိုရင် ၂၀၁၃ ခုနှစ်ကတည်းက Cover Song တွေနဲ့အတူ လူသိများလာတဲ့ လူငယ်အဆိုတော်တစ်ဦးဖြစ်ပြီး ဂီတာ၊ Drum နဲ့ Piano စတဲ့တူရိယာတွေကိုပါ တီးတတ်သူတစ်ယောက်ဖြစ်ပါတယ်။ သူမရဲ့ သီချင်းအချို့ကိုလည်း ကိုယ်တိုင်ပါဝင်ရေးစပ်လေ့ရှိတဲ့အပြင် လတ်တလောမှာ R&B သီချင်းအမျိုးအစားတွေ ပါဝင်တဲ့ သီချင်း Album အသစ်တစ်ခွေထုတ်ဖို့ ပြင်ဆင်နေဆဲဖြစ်တယ်လို့လည်းသိရပါတယ်။


Madison မှာ ညို့ငင်အားပြင်းတဲ့ မျက်နှာအချိုးအစားနဲ့ မော်ဒယ်လ်တစ်ယောက်လို ပြစ်မျိုးမှဲ့မထင်တဲ့ ကိုယ်လုံးကိုယ်ပေါက်မျိုး ပိုင်ဆိုင်ထားသလို ခေတ်ဆန်ဆန်နဲ့ အထာကျတဲ့အမိုက်စားဖက်ရှင်လေးတွေ ဝတ်လေ့ရှိသူတစ်ယောက်ဆိုရင်လည်းမမှားပါဘူး။


ဒါကြောင့် ဒီတစ်ခေါက်မှာ လူငယ်မိန်းကလေးတွေလည်း လိုက်ဝတ်နိုင်မယ့် သူမရဲ့ ယုံကြည်မှုအပြည့်နဲ့ အထာကျစေတဲ့ ဂျင်းဘောင်းဘီအပြဲ Ripped Jeans ဖက်ရှင်လေးတွေကို မျှဝေပေးချင်ပါတယ်။ သူမဝတ်တဲ့ Outfit အတွဲအစပ်အိုင်ဒီယာလေးတွေကနေတစ်ဆင့် Ripped Jeans အပြဲပုံစံအမျိုးမျိုးနဲ့ လိုက်ဖက်အောင် ဝတ်ဆင်နိုင်တဲ့နည်းတွေကို အတုယူနိုင်မှာဖြစ်လို့ စိတ်ဝင်စားတယ်ဆိုရင် ဆက်ကြည့်လိုက်ရအောင်-

Photo Source: Pinterest

By MyStyle Myanmar