ခြေထောက်တိုတဲ့ short legs ပိုင်ရှင်လေးတွေအတွက် ခြေချောင်းလေးတွေသွယ်ပြီး ရှည်သလိုဖြစ်စေမယ့် ဖိနပ် ၇ မျိုးကို ဖော်ပြပေးလိုက်ပါတယ်။ ဒေါက်အမြင့်ကြီးတွေစီးရင်က အရပ်ပဲပိုရှည်သွားစေတာပါ။ ဒီဖိနပ်လေးတွေကျတော့ အရပ်ရှည်တာထက်၊ ခြေထောက်သွယ်ပြီး ရှည်သလို ဖြစ်စေတာမျိုးပါ။ ဒါကြောင့် အမြင့်ကြီးတွေမစီးနိုင်တဲ့ သူတွေအတွက်လည်း အရမ်းအဆင်ပြေပါတယ်။
Chunky mid heels
ဒေါက်တွေမစီးနိုင်တဲ့သူ၊ ဒေါက်စီးရတာမကြိုက်တဲ့သူဆိုရင် ဒီလို Chunky mid heels လေးတွေစီးပါ။ ခြေထောက်သွယ်ပြီး ရှည်သလို ဖြစ်စေပါတယ်။ စီးရတာလည်း ပေါ့ပါးမှုရှိစေပါတယ်။
ဒေါက်စီးရတာကြိုက်ရင်တော့ နည်းနည်းမြင့်တာမျိုးလေး စီးလို့ရပါတယ်။
Nude heels
Nude heels လေးတွေကတော့ အသားအရောင်နဲ့ တစ်ပြေးတည်းဖြစ်စေတဲ့အတွက် ခြေထောက်သွယ်ပြီး ရှည်သလို ဖြစ်စေတဲ့အပြင် အရပ်ရှည်သလိုပါ ဖြစ်သွားစေပါတယ်။
Heels with thick straps
ကြိုးပြားထူတဲ့ဒေါက်ဖိနပ်တွေကလည်း ခြေထောက်သွယ်ပြီး ရှည်သလိုဖြစ်စေပါတယ်။ ဒါ့အပြင် ဘယ်လိုအဝတ်အစားမျိုးနဲ့မဆိုလည်း လိုက်ဖက်တာကြောင့် must have ပါပဲ။
Low vamp loafers
ဒီဖိနပ်လေးတွေကတော့ အခုနောက်ပိုင်းမှာ ပိုပြီးခေတ်စားလာမှာပါ။ ခြေချောင်းလေးတွေသွယ်ပြီး ရှည်သလို ဖြစ်သွားစေမယ့်အပြင် ခြေအိတ်အမဲလေးဝတ်ပြီး စီးမယ်ဆိုရင် အရပ်ပိုရှည်သလိုပါ ဖြစ်သွားစေပါတယ်။ စီးရတာလည်း အရမ်းပေါ့ပါးမှုရှိစေပါတယ်။
Flatform sneakers
ဒီ sneakers လေးတွေကတော့ စီးလိုက်ရင် အရမ်းချစ်ဖို့ကောင်းပါတယ်။ အရပ်ပိုရှည်သလို ဖြစ်သွားစေမှာတော့ မဟုတ်ပေမယ့် ခြေချောင်းလေးတွေ ပိုပြီးသွယ်သလိုတော့ ဖြစ်စေပါတယ်။
Low top sneakers
Sneakers တွေထဲမှာမှ Low top sneakers လေးတွေကလည်း ခြေချောင်းသွယ်ပြီး ရှည်သလိုဖြစ်စေတာကြောင့် အရပ်ပုတဲ့ကောင်မလေးတွေနဲ့ short legs ပိုင်ရှင်လေးတွေဆီမှာ ရှိထားသင့်ပါတယ်။
Pointed toe ballet flats
ဒီဖိနပ်အမျိုးအစားကတော့ ခြေထောက်သွယ်ပြီး ရှည်သလိုဖြစ်စေမယ့်အပြင် ခြေဖျားပိုကြီးသလိုပါ ဖြစ်စေပါတယ်။ စီးရတာ ပေါ့ပါးမှုရှိစေပြီး အရမ်းလည်းလှပါတယ်။
