အရေပြားပေါ်က ဆဲလ်သေတွေက ကိုယ့်ကို ဘာဒုက္ခမှမပေးနိုင်ဘူးဆိုပေမယ့် သင့်ရဲ့အလှအပကိုတော့ လျော့ကျစေတာ အမှန်ပါပဲ့။ ထိုဆဲလ်သေတွေက သင့်အသားအရေကို မဲညစ်ညစ်နေတဲ့ပုံစံပေါက်စေတာကြောင့် ထိုဆဲလ်သေများကို မြန်မြန်ဖယ်ရှားပစ်နိုင်မှ သင့်အသားအရေလေးက ကြည်လင်စိုပြေလှပလာမှာပဲ့ ဖြစ်ပါတယ်။
ငွေကုန်ကြေးကျခံစရာမလိုပဲ့ ဆဲလ်သေတွေဖယ်ရှားပြီး အသားအရေလေး သဘာဝအတိုင်း ကြည်လင်လှပလာဖို့အတွက် ရိုးရှင်းလွယ်ကူတဲ့ သဘာဝနည်းလမ်းလေးတွေကို ဝေမျှပေးလိုက်ပါတယ်နော်….
သကြားညို
ဒီနည်းလမ်းကို အသုံးပြုဖို့အတွက်ဆိုရင် သကြားညို စားပွဲတင်ဇွန်း ၁ ဇွန်းနဲ့ အုန်းဆီ လက်ဖက်ရည်ဇွန်း ၁ ဇွန်းတို့ လိုအပ်ပါလိမ့်မယ်။ ထိုပစ္စည်းနှစ်မျိုးကို သမအောင်ရောမွှေပေးလိုက်ပါ။ ထို့နောက် မည်းညစ်နေတဲ့အသားအရေပေါ်မှာ မိနစ်အနည်းငယ်ကြာအောင် စက်ဝိုင်းပုံသဏ္ဍာန် ပွတ်တိုက်ပေးလိုက်ပါ။ ထို့နောက် ၅ မိနစ်ခန့်ကြာမှ ရေဆေးချလိုက်ပါ။ ဒီနည်းလမ်းလေးကို တစ်ပတ်မှာ တစ်ကြိမ် (သို့) နှစ်ကြိမ် ပြုလုပ်ပေးရပါမယ်။
ကော်ဖီအကြမ်းမှုန့်
ကော်ဖီအကြမ်းမှုန့် စားပွဲတင်ဇွန်း ၂ ဇွန်း (သို့) ၃ ဇွန်းခန့်၊ သံလွင်ဆီ (သို့) အုန်းဆီ စားပွဲတင်ဇွန်း ၁ ဇွန်းနဲ့ ရေတို့ လိုအပ်ပါလိမ့်မယ်။ ပါဝင်ပစ္စည်းများအားလုံးကို အနှစ်ပျစ်ပျစ်လေးဖြစ်သွားအောင် ရောမွှေပေးလိုက်ပါ။ ထို့နောက် အသားအရေပေါ်မှာ စက်ဝိုင်းပုံသဏ္ဍာန် ညင်သာစွာပွတ်တိုက်ပေးလိုက်ပါ။ ၃ မိနစ်၊ ၄ မိနစ်ခန့် ပွတ်တိုက်ပေးပြီးတဲ့နောက်မှာတော့ ရေဆေးလိုက်လို့ရပါပြီ။ ဒီချေးချွတ်နည်းကိုတော့ တစ်ပတ်မှာ တစ်ကြိမ်ခန့် မှန်မှန်ပြုလုပ်ပေးမယ်ဆိုရင်တော့ ထူးခြားတဲ့ရလဒ်တွေကို တွေ့မြင်ရမှာပဲဖြစ်ပါတယ်။
သကြားနဲ့ ပျားရည်
သကြား စားပွဲတင်ဇွန်း ၁ ဇွန်းနဲ့ ပျားရည် လက်ဖက်ရည်ဇွန်း ၁ ဇွန်းတို့ လိုအပ်ပါလိမ့်မယ်။ ပါဝင်ပစ္စည်း နှစ်မျိုးကို သမအောင် ရောမွှေပေးလိုက်ပါ။ ထို့နောက် သင့် အသားအရေပေါ်မှာ မိနစ်အနည်းငယ်ကြာ ပွတ်တိုက်ပေးလိုက်ပါ။ ပြီးရင်တော့ ရေဆေးချလိုက်လို့ရပါပြီ။ ဒီချေးချွတ်နည်းလေးကိုတော့ တစ်ပတ်မှာ ၁ ကြိမ် (သို့) နှစ်ကြိမ်ခန့် ပြုလုပ်ပေးရပါမယ်။
Source: Stylecraze.com
