လက်သည်းပျက်စီးနေတဲ့သူတွေအတွက် healthy nails လေးတွေကို ပြန်လည်ရရှိလာစေမယ့် သဘာဝနည်းလမ်းကောင်းတွေကို မျှဝေပေးလိုက်ပါတယ်။
Tea Tree Oil
Tea tree oil ကို လက်သည်းမှာပွတ်လိမ်းပေးခြင်းက လက်သည်းမှိုစွဲတာတွေ၊ လက်သည်းပျက်စီးနေတာတွေကို သက်သာစေပြီး healthy nails ရစေပါတယ်။ ပုံမှန်လေး လိမ်းပေးဖို့တော့ လိုပါတယ်။
သခွားသီး
သခွားသီးမှာက vitamins A, E, B1, B2, B3, C စတဲ့ဓာတ်တွေ များစွာပါဝင်တဲ့အပြင် calcium နဲ့ iron ဓာတ်တွေလည်း ပါဝင်ပါသေးတယ်။ ဒါကြောင့် လက်သည်းနဲ့ပတ်သက်တာ ပြဿနာတွေအားလုံးကို သဘာဝအတိုင်း ပျောက်အောင်ကူညီပေးနိုင်ပါတယ်။ လုပ်ရမယ့်နည်းလမ်းကတော့ သခွားသီးကို အရည်ရအောင် blender နဲ့ကြိတ်ပြီး ရလာတဲ့အရည်ထဲကိုမှ လက်သည်းထည့်ပြီး ၅ မိနစ်လောက် စိမ်ထားပေးရမှာပါ။
သံပယိုသီးနဲ့မုန့်ဖုတ်ဆိုဒါ
သံပယိုသီးကိုအရည်ညှစ်ပြီး ရလာတဲ့သံပယိုရည်ကိုမှ မုန့်ဖုတ်ဆိုဒါနဲ့ ပျစ်ပျစ်လေးဖြစ်အောင် ရောမွှေလိုက်ပါ။ ပြီးရင် သွားပွတ်တံနဲ့ယူပြီး လက်သည်းကိုပွတ်တိုက်ပေးပါ။ ဒီလိုလုပ်ပေးခြင်းက လက်သည်းဝါညစ်နေတာတွေ သက်သာစေပြီး လက်သည်းဖြူလာစေပါတယ်။
Biotin ကြွယ်ဝတဲ့အစားအသောက်
Biotin က လက်သည်းတွေ သန်စွမ်းကျန်းမာစေဖို့၊ လက်သည်းအရှည်မြန်စေဖို့၊ လက်သည်းတွေခဏခဏ မကျိုးစေဖို့ အထောက်အကူပြုပါတယ်။ ဒါကြောင့် အစားအသောက်စားတဲ့အခါမှာ biotin ကြွယ်ဝတဲ့ nuts တွေ၊ ဂေါ်ဖီပန်းပွင့်၊ ကြက်ဥ၊ ငှက်ပျောသီး၊ မှို စတာတွေကို နေ့တိုင်း တစ်မျိုးမဟုတ်တစ်မျိုးစားပေးပါ။
အုန်းဆီ
အုန်းဆီကို လက်သည်းမှာလိမ်းပြီး လက်ချောင်းလေးတွေနဲ့ massage လုပ်နှိပ်နယ်ပေးမယ်ဆိုရင်တော့ လက်သည်းအတွက်လိုအပ်တဲ့ အာဟာရဓာတ်ကိုရစေပြီး moisturizing effect လည်း ရစေပါတယ်။ Healthy nails ကို ရရှိစေပြီး လက်သည်းသန်မာစေပါတယ်။
