အားလုံးပဲမင်္ဂလာပါနော်။ ချစ်သူနှစ်ဦးဆက်ဆံရေးက ထင်သလောက် မလွယ်ကူလှပါဘူး။ တစ်ယောက်နဲ့တစ်ယောက် တကယ်ချစ်မိသွားပြီး ချစ်သူအဖြစ် လက်တွဲကြပြီဆိုရင် ချစ်တာအပြင် နားလည်မှုတွေ၊ သံယောဇဉ်တွေနဲ့ ရှေ့ဆက်ရတာပါ။
ကိုယ်က သူ့အပေါ် အတည်လို့ သတ်မှတ်ထားပေမယ့် သူကရော ကိုယ့်အပေါ် ဘယ်လိုစိတ်သဘောထားမျိုးရှိသလဲ အလေးအနက်ထားရဲ့လားဆိုတာကို သိရှိဖို့လည်း လိုအပ်ပါတယ်။ သင့်အပေါ်တကယ်ချစ်ပြီး အလေးထားတဲ့သူဆိုရင် ဒီလိုအချက်တွေကို ဘယ်တော့မှပြုလုပ်မှာ မဟုတ်ပါဘူးနော်။ ကဲ..ဘယ်လိုအချက်တွေလဲဆိုတာ ကြည့်လိုက်ပါအုံးနော်…
သင့်အတွက် ရပ်တည်ဖေးမပေးတတ်တဲ့သူ မဟုတ်ဘူး
သင့်သူငယ်ချင်းတွေကလည်း သူသင့်အပေါ် အလေးအနက်ထားတယ်လို့ မခံစားရဘူး
သင်နဲ့ပတ်သက်တဲ့အရာတွေကို မေ့နေတတ်တယ်
တွဲတာကြာနေပေမယ့် သူ့မိတ်ဆွေ၊ သူငယ်ချင်း၊ မိသားစုဝင်တွေကို သင်မဆုံဖူးဘူး
သင်နဲ့အတူရှိနေရင်းနဲ့ တခြားအရာတွေကို စိတ်ဝင်စားနေတတ်တယ်
သင့်အတွက်အချိန်ပေးဘဲ အလုပ်ပဲရှုပ်နေတတ်တယ်
သင်တို့နှစ်ယောက်ရဲ့ အနာဂတ်အကြောင်း ဘာမှပြောလေ့မရှိဘူး
သင်ကိုယ်တိုင်လည်း သူသင့်အပေါ် အလေးအနက်ထားတယ်လို့ မခံစားရဘူး
Source: Beautyofgirls
