After School အဖွဲ့ဝင် နာမည်ကြီး Idol တစ်ယောက်ဖြစ်တဲ့ Nana ကိုတော့ Kpop ပရိသတ်တွေနဲ့ K Drama ကြိုက်နှစ်သက်သူတွေပါ ရင်းနှီးပြီးသားဖြစ်မှာပါ။ အနုပညာမျိုးရိုးရှိသူတစ်ယောက်ဖြစ်ပြီး လက်ရှိမှာ Idol အပြင် နာမည်ရပြီးသား မော်ဒယ်၊ မင်းသမီးတစ်ဦးအနေနဲ့လည်း ရပ်တည်နေတာပဲဖြစ်ပါတယ်။


သူမရဲ့နာမည်အရင်းက Im Jin-Ah ဖြစ်ပြီး ၁၉၉၁ ခုနှစ်မှာမွေးဖွားခဲ့တာဖြစ်လို့ အသက် ၃၀ ရှိပါပြီ။ သူမဟာ ကျက်သရေရှိပြီး ပြည့်စုံတဲ့မျက်နှာကျမျိုးပိုင်ဆိုင်ထားတဲ့အပြင် မိန်းကလေးတိုင်းအားကျရတဲ့ ခန္ဓာကိုယ်အလှကိုပါ ထိန်းသိမ်းထားနိုင်တဲ့သူတစ်ယောက်လည်းဖြစ်ပါတယ်။ အရပ် ၅ပေ ၇ အမြင့်ရှိတာကြောင့် အရပ်အရှည်ဆုံး အမျိုးသမီး Idol တွေထဲကတစ်ဦးအဖြစ် ပရိသတ်တွေ အသိအမှတ်ပြုထားတဲ့သူတစ်ယောက်ဆိုရင်လည်းမမှားပါဘူး။

ဒီတော့ ဒီတစ်ခေါက်မှာ Nana လို ခန္ဓာကိုယ်ပိန်ပြီး ခြေတံရှည်တဲ့ ပျိုမေတို့အတုယူနိုင်ဖို့ သူမရဲ့ဖက်ရှင်ဒီဇိုင်းအိုင်ဒီယာလေးတွေကို ဖော်ပြပေးလိုက်ပါတယ်။

အရပ်ရှည်တဲ့ကောင်မလေးတွေအတွက် ဂျင်းဘောင်းဘီအရှည်တွေကမရှိမဖြစ်ပါပဲ။ သင့်ကို အမြဲစတိုင်ကျနေစေသလို ဝတ်ရတာလည်းပေါ့ပါးစေပါတယ်။

ဘောင်းဘီတိုလေးတွေဝတ်လိုက်တဲ့အခါမှာလည်း ခြေထောက်ရှည်ရှည်သွယ်သွယ်လေးပေါ်ပြီး ချစ်စရာကောင်းနေစေမှာပါ။

ဘောင်းဘီရှည်ပွပွတွေကလည်း ရုံးသွားရုံးတက်အဆင်ပြေပြီး အရပ်ရှည်တဲ့သူတွေနဲ့ အရမ်းလိုက်ဖက်ပါတယ်။

စကပ်ဝတ်ရတာကြိုက်တဲ့သူတွေအနေနဲ့ Nana လို စကပ်ရှည်ဘေးအကွဲလေးတွေ ဝတ်ကြည့်ပါ။ ခေတ်ဆန်ပြီး အထာကျတဲ့ပုံစံကိုရရှိပါလိမ့်မယ်။

ယောကျ်ားဆန်ဆန်ခပ်ပွပွဝတ်ရတာကြိုက်တဲ့သူတွေအနေနဲ့လည်း ဒီလိုပုံစံလေးတွေဝတ်ကြည့်နိုင်ပါတယ်။ အရပ်အရှည်နဲ့ လိုက်ဖက်တဲ့အမိုက်စားဖက်ရှင်ပုံစံကိုရရှိစေမှာပါ။

အရပ်ရှည်နေပြီးသားမို့ ဖိနပ်အမြှင့်ဝတ်စရာမလိုဘူးဆိုတာမျိုးမရှိပါဘူး။ Nana လို Boots အရှည်နဲ့ ဒေါက်ခပ်မြင့်မြင့်တွေစီးကြည့်ပါ။ ဒါက သင့်ကို မော်ဒယ်တစ်ယောက်လို အများကြားမှာထင်းထွက်ပြီး ယုံကြည်မှုအပြည့်ရှိတဲ့ပုံစံကိုရစေပါလိမ့်မယ်။

Photo Source: Pinterest

By MyStyle Myanmar