အသားအရေ နူးညံ့ပြီးကောင်းမွန်ဖို့အတွက် အသုံးဝင်တဲ့ အိမ်သုံးပစ္စည်းတွေက များပြားလှပါတယ်။ အလှပြင်ပစ္စည်းတွေဟာဆိုရင်လည်း ဒီလိုအိမ်သုံး သဘာဝပစ္စည်းတွေနဲ့ပဲ ပေါင်းစပ်ဖော်စပ်ထားတာပဲဖြစ်ပါတယ်။ Baking Soda တို့ ရှားစောင်းလက်ပတ်တို့ဟာ အသုံးဝင်တယ်ဆိုတာကို သိထားကြပြီးဖြစ်ပေမယ့် အုန်းဆီရဲ့အသုံးဝင်ပုံကိုပြောပြပေးချင်ပါတယ်။ အရေပြားပြသနာအတွက် အကောင်းဆုံးက အုန်းဆီပါပဲ။
Flawless Skin Tone ကိုရယူချင်ရင်တော့ အုန်းဆီကို အမြဲဆောင်ထားဖို့လိုပါတယ်။ ဆံကေသာကို ထည့်နေကြ ရိုးရိုး ဆီမျိုးမဟုတ်ပဲ အဖြူရောင် အုန်းသီအဆီအနှစ်ကို သုံးရင်တော့ အကောင်းဆုံးပေါ့။ ဘယ်လိုအခြေအနေတွေမှာ အုန်းအဆီ အနှစ်ကို သုံးသင့်သလဲဆိုတာကို ပြောပြပေးချင်ပါတယ်။
အရေပြားကို ဘက်တီရီးယားဘေးမှာ အကာအကွယ် အဖြစ်သော်လည်းကောင်း
အသားအရေကို စိုပြေချော့မွေ့စေသော moisturizer အလှဆီ အဖြစ်သော်လည်းကောင်း
အညောင်းအညာပြေစေဖို့အတွက် Massage Oil ဆေးဖက်ဝင် အနှိပ်ဆီ အဖြစ်သော်လည်းကောင်း
အရေပြားအတွင်း အညစ်အကြေးများ ချေးများကင်းစင်အောင် အသုံးဝင်စေတဲ့ Homemade Body Scrub အဖြစ်သော် လည်ကောင်း
နှုတ်ခမ်းသားများ လက်အသားအရေခြောက်သွေ့တဲ့အခါ အစိုဓာတ်ကိုထိန်းပေးသော Lotion အဖြစ်လည်းကောင်း
Sensitive ဖြစ်တဲ့အသားအရေပိုင်ရှင်တွေအတွက် ဓာတုပစ္စည်းပါဝင်တဲ့ မိတ်ကပ်ဖျက်ဆေးတွေ သုံးမရသောအခါ သဘာဝ Makeup Remover အဖြစ်သော်လည်းကောင်း ဖက်စုံ အလှအပရေးရာမှာ အသုံးဝင်တာကြောင့် အခုလို အေးတဲ့ ရာသီမျိုးတွေမှာဆို မဖြစ်မနေဆောင်ထားသင့်ပါတယ်။
Source: AllWomenStalk
