အသားအရေနဲ့ဆံပင်အတွက် Mayonnaise ကို သေချာအသုံးချနိုင်မယ့် နည်းလမ်းကောင်းတွေကို မျှဝေပေးလိုက်ပါတယ်။
အမဲစက်တွေအတွက်
Mayonnaise နဲ့ ပျားရည်၊ သံပယိုရည်တို့ကိုသုံးပြီး အမဲစက်တွေ သက်သာပျောက်ကင်းအောင် လုပ်လို့ရပါတယ်။
လုပ်ရမယ့်နည်းလမ်းကတော့ Mayonnaise နဲ့ ပျားရည်၊ သံပယိုရည်တို့ကို ဆတူရောမွှေပြီး အမဲစက်တွေရှိတဲ့နေရာအကုန် သေချာလိမ်းပေးပြီး ၁၅ မိနစ်ထားပါ။ အချိန်ပြည့်ရင် ရေကြက်သီးနွေးနဲ့ဆေးချလိုက်ရုံပါပဲ။ ဒီနည်းလမ်းကိုတော့ တစ်ပတ်တစ်ခါ ပုံမှန်လုပ်ပေးရပါမယ်။
Exfoliation လုပ်ဖို့အတွက်
Mayonnaise, Oatmeal နဲ့ သကြား တို့ကိုသုံးပြီးတော့လည်း exfoliation လုပ်နိုင်ပါတယ်။
လုပ်ရမယ့်နည်းလမ်းကတော့ Mayonnaise, Oatmeal နဲ့ သကြားတို့ကို ဆတူရောမွှေပြီး မျက်နှာဆိုလည်း မျက်နှာကိုပွတ်ပြီး Exfoliation လုပ်ပေးရုံပါပဲ။ ၃ မိနစ်လောက်ပွတ်ပြီးရင် ၁၅ မိနစ်ထားလိုက်ပါ။ ပြီးမှ မျက်နှာသစ်ပါ။ ဒီနည်းလမ်းကိုလည်း တစ်ပတ်တစ်ခါ ပုံမှန်လုပ်ပေးနိုင်ပါတယ်။
ဆံပင်သန်စွမ်းဖို့အတွက်
Mayonnaise နဲ့ အုန်းဆီကိုသုံးပြီး ဆံပင်သန်စွမ်းကျန်းမာအောင် လုပ်လို့ရပါတယ်။
လုပ်ရမယ့်နည်းလမ်းကတော့ အပေါ်မှာလိုပဲ Mayonnaise နဲ့ အုန်းဆီကို ဆတူရောမွှေပြီး ဆံသားအနှံ့၊ ဦးရေပြားအထိ သေချာလိမ်းပေးပြီး ပေါင်းထားပါ။ တစ်နာရီလောက်ထားပြီးမှ ခေါင်းလျှော်ပေးပါ။ ခေါင်းလျှော်တိုင်းမှာ ဒီနည်းလမ်းကိုသုံးနိုင်ပါတယ်။
ဗောက်တွေပျောက်ဖို့အတွက်
Mayonnaise နဲ့ ဗောက်တွေပျောက်အောင် လုပ်နိုင်ပါတယ်။
လုပ်ရမယ့်နည်းလမ်းကတော့ Mayonnaise – စားပွဲတင်ဇွန်း ၁ ဇွန်း၊ သံလွင်ဆီ – စားပွဲတင်ဇွန်း ၁ ဇွန်း၊ အုန်းဆီ – လက်ဖက်ရည်ဇွန်း ၁ ဇွန်းတို့ကို ရောမွှေပြီး ဦးရေပြားနဲ့ ဆံသားမှာ သေချာလိမ်းပေးပါ။ တစ်နာရီထားပြီးမှ ခေါင်းလျှော်ပေးပါ။ ခေါင်းလျှော်တဲ့အခါမှာ သေချာပြောင်အောင်လျှော်ဖို့ လိုပါတယ်။
