အားလုံုံးပဲမဂ်လာပါနော် MyStyle Myanmarရဲ့ အလှပဂေးလေးတွေရေ..ဒီနေ့မှာတော့ ပျိုမေလေးတွေရဲ့ မျက်နှာအသားအရေလေး အပြစ်အနာဆာကင်းကင်းနဲ့ အိစက်ပြီးဝင်းပလှပစေဖို့ ကိုယ်တိုင်ကိုယ်ကျလုပ်နိုင်မယ့် သဘာဝ Face Maskလေးတွေကို ပြောပြပေးချင်ပါတယ်နော်။ ကိုယ့်အိမ်မှာရှိတဲ့ မီးဖိုချောင်သုံးပစ္စည်းတွေနဲ့လည်း သင့်မျက်နှာကိုပေါင်းတင်နိုင်ပါတယ်။ ဝက်ခြံပျောက်ဖို့ အဆီပြန်တာတွေဖယ်ရှားဖို့ အသားအရေစိုပြေဖို့ဆိုရင် Maskကို တစ်ခါတည်းကပ်ရုံနဲ့ မပြီးပါဘူးနော်။

ဒါကြောင့် ဒီသဘာဝMaskလေးတွေကို ပုံမှန်လုပ်ပေးရင်း ပျိုမေလေးတွေကြုံတွေ့နေရတဲ့ ဝက်ခြံထွက်တာတွေ အသားခြောက်တာတွ ချွေးပေါက်ကျယ်တဲ့အသားအရေပြဿနာတွေကို ဖြေရှင်းပေးလိုက်ကြပါစို့…

၁။ ခြောက်သွေ့တဲ့အသားအရေပိုင်ရှင်တွေအတွက်

သင့်အသားအရေက ခြောက်သွေ့တတ်တဲ့ အသားအရေဖြစ်ရင်တော့ တစ်ပတ်မှာ အစိုဓာတ်ထိန်း Mask တစ်ကြိမ်ကနေ နှစ်ကြိမ်သုံးပေးရပါမယ်။ ကိုယ့်အိမ်မှာပဲ Mask လုပ်မယ်ဆိုရင်တော့

  • ကြိတ်ထားတဲ့ ထောပတ်သီး တစ်ဝက်
  • ဒိန်ချဉ် ၂ ဇွန်း
  • သံလွင်ဆီ တစ်ဇွန်း
  • ပျားရည်တစ်ဇွန်း

ပါဝင်ပစ္စည်းတွေကို သမအောင်မွှေပြီး မျက်နှာမှာ လိမ်းပေးပါ။ ၁၅ မိနစ်ထားပေးပြီး ရေနဲ့ဆေးချပါ။

၂။ ဝက်ခြံအတွက်

သင့်မျက်နှာက ဝက်ခြံထွက်တတ်ရင်တော့ Hazel နဲ့ Tea Tree Oil က ဆေးစွမ်းကောင်းပါပဲ။ ဒီထဲကို Clay Mask အနည်းငယ်ထည့်ပြီး ဘတ်တီးရီးယားတွေကို တိုက်ထုတ်နိုင်ပါတယ်။

နောက်ထပ် ဝက်ခြံပျောက်တဲ့ Mask ကတော့ ပျားရည်နဲ့ နနွင်းမှုန့်ပါ။ ပျားရည်က အသားအရေကို စိုပြေစေပါတယ်။ နောက် Mask တစ်မျိုးကတော့ အုတ်ဂျုံပါ။ အုတ်ဂျုံကို ရေနဲ့ ကျိုလိုက်ပြီး အအေးခံထားပါ။ ပြီးတာနဲ့ မျက်နှာပေါ်လိမ်းပေးရပါမယ်။

ဒီ Mask တွေကို ၁၀ မိနစ်ကနေ ၁၅ မိနစ်ထားပေးရပါမယ်။ ပြီးတာနဲ့ ရေနဲ့ ဆေးချပေးရပါမယ်။

အပေါ်မှာ ပြောထားတဲ့ Mask လေးမျိုးရဲ့ အချိုးအစားတွေကတော့-

  1. Clay Mask+ ရေ + Tea Tree Oil အနည်းငယ်
  2. ပျားရည်တစ်ဇွန်း + နနွင်း ဇွန်းဝက်
  3. Clay Mask + ရေ + Witch Hazel အနည်းငယ်
  4. အုတ်ဂျုံ + ရေ

ဒီ Mask လေးမျိုးလုံးက ဝက်ခြံအတွက်ဖြစ်ပြီး ကိုယ်ကြိုက်တဲ့ Mask အမျိုးအစားကိုရွေးပြီး ပေါင်းတင်နိုင်ပါတယ်။

၃။ Peel Off Mask (ပြန်ခွာနိုင်တဲ့ Mask ပုံစံ)

Peel-off Mask တွေက ဆားဝက်ခြံအတွက် အထူးအသုံးဝင်ပြီး ဆဲလ်သေတွေကို ဖယ်ရှားပေးနိုင်ပါတယ်။ Peel-Off Mask ကို ဆိုင်မှာပဲ ရမှာပေါ့လို့ သင်ထင်မှာပါ။ ဒါပေမဲ့ အိမ်မှာလည်း ပြုလုပ်နိုင်ပါတယ်။ အဓိက လိုအပ်တဲ့ပစ္စည်းကတော့ Gelatin ပါ။

  1. Gelatine ဇွန်းဝက် + သံပယိုရည် နှစ်ဇွန်း
  2. Gelatine ဇွန်းဝက် + နွားနို့တစ်ဇွန်း + ကြက်ဥအကာ
  3. Gelatine တစ်ချပ် + Charcoal ဇွန်းတစ်ဝက် + ပေါင်းခံရည် တစ်ဇွန်း

ဒီသုံးမျိုးထဲက ကိုယ်နဲ့သင့်တော်တဲ့ Peel-off Mask ကိုသုံးနိုင်ပါတယ်။ Mask တင်တဲ့နေရာမှာ ဘရပ်ရှ်လေးသုံးပေးရပါမယ်။ ခြောက်တဲ့အထိထားပြီး ခွာချလိုက်ပါ။

၄။ ချွေးပေါက်ကျယ်သူတွေအတွက်

ချွေးပေါက်ကျယ်တာကိုတော့ ပျိုမေတိုင်းမုန်းပါတယ်။ ချွေးပေါက်ကျဉ်းဖို့အတွက် ချွေးပေါက်တွေထဲက အညစ်အကြေးတွေကို ဖယ်ရှားပေးရပါမယ်။ ဒီအတွက် အသုံးဝင်တာကလည်း သံပယိုသီးပါပဲ။ မုန့်ဖုတ်ဆိုဒါကလည်း ချွေးပေါက်ကျယ်သူတွေအတွက် သင့်တော်ပါတယ်။ ပေါင်းတင်နည်းတွေကတော့

  1. မုန့်ဖုတ်ဆိုဒါ + ရေ ( အနှစ်ပုံစံရဖို့ လိုအပ်တဲ့ပမာဏ)
  2. ကြက်ဥအကာ + သံပယိုရည်အနည်းငယ် (ကြက်ဥအကာကို အမြှုပ်ထတဲ့အထိ ခလောက်ပေးရပါမယ်)

သင့်မျက်နှာပေါ်က ချွေးပေါက်ကျယ်တဲ့နေရာတွေပေါ်မှာ လိမ်းပေးရပါမယ်။ ပြီးတာနဲ့ ရေနဲ့ဆေးချရပါမယ်။ ကြိုက်နှစ်သက်ရာ Mask ကိုသုံးနိုင်ပါတယ်။

၅။ အဆီပြန်တဲ့အသားအရေအတွက်

သင့်အသားအရေက အဆီပြန်တတ်တယ်ဆိုရင်တော့ ပုံမှန်သန့်စင်ပေးရပါမယ်။ သံပယိုသီးသုံးပေးတာက သင့်အရေပြားကို သန့်ရှင်းသွားစေပြီး လန်းဆန်းသွားစေပါတယ်။ အလွယ်ဆုံး Mask ကတော့ သံပယိုသီးနဲ့ နွားနို့ပါ။ ငှက်ပျောသီးကလည်း အဆီပြန်သူတွေအတွက် သင့်တော်ပါတယ်။

အဆီပြန်တဲ့သူတွေအတွက် ပေါင်းတင်နည်းနှစ်မျိုးကတော့

  1. နွားနို့ + သံပယိုရည်တစ်ဇွန်း
  2. ကြိတ်ထားတဲ့ ငှက်ပျောသီး + သံပယိုရည် အနည်းငယ်

ဒီနှစ်မျိုးထဲက ကြိုက်နှစ်သက်ရာ တစ်မျိုးကို ပြုလုပ်နိုင်ပါတယ်။

Source: Herbeauty.co