ရေမွှေးဆိုရင် တချို့က သစ်သီးနံ့လေးတွေကြိုက်တယ်၊ တချို့ကျ ပန်းအနံ့လေးတွေကြိုက်ပါတယ်။ ဒီတစ်ခါမှာတော့ ပန်းအနံ့ကြိုက်တဲ့သူတွေအတွက် သုံးကြည့်သင့်တဲ့ အကောင်းစား floral perfumes (၅) မျိုးကို ဖော်ပြပေးလိုက်ပါတယ်။
Gucci Flora Gorgeous Gardenia Eau de Parfum
သူ့ရဲ့ top notes တွေက ပန်းအနံ့၊ သစ်တော်သီးအနံ့၊ စံပယ်အနံ့လိုမျိုးလေးတွေနဲ့ ပေါင်းစပ်ထားပြီး brown sugar နဲ့ patchouli အနံ့လေးကလည်း ပါလာပါသေးတယ်။ အားလုံးခြုံပြောရမယ်ဆိုရင်တော့ သူ့ရဲ့အနံ့က အရမ်းနူးညံ့ပြီး စွဲမက်စရာကောင်းပါတယ်။ ပူလောင်နေတာတွေအားလုံးကို တစ်ခါထဲပျောက်သွားစေမယ့် အနံ့မျိုးလေးပါ။
Tom Ford Rose Prick Eau de Parfum
နှင်းဆီပန်းခင်းထဲရောက်သွားသလို ခံစားရစေမယ့် အနံ့မျိုးလို့ တင်စားထားတာကြောင့် နှင်းဆီအနံ့ကြိုက်တဲ့သူတွေ ရွေးချယ်သင့်ပါတယ်။ တစ်ခါဆွတ်ရုံနဲ့ တစ်နေကုန်မွှေးနေစေပါတယ်။
Jo Malone Peony & Blush Suede Cologne
စံပယ်ပန်းအနံ့၊ နှင်းဆီပန်းအနံ့နဲ့ လေးညှင်းနံ့မွှေးတဲ့ ပန်းအနံ့တို့ ပေါင်းစပ်ထားတဲ့ floral perfume ပါပဲ။ သူ့ရဲ့အနံ့လေးတွေက အရမ်း fresh ဖြစ်စေတဲ့ floral အနံ့မျိုးဖြစ်လို့ ပန်းအနံ့ကြိုက်တဲ့သူတိုင်း သဘောကျမှာသေချာပါတယ်။
Viktor&Rolf Flowerbomb
သူ့ရဲ့အနံ့ကျတော့ စံပယ်ပန်းအနံ့နဲ့ orange blossom, patchouli တို့ပေါင်းစပ်ထားပြီး powdery ဘက်ပိုသွားတဲ့အနံ့မျိုးပါ။ နွေးထွေးပြီး နူးညံ့တဲ့အနံ့မျိုးလေးနဲ့ အရမ်း sweet ဖြစ်လို့ မိန်းကလေးတိုင်း သဘောကျလောက်ပါတယ်။
Floral Street Neon Rose
Floral အနံ့ကိုရူးသွပ်တဲ့သူတွေ လုံးဝကိုအကြိုက်တွေ့မယ့် အနံ့မျိုးဖြစ်ပါတယ်။ အနံ့စွဲပြီး ကြာရှည်ခံတဲ့အပြင် sweet ဖြစ်ပြီး စိတ်ကိုလည်း fresh ဖြစ်စေပါတယ်။ သူ့ရဲ့ key notes တွေက pear, galbanum, sichuan pepper တို့ပဲ ဖြစ်ပါတယ်။
