ကိုးရီးယားနိုင်ငံရဲ့ Nation Girl Group အနေနဲ့ကျော်ကြားတဲ့ SNSD အဖွဲ့ကိုတော့ Kpop ချစ်ပရိသတ်တွေ ရင်းနှီးပြီးသားဖြစ်မှာပါ။ SNSD မှာပါဝင်ခဲ့တဲ့ အဖွဲ့ဝင်ကိုးဦးစလုံးဟာဆိုရင် အနုပညာသက်တမ်းရင့်လာတာနဲ့အမျှ အဆိုတော်၊ သရုပ်ဆောင်၊ မော်ဒယ်အစရှိတဲ့ နယ်ပယ်တွေမှာ အသီးသီးအောင်မြင်လာကြတဲ့အပြင် အခြားသော Idol တွေနဲ့လည်း ပူးပေါင်းဖျော်ဖြေမှုတွေ ပြုလုပ်လာကြပါတယ်။ အထူးသဖြင့် အဖွဲ့ဝင် Hyoyeon ဟာဆိုရင် SNSD အပါအဝင် စုစုပေါင်း အဖွဲ့ငါးဖွဲ့နဲ့ ပူးပေါင်းဖျော်ဖြေပြီး ပွဲဦးထွက်ခဲ့တာကိုတွေ့ရပါတယ်။

Hyoyeon ရဲ့နာမည်အရင်းကတော့ Kim Hyo-yeon ဖြစ်ပြီး အသက် ၃၂ နှစ်ရှိပြီဖြစ်တဲ့ အနုပညာရှင် တစ်ယောက်ပါ။ သူမဟာ အဆိုတော်၊ အကသမား၊ DJ နဲ့ သရုပ်ဆောင်စတဲ့နယ်ပယ်မျိုးစုံမှာ အောင်မြင်နေသူတစ်ဦးဖြစ်ပြီး TV Show တော်တော်များများမှာလည်း ပါဝင်ခဲ့ဖူးသူဖြစ်ပါတယ်။ ဒီတစ်ခေါက်မှာ Kpop စိတ်ဝင်စားသူတွေနဲ့ SNSD ပရိသတ်တွေအတွက် Hyoyeon ပါဝင်ခဲ့တဲ့ အဖွဲ့တွေအကြောင်းကို ဖော်ပြပေးလိုက်ပါတယ်။

၁။ Girls’ Generation (SNSD)

Hyoyeon ဟာ ၂၀၀၇ ခုနှစ်မှာစတင်ပွဲဦးထွက်ခဲ့တဲ့ SNSD အဖွဲ့ရဲ့ အဓိက Dancer နဲ့ Rapper တစ်ဦးအနေနဲ့ စတင်ကျော်ကြားခဲ့သူဖြစ်ပြီး Idol သက်တမ်း ၁၅ နှစ်ရှိပြီဖြစ်တဲ့အဆိုတော်တစ်ဦးဖြစ်ပါတယ်။ သူမဟာ အဖွဲ့ဝင်တွေနဲ့အတူ ၂၀၁၇ ခုနှစ်မှာ “Holiday Night” လို့ခေါ်တဲ့ SNSD အဖွဲ့ဆယ်နှစ်ပြည့် Album တစ်ခုထွက်ရှိခဲ့ပါတယ်။

၂။ YOUNIQUE

၂၀၁၂ ခုနှစ်မှာ Hyoyeon ဟာ သူမရဲ့ Entertainment ဖြစ်တဲ့ SM Entertainment နဲ့ Hyundai Motor Company တို့ပူးတွဲပြုလုပ်ခဲ့တဲ့ YOUNIQUE အဖွဲ့ခွဲတစ်ခုမှာပွဲဦးထွက်ခဲ့ဖူးပါတယ်။ YOUNIQUE အဖွဲ့ကိုတော့ SM ရဲ့ အကတော်တဲ့ Idol အနုပညာရှင်တွေဖြစ်ကြတဲ့ Henry Lau ၊ Luhan ၊ SHINee အဖွဲ့ဝင် Taemin ၊ Super Junior အဖွဲ့ဝင် Eunhyuk ၊ EXO အဖွဲ့ဝင် Kai နဲ့ Hyoyeon တို့ပူးပေါင်းဖွဲ့စည်းခဲ့ကြပြီး “MAXSTEP” ဆိုတဲ့ သီချင်းတစ်ပုဒ်ထွက်ရှိခဲ့ပါတယ်။

၃။ Triple T

၂၀၁၆ ခုနှစ်မှာ SM နဲ့ JYP Entainment တို့ပူးပေါင်းဖွဲ့စည်းခဲ့ဖူးတဲ့ Triple T ဆိုတဲ့အဖွဲ့ခွဲမှာလည်း Hyoyeon ဟာ 2AM အဖွဲ့ဝင် Jo Kwan ၊ Miss A အဖွဲ့ဝင် Min တို့နဲ့အတူ “Born To Be Wild” ဆိုတဲ့ပွဲဦးထွက် အမိုက်စားသီချင်းတစ်ပုဒ်ကို ပူးပေါင်းဖျော်ဖြေထုတ်လုပ်ခဲ့ပါသေးတယ်။

၄။ Girls’ Generation-Oh!GG

Girls’ Generation-Oh!GG ကတော့ ၂၀၁၈ ခုနှစ်မှာ SM နဲ့ စာချုပ်ဆက်လက်ချုပ်ဆိုခဲ့တဲ့ Girl’s Generation အဖွဲ့ဝင်တွေနဲ့အတူ အသစ်ပြန်လည်ဖွဲ့စည်းလိုက်ခြင်းဖြစ်ပြီး Hyoyeon နဲ့အတူ အဖွဲ့ဝင် Taeyeon ၊ Yoona ၊ Yuri နဲ့ Sunny တို့ပါဝင်တာပဲဖြစ်ပါတယ်။ “Lil’ Touch” ဆိုတဲ့သီချင်းနဲ့ပွဲဦးထွက်ခဲ့ပြီး မကြာသေးခင်ကမှ “Melody” ဆိုတဲ့သီချင်းကိုထွက်ရှိခဲ့ပါသေးတယ်။

၅။ Girls On Top

Hyoyeon ပါဝင်ထားတဲ့နောက်ဆုံးအဖွဲ့ကတော့ အခုနှစ်ထဲမှာမှ ပွဲဦးထွက်ထားတာဖြစ်ပြီး လတ်တလော Kpop ပရိသတ်တွေကြား “Step Back” သီချင်းနဲ့အတူရေပန်းစားနေတဲ့ “Girls On Top” (GOT the beat) အဖွဲ့ပဲ ဖြစ်ပါတယ်။ အဆိုရောအကပါထူးချွန်ကြတဲ့ အဖွဲ့ဝင် ခုနှစ်ယောက်နဲ့ဖွဲ့စည်းထားပြီး ဝါရင့် Idol တွေဖြစ်တဲ့ BoA ၊ SNSD အဖွဲ့ဝင် Hyoyeon ၊ Taeyeon ၊ Red Velvet အဖွဲ့ဝင် Wendy ၊ Seulgi တို့နဲ့အတူ လူငယ်အဆိုတော်တွေဖြစ်တဲ့ Aespa အဖွဲ့ဝင် Karina ၊ Winter တို့ပါဝင်နေတာပဲဖြစ်ပါတယ်။

Source: Koreaboo

By MyStyle Myanmar