HIIT ရဲ့ အရှည်ကောက်ကတော့ High-intensity interval training ဖြစ်ပြီး လေ့ကျင့်ခန်းလုပ်နေတဲ့အချိန်မှာ သင့်ရဲ့ ခွန်အား အပြည့်အဝသုံးရမှာ ဖြစ်ပြီး လုပ်သလောက် ထိရောက်တဲ့ လေ့ကျင့်ခန်းတွေ ဖြစ်ပါတယ်။ ဝိတ်ကျဖို့ ရည်ရွယ်ထားတဲ့ ပျိုမေတို့အတွက် HIIT လေ့ကျင့်ခန်းတွေက အသင့်တော်ဆုံး ဖြစ်ပါတယ်။ HIIT လေ့ကျင့်ခန်းမှာ အတွေ့အကြုံအလိုက် အခက်ဆုံးအဆင့်ထိ ရှိပါတယ်။ ဒီတစ်ခေါက်မှာတော့ HIIT လေ့ကျင့်ခန်းကို စလုပ်မယ့် ပျိုမေတို့အတွက် အများကြီးမခက်တဲ့ လေ့ကျင့်ခန်းတွေကို ဖော်ပြလိုက်ပါတယ်။
၁။ Bicycles
Photo source: We-Heart-it
အိပ်လျက်အနေအထားနဲ့ လက်နှစ်ဖက်ကို ခေါင်းနောက်မှာ ထားပေးရပါမယ်။ ပြီးနောက် ခန္ဓာကိုယ်ကို အပေါ်ပင့်ထားကာ ခြေထောက်ကို စက်ဘီးစီးတဲ့ ပုံစံ ဒူးခေါင်းနဲ့ ရင်ဘတ်နီးအောင် ဘယ်ညာတစ်လှည့်ဆီ လုပ်ပေးရပါမယ်။ ဒီလေ့ကျင့်ခန်းကို စက္ကန့် ၃၀ စာ သုံးကြိမ်လုပ်ရပါမယ်။
၂။ Plank Jumps-in
Photo source: Gfycat
လက်ထောက်ထားကာ ခန္ဓာကိုယ်ကို တစ်တန်းတည်း ထားပေးရပါမယ်။ ဒီအနေအထားကနေ ခြေထောက်ကို စုထားကာ ရှေ့နောက် လွှဲခုန်ပေးရပါမယ်။ ဒါကိုလည်း စက္ကန့် ၃၀ စာ သုံးကြိမ်လုပ်ရပါမယ်။
၃။ Knee Taps
Photo source: Get-Healthy-U
ခြေထောက်ကို အပေါ်ကွေးပြီး ထောက်ထားကာ လက်ကို မြေပြင်နဲ့ ကပ်လျက် ဆန့်ထားပေးရပါမယ်။ ပြီးနောက် ခန္ဓာကိုယ်ကို ဒူးနဲ့ ထိအောင် ဆွဲမပြီး ပုတ်ပေးရပါမယ်။ ပုတ်ပြီးရင်တော့ နဂို လက်ဆန့်အနေအထားကို ပြန်သွားရပါမယ်။ ဒါကို စက္ကန့် ၃၀ သုံးကြိမ် လုပ်ပေးရပါမယ်။
၄။ Plank In/Out
Photo source: Wifflegif
လက်နဲ့ Plank ထားကာ ခန္ဓာကိုယ်ကို တစ်တန်းတည်း ထားပေးရပါမယ်။ ပြီးနောက် ခြေထောက်ဆန့်ထားတာကို ကြားကွက်လပ် နေရာပိုကျယ်သွားအောင် ခုန်ကာ ကားပေးရပါမယ်။ ပြီးနောက် နဂိုအနေအထားအတိုင်း ပြန်သွားရပါမယ်။ ဒီလေ့ကျင့်ခန်းကို စက္ကန့် ၃၀ စာ သုံးကြိမ်လုပ်ပေးရပါမယ်။
၅။ Explosive Knee
Photo source: Spotebi
စစချင်း အလယ်က ပုံလိုမဟုတ်ဘဲ ဒူးတစ်ဘက်ထောက်ထားတဲ့ပုံစံနဲ့ စပေးရပါမယ်။ ပြီးနောက် ရှေ့ပုံလို ဒူးနဲ့ တံတောင်ထိကာ ခန္ဓာကိုယ်ကို လှည့်ပေးရပါမယ်။ လှည့်ပြီးနောက် နဂို ဒူးထောက်တဲ့ပုံစံ သွားပေးရပါမယ်။ တစ်ခြားတစ်ဘက်ကိုလည်း ဒီလိုပဲ လုပ်ပေးရပါမယ်။ တစ်ဘက်ဆီကို ၁၅ စက္ကန့် ဆီ သုံးကြိမ်လုပ်ရပါမယ်။
By MyStyle Myanmar
