မင်္ဂလာပါနော်။ K-Drama ချစ်သူတွေကတော့ တောင်ကိုရီးယား သရုပ်ဆောင်မင်းသား Ju Ji Hoon ကို ရင်းနှီးပြီးသားဖြစ်မယ်လို့ ထင်ပါတယ်။
တခြား တောင်ကိုရီးယားမင်းသားတွေနဲ့ မတူဘဲ ခန့်ညားပြီး ယောကျာ်းပီသတဲ့ သူ့ရဲ့ သွင်ပြင်က ပရိသတ်တွေကို ပိုပြီး ဆွဲဆောင်လို့ထားပါတယ်။
၁၉၈၂ ခုနှစ် မေလ ၁၆ ရက်နေ့က တောင်ကိုရီးယားနိုင်ငံ ဆိုးလ်မှာမွေးဖွားခဲ့ပြီး အခု ၂၀၂၂ မှာ အသက် ၄၀ နှစ်ပြည့်တော့မှာဖြစ်ပါတယ်နော်။
အသက် ၄၀ ဆိုပေမယ့် သူ့ရဲ့ ဘော်ဒီအချိုးအစား နဲ့ ခန့်ညားတဲ့သွင်ပြင်ကတော့ ပရိသတ်တွေရဲ့ အသည်းကို ဖမ်းစားထားနိုင်ဆဲဖြစ်ပါတယ်။
၂၀၀၆ ခုနှစ်တုန်းက အင်မတန်လူကြိုက်များခဲ့တဲ့ Princess Hours ဇာတ်လမ်းတွဲမှာ ခေါင်းဆောင်မင်းသားအဖြစ် ပထမဆုံးသရုပ်ဆောင်ခဲ့ပြီးနောက် The Devil, Antique, Mask, Along with the Gods: The Two Worlds and its sequel, The Spy Gone North, Dark Figure of Crime နဲ့ Kingdom စတဲ့ ရုပ်သံဇာတ်လမ်းတွဲကတော့ သူ့ကိုထိပ်တန်းမင်းသားတွေထဲက တစ်ယောက်ဖြစ်စေခဲ့တဲ့ အနုပညာဇာတ်ကားတွေပဲဖြစ်ပါတယ်။
အရပ်အမြင့် ၆ ပေ ၂ လက်မရှိပြီး သွေးအမျိုးအစားက A ဖြစ်ပါတယ်။ အရပ်မြင့်မြင့်နဲ့ ဘော်ဒီအမိုက်စားဖြစ်သလို အမြဲလိုလို ဖက်ရှင်ကျကျ ခပ်မိုက်မိုက် ဝတ်ဆင်တတ်တဲ့ Ju Ji Hoon ရဲ့ ဖက်ရှင်တွေကို မျှဝေပေးလိုက်ပါတယ်နော်။
Image Source: Pinterest
By MyStyle Myanmar
