တင်ထွက်ချင်ပေမယ့် ပြင်းတဲ့ workout တွေ၊ ပင်ပန်းတဲ့ workout တွေလည်း မလုပ်ချင်ဘူးဆိုတဲ့သူတွေအတွက် တင်ထွက်လာစေဖို့ ကူညီပေးမယ့် ထိရောက်တဲ့ယောဂကျင့်စဉ် ၇ မျိုးကို ဖော်ပြပေးလိုက်ပါတယ်။
Locust Pose
ပုံမှာပြထားတဲ့အတိုင်း ခြေထောက်နဲ့လက်ကို မြှောက်ဆန့်ထားပြီး စက္ကန့် ၃၀ ကနေ စက္ကန့် ၆၀ အထိ ကိုယ်အဆင်ပြေသလောက် နေပေးပါ။ ဒီယောဂကျင့်စဉ်က သွေးလည်ပတ်မှုကောင်းမွန်စေပြီး ခြေထောက်ကြွက်သားတွေ သန်မာစေတယ်၊ တင်ထွက်လာစေတယ်၊ ဝိတ်ကျစေဖို့လည်း ကူညီပေးပါတယ်။
Upward Plank Pose
ပုံမှာပြထားတဲ့အနေအထားအတိုင်း လက်ကိုနောက်ပြန်ထောက်နေပါ။ အဲ့အတိုင်း စက္ကန့် ၃၀ ကနေ စက္ကန့် ၆၀ အထိ ကိုယ်အဆင်ပြေသလောက် နေပေးရုံပါပဲ။ ဒီယောဂကျင့်စဉ်ကျတော့ အညောင်းညာပြေစေပြီး ခြေထောက်အကြောတွေတင်းတာလည်း သက်သာစေပါတယ်။ တင်ထွက်လာစေဖို့လည်း ကူညီပေးပါတယ်။
Crescent Pose
ပုံမှာပြထားတဲ့အတိုင်း ခြေထောက်တစ်ဖက်ကို ကွေးပြီးရှေ့ထုတ်၊ နောက်တစ်ဖက်ကို အနောက်ကိုဆန့်ထားပြီး ခန္ဓာကိုယ်နဲ့လက်ကလည်း အနောက်ကိုလှန်ထားပါ။ အဲ့အတိုင်း စက္ကန့် ၃၀ ကနေ စက္ကန့် ၆၀ အထိ ကိုယ်အဆင်ပြေသလောက် နေပေးပါ။ အချိန်ပြည့်ရင် ခြေထောက်ကို ဘယ်ညာပြောင်းပြီး ထပ်နေပါ။ ဒီယောဂကျင့်စဉ်ကလည်း တင်ထွက်စေဖို့ကူညီပေးပြီး အစာခြေစနစ်ကို ကောင်းမွန်စေပါတယ်။
Warrior 2 Pose
ပုံမှာပြထားတဲ့အတိုင်း အနည်းဆုံး စက္ကန့် ၃၀ နေပေးရပါမယ်။ ဒါလည်း ဘယ်ညာပြောင်းပြီး လုပ်ရမှာဖြစ်ပါတယ်။ တင်ထွက်စေဖို့ကူညီပေးတဲ့အပြင် နောက်ကျောနာတာ၊ ခါးနာတာလည်း သက်သာစေပါတယ်။
Triangle Pose
ပုံမှာပြထားတဲ့ Triangle Pose အတိုင်း အနည်းဆုံး စက္ကန့် ၃၀ နေပေးပါ။ အချိန်ပြည့်ရင် ဘယ်ညာပြောင်းပြီး ထပ်နေပေးပါ။ ဒီယောဂကျင့်စဉ်က တင်ထွက်စေဖို့ အထောက်အကူဖြစ်စေတဲ့အပြင် အစာခြေစနစ် ပိုကောင်းလာစေတယ်၊ ခါးနဲ့ပေါင်က မလိုအပ်တဲ့ အဆီပိုတွေကိုလည်း လျော့ကျသွားစေပါတယ်။
Half Moon Pose
ဒီယောဂကျင့်စဉ်ကတော့ ပုံမှာပြထားတဲ့ Half Moon Pose အတိုင်းဖြစ်ဖို့ နည်းနည်းခက်ပါလိမ့်မယ်။ အကြောပျော့ရင်တော့ လွယ်ပါတယ်။ အဲ့ပုံစံအတိုင်း အနည်းဆုံး စက္ကန့် ၃၀ နေပေးရမှာဖြစ်ပါတယ်။ ဒီယောဂကျင့်စဉ်ကျတော့ တင်ထွက်စေဖို့ကူညီပေးပြီး အစာခြေစနစ် ပိုကောင်းလာစေတယ်၊ စိတ်ဖိစီးမှု stress တွေလည်း လျော့ကျသွားစေပါတယ်။
Dance Pose
ပုံမှာပြထားတဲ့အနေအထားအတိုင်း အနည်းဆုံး ၁၅ စက္ကန့်ကနေ စက္ကန့် ၃၀ အထိတော့ ရအောင်နေပေးရပါမယ်။ ဒီယောဂကျင့်စဉ်ကိုလည်း ဘယ်ညာတစ်လှည့်စီ ပြောင်းလုပ်ပေးရမှာပါ။ တင်ထွက်စေဖို့ အထောက်အကူဖြစ်စေပြီး ဝိတ်ကျစေဖို့လည်း ကူညီပေးပါတယ်။
