အခုဖော်ပြထားတဲ့ လေ့ကျင့်ခန်းတွေနဲ့အတူ အစားအသောက်ကိုပါ ဂရုစိုက်ပေးမယ်ဆိုရင် သင့်နောက်ဘက် တင်ပါး ပိုထွက်လာမယ်ဆိုတာ သေချာပါတယ်။ ပရိုတင်းကြွယ်ဝတဲ့ အစားအသောက်တွေက သင့်ကြွက်သားတွေ ဖွံ့ဖြိုးဖို့ အထောက်အကူပြုပါတယ်။ တင်ရှိတယ်ဆိုရင် ဘာဝတ်ဝတ် အဆင်ပြေပါတယ်။ သင်က နှစ်ပတ်အတွင်း တင်ထွက်ချင်တယ်ဆိုရင်တော့ ဒီလေ့ကျင့်ခန်းတွေကို အစားအသောက် ဂရုစိုက်ခြင်းနဲ့ အတူ ပြုလုပ်နိုင်ပါတယ်။
၁။ Pulsing Squat
Photo Source: RobertBp.com
ထိုင်ထလုပ်တဲ့ ပုံစံအတိုင်း တင်နောက်ပစ် ထိုင်ထားပေးကာ တင်ပါးကို အပေါ်အောက် အမြန် မြှင့်လိုက် နိမ့်လိုက် နေပေးရပါမယ်။ ဒီထိုင်လျက် အနေအထားအတ်ိုင်း ၄၅ စက္ကန့်အထိ နေပေးရပါမယ်။ သင်က စစချင်း ၄၅ စက္ကန့် မလုပ်နိုင်ရင် ကိုယ်ရသလောက်လုပ်ပြီး တဖြည်းဖြည်း ပိုတိုးလုပ်သွားနိုင်ပါတယ်။
၂။ Fire Hydrant
Photo Source: Pinterest
Fire Hydrant က တင်သားအတွက် မဖြစ်မနေလုပ်ပေးရပါမယ့် လေ့ကျင့်ခန်း ဖြစ်ပါတယ်။ ဒူးထောက်ကာ ခန္ဓာကိုယ်ကို တတန်းတည်း ထားပေးရပါမယ်။ ပြီးနောက် ညာဒူးကို အပေါ် မြှင့်ပေးရပါမယ်။ တစ်ဘက်ဆီကို ၂၅ ခါ လုပ်ပေးရပါမယ်။
၃။ Kickbacks
Photo Source: Tenor
လေးဘက်ထောက် အနေအထားမှာပဲ ညာခြေထောက်ကို နောက်ဘက် ကန်ပေးရပါမယ်။ ဒီလို ကန်တဲ့အချိန် တင်ပါးကို အာရုံစိုက်ထားရပါမယ်။ ဒါကိုလည်း ဘယ်ညာ ၂၅ လုပ်ပေးရပါမယ်။
၄။ Squating leg lifts
Photo Source: Popsugar
မတ်တပ်ရပ်အနေအထားနဲ့ ခြေထောက်နှစ်ဖက်ကို ပခုံးအကွာအဝေးထက် အနည်းငယ်ပိုကျယ်တဲ့အထိ ချဲထားရပါမယ်။ ပြီးနောက် ထိုင်ထလုပ်ရပါမယ်။ ပြန်ထတဲ့အချိန် ခြေထောက်ကို ဘေးကား ပေးရပါမယ်။ ဘယ်ညာ တစ်ဘက်ဆီကို ၂၅ ခါလုပ်ရပါမယ်။
၅။ Crab Squats
Photo Source: Tenor
မတ်တပ်ရပ်ပြီး ခြေထောက်အကျယ်ကို ပခုံးထက် ကျယ်ထားရပါမယ်။ ပြီးနောက် ထိုင်ချကာ ဒီအနေအထားအတိုင်း ဘေးဘက်ကို သွားပေးရပါမယ်။ ဘယ်ဘက်ဆီသွားတာ ၁၅ လှမ်းစာ သွားပေးရပါမယ်။ ညာဘက်လည်း ဒီလိုပါပဲ။ ဒါကို တစ်နေ့လေးကြိမ်လုပ်ပေးရပါမယ်။
၆။ Lunges
Photo Source: Gfycat
ခြေထောက် နှစ်ဘက်ကို ရှေ့နောက် ခွဲထားကာ ထိုင်ချရပါမယ်။ ဒီပုံစံအတိုင်း ၁၀ ခါ လုပ်ရပါမယ်။ ပြီးနောက် ခြေထောက်ကို ရှေ့နောက် ပြန်ပြောင်းကာ ၁၀ ခါ ထိုင်ထ လုပ်ရပါမယ်။ ဒီ ၁၀ ခါဆီကို ငါးကြိမ် လုပ်ရပါမယ်။
By MyStyle Myanmar
