မိန်းကလေးတိုင်းအတွက် ဆံပင်သန်စွမ်းပြီး အရှည်မြန်လာစေဖို့ကူညီပေးမယ့် အထိရောက်ဆုံး သဘာဝနည်းလမ်း ၃ မျိုးကို မျှဝေပေးလိုက်ပါတယ်။ ဆံပင်အရှည်နှေးတဲ့သူတွေ၊ ဆံပင်ပါးတဲ့သူတွေ၊ ဆံပင်ကျွတ်ပြီး ပျက်စီးနေတဲ့သူတွေအတွက်တော့ အရမ်းကိုအသုံးဝင်မှာပါ။ နည်းလမ်း ၃ မျိုးဖြစ်တာကြောင့် ကိုယ်အဆင်ပြေရာတစ်မျိုးကို ရွေးချယ်ပြုလုပ်နိုင်ပါတယ်။
ကြက်သွန်နီ
ကြက်သွန်နီကို အခွံခွာပြီး နုတ်နုတ်ဆင်းကာ အဝတ်စတစ်ခုထဲထည့်ပါ။ ပြီးရင်တော့ အရည်ရအောင်ညှစ်ချပြီး ရလာတဲ့အရည်ကိုမှ ဂွမ်းလုံးလေးနဲ့တို့ယူပြီး ဦးရေပြားမှာ လိမ်းပေးပါ။ ၁၀ မိနစ်လောက်ထားပြီးရင်တော့ ခေါင်းလျှော်လိုက်ရုံပါပဲ။
ဒီနည်းလမ်းက ဆံပင်သန်စွမ်းစေပြီး ဆံပင်အရှည်မြန်စေပါတယ်။
ဂျင်း
ဂျင်းကို သေးသေးလေးတွေလှီးပြီး ကြိတ်ပါ။ ပြီးရင်တော့ ခုနကလိုပဲ အဝတ်စတစ်ခုထဲထည့်ပြီး အရည်ရအောင်ညှစ်ချပါ။ ရလာတဲ့အရည်ကိုမှ ဦးရေပြားမှာပွတ်လိမ်းပြီး မိနစ် ၂၀ ထားပါ။ အချိန်ပြည့်ရင် ခေါင်းလျှော်လိုက်ရုံပါပဲ။
ဒီနည်းလမ်းကတော့ ဆံပင်သန်စွမ်းကျန်းမာပြီး အရှည်မြန်စေဖို့ ကူညီပေးပါတယ်။
ပျားရည်
ပျားရည်စစ်စစ် – စားပွဲတင်ဇွန်း ၁ ဇွန်းနဲ့ သုံးနေကျ ခေါင်းလျှော်ရည်ကို ၂ စက်လောက်ထည့်ပြီး ရောမွှေပါ။ ပြီးရင်တော့ ဆံသားမှာ သေချာနှံ့အောင်လိမ်းပြီး ၂ မိနစ်ထားပါ။ အချိန်ပြည့်ရင် ရေကြက်သီးနွေးနဲ့ ဆေးချပြီး ခေါင်းလျှော်ပေးပါ။ ပြီးရင်တော့ Mild ဖြစ်တဲ့ Conditioner သုံးပေးပါ။
ဒီနည်းလမ်းကတော့ ဆံပင်ပျက်စီးနေတာတွေ သက်သာစေပြီး ဆံပင်အရှည်မြန်စေပါတယ်။ ဆံပင်သန်စေပြီး ဆံသားအတွက်လိုအပ်တဲ့ Hydrating & Nourishing ဓာတ်ကိုလည်း ဖြည့်ပေးပါတယ်။
