ကိုးရီးယား ဇာတ်လမ်းအများစုက K drama ဆိုတဲ့ အတိုင်းပဲ ဇာတ်လမ်းအများစုက ဇာတ်အိမ်လေးပြီး ကြည့်ရတာ ရိုလာကိုစတာ စီးရသလိုပါပဲ။ ပျော်ရလိုက် ငိုရလိုက်နဲ့ စိတ်ဝင်စားစရာကောင်းလွန်းတာမို့ ကိုးရီးယား ဇာတ်လမ်းတွဲတွေ အောင်မြင်တာ မဆန်းပါဘူး။ ရုပ်ရှင်ကြိုက်နှစ်သက်သူတွေထဲ ဒရာမာကိုမှ နှစ်သက်သူ ရှိသလို မလေးလွန်းဘဲ ပေါ့ပေါ့ပါးပါး ဇာတ်အိမ်ကိုပဲ ကြိုက်သူတွေ ရှိပါတယ်။ ဒါကြောင့်ပဲ ကျွန်မတို့အများစုက အသက်အရွယ် တစ်ခု ရတဲ့အထိ ကာတွန်းကားတွေ သဘောကျတတ်ကြတာပါ။ ဒီတော့ ကိုးရီးယားကားတွေထဲကမှ ဒရာမာမများလွန်းဘဲ ပျော်ပျော်ရွှင်ရွှင် ကြည့်နိုင်မယ့် နာမည်ကျော် ဟာသဇာတ်လမ်းတွဲတွေက ဘာတွေဖြစ်မလဲ ကြည့်လ်ိုက်ရအောင်နော်-
၁။ Mr.Queen
Photo Source: MyDramaList
နန်းတွင်းကားကိုမှ ဟာသအမျိုးအစား ကြည့်ချင်သူတွေအတွက် ဒီဇာတ်လမ်းက အံကိုက်ပါပဲ။ ဂျိုဆွန်းခေတ် မိဖုရား ခန္ဓာကိုယ်ထဲ ဝင်သွားတဲ့ အဓိက ဇာတ်လိုက် မင်းသမီး Shin Hye-sun ရဲ့ အမူအရာတွေက မျက်ရည်ထွက်အောင် ရယ်ရပြီး ဇာတ်ပို့သရုပ်ဆောင်တွေအားလုံးကလည်း တကယ့်ဟာသ သရုပ်ဆောင်တွေ ချည်းပါပဲ။
၂။ Weightlifting Fairy Kim Bok-joo
ကောင်မလေးကို မိုးရေစင်မှာ စိုးရိမ်ပြီး Gentleman ဆန်ဆန် ကာပေးရမယ့်အစား သူ့ကို ရှေ့မှာနေခိုင်းတဲ့ ဘဲကောင်းလေး မင်းသား Nam Joo-hyuk ကို Weightlifting ထဲမြင်ရမှာပါ။
Photo Source: Pinterest
Kim Bok-Joo အနေနဲ့ သရုပ်ဆောင်တဲ့ Lee Sung-kyung ရဲ့ အမူအရာတွေက ချစ်ဖို့ကောင်းပြီး ဇာတ်လမ်းထဲ သူစားသမျှ အစားအသောက်တွေကလည်း စားချင်စရာတွေချည်းပါပဲ။
Photo Source: madzmadz- Tumblr
နတ်ဖတ်တဲ့ စုံတွဲလို့ ပြောရအောင် လိုက်ဖက်တဲ့ Nam Joo-hyuk နဲ့ Lee Sung-kyung ရဲ့ တွဲဖက်ညီညီ သရုပ်ဆောင်မှုကို ကြည့်ရမှာပါ။
Photo Source: Pinterest
၃။ Fight For My Way
အခင်ဆုံးသူငယ်ချင်းကနေ ချစ်သူဖြစ်သွားတဲ့ ဇာတ်အိမ်ကို Fight For My Way မှာ ပျော်ပျော်ရွှင်ရွှင် ကြည့်ရမှာပါ။ မင်းသမီး Kim Ji-won ရဲ့ ချစ်စရာအမူအရာလေးကို Fight For My Way မှာ ကြည့်နိုင်ပါတယ်။
Photo Source: Tenor
မင်းသားက Park Seo-joon ဖြစ်တာကြောင့် ဇာတ်လမ်း ကောင်းမကောင်းကိုတော့ သိပ်ပြောစရာမလိုတော့ပါဘူး။
Photo Source: Make A Gif
၄။ Welcome to Waikiki
Photo Source: Dramabeans
Welcome to Waikiki က Season ၂ ခု ထွက်ပြီးပါပြီ။ Season တစ်ခုစီက ထူးခြားမှုရှိပြီး မင်းသား မင်းသမီးတွေကလည်း မတူတော့ပါဘူး။ ဒါပေမဲ့ Season နှစ်ခုလုံးက အရမ်းရယ်ရပြီး ဟာသကြိုက်နှစ်သက်သူတိုင်း ကြည့်သင့်တဲ့ ကိုးရီးယားဇာတ်လမ်းတွဲပါ။
၅။ Strong Girl Bong-soon
Photo Source: Dramabeans
သူမတူတဲ့ ခွန်အားတွေကိုပိုင်ဆိုင်ထားတဲ့ Bong-Soon (Park Bo Young) နဲ့ မာနကြီးတဲ့ Game ကုမ္ပဏီ CEO အနေနဲ့ သရုပ်ဆောင်တဲ့ Park Hyung-sik တို့ကြားက အချစ်ရေးကို ဟာသဇာတ်လမ်းအနေနဲ့ ကြည့်ရှုရမှာ ဖြစ်ပါတယ်။
၆။ The Sound of Your Heart
Photo Source: AsianWiki
နောက်ဆုံးပိတ် အိတ်နဲ့လွယ်မယ့် ဇာတ်လမ်းကတော့ The Sound Of Your Heart ပါ။ ပရိတ်သတ်တွေရဲ့ အချစ်တော် မင်းသား Lee Kwang-soo ရဲ့ မိသားစု ဟာသဇာတ်လမ်းဖြစ်ပါတယ်။ ကြည့်မိလို့ နောင်တမရမယ့် ဇာတ်ကားတွေထဲ ပါဝင်ပါတယ်နော်။
By MyStyle Myanmar
