တင်ပါးလုံးဝန်းပြီးလှတာမျိုးကို လိုချင်တဲ့သူတွေအတွက် ပုံမှန်လုပ်ပေးရမယ့် လေ့ကျင့်ခန်း ၈ မျိုးကို မျှဝေပေးလိုက်ပါတယ်။ နေ့တိုင်းလုပ်ပေးစရာမလိုပါဘူး တစ်ပတ်မှာ ၅ ရက် (သို့) ၂ ရက်လုပ် ၁ ရက်နား Plan နဲ့ ပုံမှန်လုပ်ပေးသွားရင်ရပါပြီ။
လှဲနေပြီး လက်ကိုဆန့်ချထားပါ။ ဒူးထောင်ထားပါ။ ပြီးရင်တော့ ပုံမှာလုပ်ပြထားသလို ခန္ဓာကိုယ်ကို အပေါ်ကော့လိုက်ပါ။ ပြီးရင် ခန္ဓာကိုယ်ကို အောက်ပြန်ချပါ။ အဲ့အတိုင်း အကြိမ် ၂၀ ဆက်တိုက်လုပ်ပေးရုံပါပဲ။
ပုံမှာပြထားတဲ့အတိုင်းနေပြီး အဲ့ပုံစံနဲ့ပဲ ခြေထောက်ကို ဘယ်ရွေ့လိုက်၊ ညာရွေ့လိုက်နဲ့ လုပ်ပေးရမှာပါ။ ဘယ် ၁၅ လှမ်း၊ ညာ ၁၅ လှမ်း ရွေ့ပေးရင် ရပါပြီ။
လက်နှစ်ဖက်ကိုရှေ့ဆန့်ပြီး ပုံမှာပြထားတဲ့အတိုင်း ခြေထောက်တွေကိုစုထိုင်ပါ။ ထိုင်တဲ့အခါမှာ ခြေဖျားထောက်ထားရပါမယ်။ ပြီးရင် ပြန်ထပါ။ ပြီးရင် ချက်ချင်းအဲ့ပုံစံအတိုင်း ပြန်ထိုင်ပါ။ ထိုင်ထလုပ်သလိုပဲ ၁၅ ကြိမ် ဆက်တိုက်လုပ်ပေးရမှာ ဖြစ်ပါတယ်။
ပုံမှာပြထားတဲ့အနေအထားအတိုင်းနေပြီး ခြေထောက်တစ်ဖက်ကို အပေါ်မြှောက်ပါ။ ပြီးရင် ခြေထောက်ပြန်ချတဲ့အခါမှာ ဒူးထောက်ထားတဲ့ခြေထောက်ရဲ့ ဘေးဘက်ကိုချရမှာပါ။ အဲ့အတိုင်း ဘယ်ညာတစ်လှည့်စီ ပြောင်းလုပ်ပေးပါ။ လုပ်ရမယ့် အကြိမ်အရေအတွက်ကတော့ တစ်ဖက်ကို အကြိမ် ၂၀ စီ ဖြစ်ပါတယ်။
ဒီလေ့ကျင့်ခန်းကျတော့ ပုံမှာပြထားတဲ့အတိုင်းနေပြီး ခြေထောက်တစ်ဖက်က အပေါ်မြှောက်လိုက်၊ အောက်ပြန်ချလိုက်နဲ့ အကြိမ် ၂၀ ဆက်တိုက်လုပ်ပေးရမှာပါ။ အကြိမ်ရေပြည့်ရင်တော့ နောက်ခြေထောက်တစ်ဖက် ပြောင်းလုပ်ပေးပါ။
လေးဘက်ထောက်နေပြီး ခြေထောက်တစ်ဖက်က ပုံမှာပြထားတဲ့အတိုင်း ကွေးပြီးမြှောက်ပါ။ ၁၀ စက္ကန့်လောက်နေပြီးမှ ဒူးပြန်ထောက်ပါ။ ပြီးရင် ပြန်မြှောက်ပါ။ မြှောက်တဲ့အချိန်မှာ တင်ပါးကိုညှစ်ပြီးမြှောက်ပါ။ အဲ့အတိုင်း ၁၀ ကြိမ် ဆက်တိုက်လုပ်ပေးရပါမယ်။ ဒါလည်း ဘယ်ညာတစ်လှည့်စီပါပဲ။
လက်ကိုရှေ့ဆန့်ထုတ်ထားပြီး ပုံမှာပြထားသလောက်ပဲထိုင်ပါ။ ပြီးရင်ပြန်ထပါ။ အဲ့အတိုင်း လုံးဝမရပ်ပဲ အကြိမ် ၂၀ ဆက်တိုက်လုပ်ရပါမယ်။
ပုံမှာပြထားတဲ့အနေအထားအတိုင်း ခါးကိုလိမ်ပြီး တစ်ဖက်ကိုလှည့်ပါ။ ခြေထောက်တစ်ဖက်က နောက်ကိုဆန့်ပြီး ခြေထောက်တစ်ဖက်က ဒူးနည်းနည်းကွေးထားရမှာပါ။ အဲ့အတိုင်းသေချာလုပ်ပေးပြီး ပုံမှန်အနေအထားနဲ့ ပြန်နေပါ။ ပြီးရင် ပြန်လုပ်ပေးပါ။ လုပ်ရမယ့် အကြိမ်အရေအတွက်ကတော့ အကြိမ် ၂၀ ဖြစ်ပါတယ်။
source:www.brightside.me
