Blackpink အဖွဲ့ရဲ့ အလှဆုံးနဲ့ လက်ရာအမြောက်ဆုံး လက်သည်းနီပုံစံများ

လက်သည်းနီဒီဇိုင်းနဲ့ ပတ်သက်ရင် အိုင်ဒီယာ အသစ်တွေ၊ ဒီဇိုင်းဆန်းတွေ ပေါ်လာတတ်ပါတယ်။ Kpop လောကမှာ လက်သည်းနီဒီဇိုင်းပညာရှင် အတော်ဆုံးတွေထဲက တစ်ယောက်ဖြစ်တဲ့ Park Eun Kyung ရဲ့ ဖန်တီးမှုတွေကို မေ့ထားလို့ မရပါဘူး။

သူမက ကိုးရီးယား ထိပ်တန်း Kpop Idol တွေ ဖြစ်တဲ့ Blackpink, Aespa နဲ့ Somi စတဲ့ နာမည်ကျော်တွေရဲ့လက်သည်းနီဒီဇိုင်းတွေကို ပုံဖော်ပေးသူပါ။ Park Eun Kyung က လက်သည်းနီ ပုံစံတွေကို စိတ်ကူးအမျိုးမျိုးပေါင်းစပ်လုပ်တတ်ပြီး အသစ်အဆန်းတွေ တီထွင်တတ်ပါတယ်။ သူမရဲ့ အောက်ဖော်ပြပါ လက်သည်းနီကတော့Jurassic World ကနေ စိတ်ကူးယူထားတာ ဖြစ်ပါတယ်။

Blackpink အဖွဲ့ရဲ့ လက်သည်းနီတွေက အလှဆုံးထဲ ပါဝင်ပါတယ်။ အခုဖော်ပြထားတဲ့လက်သည်းနီဒီဇိုင်း (၅) မျိုးကတော့ Park Eun Kyung လက်ရာ ဖြစ်တဲ့ Blackpink အဖွဲ့ရဲ့ 2021 မှာ အလန်းဆုံးလက်သည်းနီဒီဇိုင်းတွေပဲ ဖြစ်ပါတယ်။

Lalisa’s nails

Lisa ရဲ့ Lalisa MV ထဲက ထိုင်းနိုင်ငံ အမွေအနှစ်တွေကို ကိုယ်စားပြုတဲ့ လက်သည်းက ကျက်သရေရှိပြီး ခမ်းနားလှပါတယ်။ ဒီလက်သည်းနီရဲ့ နောက်ကွယ်မှာ ထည့်မြှပ်ထားတဲ့ အဓိပ္ပာယ်တွေ ရှိဦးမှာပါ။

Jennie’s cute minis

လက်သည်းအရှည်မထားလည်း ချစ်စရာကောင်းတဲ့ လက်သည်းနီ ပုံစံရတာကို Jennie ရဲ့ လက်သည်းလေးတွေကသက်သေပြနေပါတယ်။ ကလေးဆန်ပြီး ကြည့်ရတာ ပျော်ဖို့ကောင်းတဲ့ ဒီဇိုင်းပါပဲ။

Rosé’s “On The Ground” Nails

Rosé ရဲ့ On The Ground MV ထဲက လက်သည်းနီက Classic ဆန်ဆန် ပြင်သစ်ဒီဇိုင်း လက်သည်းနီပုံစံ ဖြစ်ပါတယ်။ လက်သည်းတစ်ခုလုံး မဆိုးဘဲ လက်သည်းထိပ်ကိုပဲ အရောင်ဆိုးထားတာက လက်ရာမြောက်လှပါတယ်။

Jisoo’s “Ice Cream” Diamonds

Ice Cream MV ထဲက စိန်တုံးအစစ်တွေနဲ့ တူတဲ့ Jisoo ရဲ့ လက်သည်းကလည်း Park Eun Kyung ရဲ့ လက်ရာပါပဲ။

Jennie’s Video Game Nails

Jennie ရဲ့ 3D ပန်းပွင့် လက်သည်းနီကလည်း လက်သည်းဒီဇိုင်း ပညာရှင်ရဲ့ အိုင်ဒီယာဘယ်လောက်ကောင်းကြောင်း မြင်တာနဲ့ သိနိုင်ပါတယ်။

ကိုးရီးယား လက်သည်းနီပုံစံတွေက ကြည့်လို့ကောင်းတဲ့ အနုပညာလက်ရာတွေပဲ ဖြစ်ပါတယ်။ Blackpink အဖွဲ့မှာ ပညာရှင် Park Eun Kyung ကို ပိုင်ဆိုင်ထားတာက ကံကောင်းမှု တစ်ခုလို့ ဆိုနိုင်ပါတယ်။