အသားအရေလှပဖို့ဆိုတာက မျိုးရိုးဗီဇလိုက်ရမယ်လို့မှ မဟုတ်ပါဘူး။ အသက်အရွယ်ရလာတာနဲ့အမျှ သင့်တင့်တဲ့ Skincare တွေကို သေချာလုပ်ပြီး၊ ကိုယ့်အသားအရေနဲ့လိုက်ဖက်မယ့် အလှကုန်ပစ္စည်းတွေကို ရွေးချယ်အသုံးပြုပေးမှသာလျှင် ကောင်းမွန်တဲ့အသားအရေကို ရရှိနိုင်မှာဖြစ်ပါတယ်။

အလှကုန်ပစ္စည်းတွေသုံးရမယ်ဆိုလို့လည်း ဈေးကြီးတဲ့ဟာတွေကို ဝယ်သုံးရမယ်လို့မှ မဟုတ်ပါဘူး။ ကိုယ့်အိမ်မီးဖိုချောင်ထဲမှာရှိနေတဲ့ မုန်လာဥနီ၊ ပျားရည်၊ သစ်ကြံပိုးခေါက် စတဲ့ပစ္စည်းလေးတွေနဲ့ပဲ အသားအရေကို ထိန်းသိမ်းပြုပြင်လို့ရပါတယ်။

၁။ ပျားရည်

သင့်မျက်နှာအတွက် အသုံးပြုမယ့်ပျားရည်မှာ တခြားဘာမှပါဝင်ခြင်းမရှိရဘဲ လုံးဝသန့်စင်တဲ့ ပျားရည်မျိုးကို အသုံးပြုရပါမယ်။ ပျားရည်ကိုအသုံးမပြုခင် ပျားဝတ်မှုန်နဲ့ ဓာတ်မတည့်တာမျိုးမရှိရလေအောင် ကြိုတင်စစ်ဆေးဖို့လိုအပ်ပါတယ်။

၂။ သစ်ကြံပိုးခေါက်

ပျားရည်ကြမ်း ၃ ဇွန်းနဲ့ ကြိတ်ထားတဲ့ သစ်ကြံပိုးခေါက်မှုန့် ၁ ဇွန်းတို့ကို ပေါင်းစပ်ပြီးတော့ မျက်နှာမှာသုတ်လိမ်းပေးပါ။

သို့သော်လည်း သစ်ကြံပိုးခေါက်နဲ့ ဓာတ်မတည့်တာမျိုး ရှိမရှိသိရစေဖို့ ကြိုတင်စစ်ဆေးဖို့မမေ့ပါနဲ့။

၃။ မုန်လာဥနီ

ခြောက်သွေ့တဲ့အသားအရေကို အစိုဓာတ်ဖြည့်တင်းပေးနိုင်တဲ့ မုန်လာဥနီကို ရှားစောင်းလက်ပတ်အနှစ် နည်းနည်းနဲ့ပေါင်းစပ်ပြီး သို့မဟုတ် ပျားရည်လက်ဖက်ရည်ဇွန်းတစ်ဇွန်း၊ နို့ လက်ဖက်ရည်ဇွန်းတစ်ဇွန်းတို့နဲ့ အတူရောစပ်ကာ မျက်နှာပေါင်းတင်ပေးလို့ရပါတယ်။

ဘလူးဘယ်ရီ

ဘလူးဘယ်ရီသီးတွေကို ဒီအတိုင်းလည်းစားပေးနိုင်သလို အရသာပါဝင်မှုမရှိတဲ့ ဒိန်ချဥ်နည်းနည်းနဲ့ပေါင်းစပ်ပြီး မျက်နှာပေါင်းတင်ပေးပါက Collagen ထုတ်လုပ်မှုကိုလည်း အားမြှင့်ပေးသလို အရွယ်မတိုင်ခင် အိုမင်းရင့်ရော်ခြင်းကိုလည်း ကာကွယ်နိုင်မှာဖြစ်ပါတယ်။

Source: Brightside