Squid Game က ကိုးရီးယားနိုင်ငံမှာသာမက ကမ္ဘာတစ်ဝန်း လူသိများကျော်ကြားလာတဲ့ ဇာတ်ကားတစ်ကား ဖြစ်ပါတယ်။ ဇာတ်လမ်းရဲ့ စိတ်ဝင်စားစရာကောင်းတဲ့ ဇာတ်ကွက်တွေ၊ ပီပြင်တဲ့ရိုက်ချက်တွေနဲ့ သရုပ်ဆောင်တွေရဲ့ အသက်ဝင်တဲ့ သရုပ်ဆောင်မှုတွေက ကြည့်ရှုသူရဲ့ ရင်ထဲ တိုက်ရိုက်ထိစေပါတယ်။ ဒါကြောင့်ပဲ ဇာတ်လမ်းထဲက သရုပ်ဆောင်တွေဇာတ်လမ်းနောက်ကွယ်မှာ ဘယ်လိုပုံစံမျိုးလဲ ကျွန်မတို့ ပိုသိချင်ကြတာပါ။
ဒါပေမဲ့ သရုပ်ဆောင်တွေရဲ့ ဇာတ်လမ်းထဲက အမူအကျင့်နဲ့ တကယ့်လက်တွေ့ ပုံစံက လုံးဝကွာခြားနေပါတယ်။ ဘယ်လိုကွာခြားလဲ အောက်ဖော်ပြပါ ပုံရိပ်တွေကို ယှဉ်ပြီးကြည့်နိုင်ပါတယ်။
Seong Gi-hun အနေနဲ့ သရုပ်ဆောင်ထားတဲ့ Lee Jung-jae က အပြင်လောကမှာ သန့်သန့်ပြန့်ပြန့်နဲ့ Gentleman ဆန်ဆန် နေတတ်သူ ဖြစ်ပါတယ်။ ရှက်တတ်သူ ဦးဖြစ်ပါတယ်။
Kang Sae-byeok အနေနဲ့ သရုပ်ဆောင်ထားတဲ့ HoYeon Jung ကတော့ ဇာတ်လမ်းနဲ့ ကွဲပြားစွာ အပြင်မှာ သွက်သွက်လက်လက်ရှိတဲ့ မော်ဒယ်မင်းသမီး တစ်ဦးဖြစ်ပါတယ်။
Cho Sang-woo ဇာတ်ရုပ်သရုပ်ဆောင်ထားတဲ့ မင်းသား Park Hae-soo က အပြင်လောကမှာ အေးအေးဆေးဆေး နေတတ်သူ ဖြစ်ပါတယ်။
ပျိုမေတို့ရဲ့ အသည်းစွဲ Hwang Jun-ho နေရာက သရုပ်ဆောင်ထားတဲ့ မင်းသား Wi Ha-Joon ကတော့ ပြင်ပလောကမှာ အားကစား လိုက်စားသူဖြစ်ပါတယ်။ ဒါ့အပြင် အနေအေးသူတစ်ယောက် ဖြစ်ပါတယ်။
Front Man အနေနဲ့ သရုပ်ဆောင်တဲ့ Lee Byung-hun အကြောင်းကိုတော့ အများကြီး ပြောစရာမလိုတော့ပါဘူး။ အေးအေးဆေးဆေး နေတတ်ပြီး ဇာတ်လမ်းတိုင်းကို ပီပီပြင်ပြင် သရုပ်ဆောင်နိုင်သူ ဟောလီးဝုဒ် မင်းသားဖြစ်ပါတယ်။
Jang Deok-su တဖြစ် Heo Sung-tae ကတော့ ဇာတ်လမ်းထဲကနဲ့ ကွဲပြားစွာပဲ အလှအပ ဂရုစိုက်သူဖြစ်ပါတယ်။ သူက ဒီဇာတ်လမ်းအတွက် ဝိတ်တက်အောင် လုပ်ခဲ့ရပြီး ဇာတ်လမ်းပြီးနောက် ဝိတ်ပြန်ကျအောင် ပြန်ရုန်းခဲ့ရကြောင်း အင်တာဗျူးတစ်ခုမှာ ဖြေထားပါတယ်။
Han Mi-nyeo သရုပ်ဆောင် Kim Joo-Ryoung ကတော့ တည်ငြိမတဲ့ မင်းသမီးတစ်ဦးဖြစ်ပြီး စကားပြောတဲ့အချိန် ဇာတ်လမ်းနဲ့ မတူကွဲပြားစွာ အေးအေးဆေးဆေး ပြောတတ်သူတစ်ယောက်ဖြစ်ပါတယ်။
Ali Abdul အနေနဲ့ သရုပ်ဆောင်ပြီး ပရိတ်သတ်တွေရဲ့ မေတ္တာကို သိမ်းပိုက်နိုင်ခဲ့တဲ့ Anupam Tripathi ကတော့ သွက်လက်တက်ကြွတဲ့ သရုပ်ဆောင်တစ်ဦးဖြစ်ပါတယ်။ စိတ်အားထက်သန်မှု အပြည့်ရှိသူတစ်ယောက်ဖြစ်ပါတယ်။
Ji-yeong အနေနဲ့ သရုပ်ဆောင်ထားတဲ့ Lee Yoo-mi က ပြင်ပလောကမှာတော့ ဇာတ်လမ်းထဲက အလှနဲ့ မတူဘဲ ကွဲပြားစွာ လှနေသူ တစ်ဦးဖြစ်ပါတယ်။
Salesman အနေနဲ့ သရုပ်ဆောင်ထားတဲ့ Gong Yoo ကတော့ အပြင်လောကမှာ လျို့ဝှက်စွာ နေထိုင်တတ်သူ ဖြစ်ပါတယ်။ Social Media မသုံးတဲ့ မင်းသားတစ်လက်ဖြစ်ပြီး Personal Life ကို သီးသန့်ဆန်ဆန် ထားသူဖြစ်ပါတယ်။
Photo Source: Brightside.me
By MyStyle Myanmar
