တစ်နေကုန် လန်းဆန်းတက်ကြွနေဖို့အတွက် အိပ်ယာနိုးတာနဲ့ ပုံမှန်လုပ်ပေးသင့်တဲ့ Morning Stretches (၇) မျိုးကို ဖော်ပြပေးလိုက်ပါတယ်။ အိပ်ယာနိုးတာနဲ့ နေရတာထိုင်းမှိုင်းနေတယ်၊ ကိုယ်ရောစိတ်ပါ ပေါ့ပါးပြီး တစ်နေကုန် လန်းဆန်းတက်ကြွနေတာမျိုး ဖြစ်ချင်တယ်ဆိုရင်တော့ မနက်စောစောထပြီး ဒါတွေကို လုပ်ကြည့်ပါ။

Child’s Pose

ယောဂကျင့်တဲ့ဖျာပေါ်မှာ ဒူးကွေးပြီးထိုင်ပါ။ အရှေ့ကိုကုန်းပြီး လက်နှစ်ဖက်ကို ဆန့်ထုတ်ပါ။ နဖူးနဲ့ ဖျာနဲ့ ထိထားပေးပါ။ ခြေဖနောင့်က တင်ပါးနဲ့ ထိထားပေးပါ။ ဒါကတော့ Child’s Pose လို့ခေါ်ပါတယ်။ ဒီပုံစံအတိုင်း ၃ မိနစ်နေပေးပြီး အသက်ကို ရှူသွင်းရှူထုတ် ပုံမှန်လုပ်ပေးပါ။

Cat-Cow Pose

လေးဘက်ထောက်နေပြီး လက်ဖဝါးနဲ့ ထောက်ထားရပါမယ်။ အရင်ဆုံး ပထမပုံထဲကလို ခေါင်းကိုမော့ပြီး ခါးကိုကော့ပါ။ ပြီးတာနဲ့ ချက်ချင်း ဒုတိယပုံထဲကလို ခေါင်းနဲ့ခါးကို ကုန်းချလိုက်ရပါမယ်။ အဲ့အတိုင်း တစ်လှည့်စီ အကြိမ် ၃၀ လောက် လုပ်နေပေးပါ။

Downward-Facing Dog Pose

လက်ဖဝါးနဲ့ ကြမ်းကိုထောက်ပြီး ခြေဖဝါးကလည်း ကြမ်းနဲ့ကပ်ထားပေးပါ။ အဲ့အတိုင်း ကုန်းပြီး ခြေ၊ လက်၊ ခါးတွေ ဆန့်ထုတ်ထားတာကို Downward-Facing Dog Pose လို့ခေါ်ပါတယ်။ အဲ့အတိုင်း ၁ မိနစ်နေပြီး ခဏနားပါ။ ပြီးရင် ထပ်လုပ်ပေးပါ။ အနည်းဆုံး ၃ မိနစ်ပြည့်အောင် လုပ်ပေးပါ။

One-Legged Dog Pose

ခုနက Downward-Facing Dog Pose ပုံစံနဲ့ ဆင်ပါတယ်။ စစချင်းတော့ အဲ့ဒီပုံစံအတိုင်းပဲ နေရမှာပါ။ ပြီးမှ ခြေထောက်တစ်ဖက်ကို မြှောက်ပြီးဆန့်ထုတ်ပါ။ ပြီးရင်ပြန်ချပြီး နောက်ခြေထောက်တစ်ဖက်ကို မြှောက်ပြီးဆန့်ပါ။ အဲ့အတိုင်း ဘယ်ညာ တစ်လှည့်စီ အကြိမ် ၃၀ လုပ်ပေးပါ။ ဒါကိုတော့ One-Legged Dog Pose လို့ခေါ်ပါတယ်။

Warrior I Pose

ခြေထောက်တစ်ဖက်ကို ဒူးတစ်ဝက်ကွေးပြီး အရှေ့ကိုထုတ်ပါ။ နောက်ခြေထောက်တစ်ဖက်ကတော့ အနောက်ကို ဆန့်ထားပါ။ လက်နှစ်ဖက်က အပေါ်ကိုမြှောက်ပြီး ဆန့်ထားပါ။ ဒီအနေအထားကိုတော့ Warrior I Pose လို့ခေါ်ပါတယ်။ တစ်မိနစ်ပြည့်အောင် အဲ့ပုံစံအတိုင်းနေပြီး ခဏနားပါ။ ပြီးရင် နောက်ထပ် တစ်မိနစ် ၂ ခေါက် ထပ်လုပ်ပေးပါ။

Mountain Pose

Mountain Pose ကတော့ လုပ်ရတာ အလွယ်ဆုံးနဲ့ အသက်သာဆုံးပါပဲ။ ပုံမှာပြထားတဲ့အတိုင်း မတ်တပ်ရပ်ပြီး လက်ဖဝါးကိုဖြန့်က အကြောအားလုံး ဆန့်ထုတ်ထားရပါမယ်။ အဲ့ပုံစံအတိုင်းနေပြီး အသက်ကို ရှှိုက်ရှူလိုက်၊ ပြန်ထုတ်လိုက်နဲ့ ၁ မိနစ်လုပ်ပေးပါ။

Standing Forward Bend Pose

ခြေထောက်ကိုဆန့်ထားပြီး ကိုယ်ကုန်းနိုင်တဲ့အနေအထားရတဲ့အထိ ကုန်းပေးပါ။ ပုံမှာပြထားသလောက်မရလည်း ဖြေးဖြေးချင်းစီလုပ်ရင် နောက်ပိုင်းက အကြောတွေပျော့ပြီး ရလာပါလိမ့်မယ်။ ဒါကိုတော့ Standing Forward Bend Pose လို့ခေါ်ပါတယ်။ အဲ့တိုင်း အသက်ကိုရှူသွင်းရှူထုတ် ပုံမှန်လုပ်ပြီး ၁ မိနစ်နေပေးပါ။