အင်္ကျီတွေဝယ်ထားပါလျက်နဲ့ အပြင်သွားရင် ဝတ်စရာမရှိတဲ့ ပျိုမေတို့အတွက် ဖက်ရှင်အတွဲအစပ်များ

ကိုယ့်မှာ အဝတ်အစားတွေ ဝယ်ထားပါရက်နဲ့ အပြင်သွားခါနီးဆို ဘာဝတ်လို့ ဝတ်ရမှန်းမသိ ဖြစ်နေရင်တော့ ဒီအကြောင်းအရာက သင့်အတွက်ပါပဲ။ အဝတ်အစားတွေက ဖက်ရှင်ထပ်နေမယ်ဆိုရင် သင်ဝတ်ချင်မှာ မဟုတ်ပါဘူး။ ဒါ့အပြင် ဒီပုံစံတစ်မျိုးတည်းကိုပဲ အပြင်သွားတိုင်း မဝတ်ချင်တဲ့ မိန်းကလေးတွေ ရှိပါတယ်။ ဒီလိုဆိုရင်တော့ Basic Clothing Item တွေကို ရှာဝယ်ထားသင့်ပါတယ်။ အခုဖော်ပြမယ့် ဖက်ရှင်ဝတ်ဆင်ပုံတွေကလည်း အခြေခံ ဝယ်သင့်တဲ့ Basic Clothing တွေကို ပေါင်းစပ်ထားတာကြောင့် သင့်အတွက် အဆင်ပြေမှာပါ။ ဒီတော့ အပြင်သွားခါနီးတိုင်း ဘာမှ ဝတ်စရာမရှိတာမျိုး နောက်တစ်ခါမဖြစ်ရလေအောင် ဝတ်နိုင်တဲ့ ဖက်ရှင်တွေကို ကြည့်လိုက်ရအောင်နော်-

၁။ အပြင်ထပ် Sweatshirt အပွနဲ့ ဘောင်းဘီအပွ

Sweatshirt Collar နဲ့ တစ်ထည်တော့ မိန်းကလေးတိုင်း ပိုင်ဆိုင်ထားသင့်ပါတယ်။ ဒီဝတ်စုံက အပိုအလုပ်တွေ မရှုပ်ဘဲ စွပ်ချလိုက်ရုံပါပဲ။ ဒါ့အပြင် အောက်ဘောင်းဘီအပွက သင့်အတွက် ပေါ့ပေါ့ပါးပါး ဖြစ်စေမှာပါ။

၂။ Zip အဆွဲနဲ့ ဘောင်းဘီအပွ

သင့်ဆီမှာ အပြင်ထပ် အနက်ဇစ်ဆွဲရှိမယ်ဆိုရင် အောက်ဘက်က အင်္ကျီခါးတိုခံဝတ်ပြီး ဘောင်းဘီအပွနဲ့ အထာကျကျ လန်းနိုင်ပါတယ်။ အပြင်ထပ်တစ်ထည်တော့ ပျိုမေတိုင်းမှာ ရှိထားတာမို့ ဒီဖက်ရှင်က ဘာဝတ်ရမှန်းမသိတဲ့အချိန် အိုကေမှာပါ။

၃။ Sweater Vest နဲ့

အပြင်ဘက်က ဝတ်စကုတ် Sweater Vest က ထပ်ဝတ်လိုက်တဲ့အခါ သင့်ဖက်ရှင်ကို အမြင်ဆန်းသွားစေပါတယ်။

၄။ Leather Jacket

သင်က ခပ်မိုက်မိုက်ဒီဇိုင်းကို ရှာနေရင်တော့ Leather Jacket က မရှိမဖြစ်ပါပဲ။ အပြင် Leather Jacket နဲ့အတူ အောက်ဘက် ခါးတိုနဲ့ ဘောင်းဘီအပွက သင့်ကို အလန်းဆုံး ဖြစ်နေစေမှာပါ။