ဂျိုင်းချွေးနံ့နံတာကို သက်သာလာစေမယ့် သဘာဝနည်းလမ်း ၅ မျိုး

ဂျိုင်းချွေးနံ့ အရမ်းထွက်တဲ့သူတွေအတွက် ဂျိုင်းချွေးနံ့နံတာကို သက်သာလာစေမယ့် သဘာဝနည်းလမ်း ၅ မျိုးကို မျှဝေပေးလိုက်ပါတယ်။ ပုံမှန်လေး သေချာလုပ်ပေးမယ်ဆိုရင်တော့ သက်သာသွားမှာဖြစ်ပြီး နဂိုထဲက ဂျိုင်းချွေးနံ့အရမ်းထွက်တဲ့သူမျိုး မဟုတ်ရင်တော့ ပျောက်တဲ့အထိဖြစ်လာမှာပါ။

အုန်းဆီ

ဒီနည်းလမ်းက အလွယ်ကူဆုံးနဲ့ လူတိုင်းလိုက်လုပ်လို့ရတဲ့ နည်းလမ်းပါပဲ။ ဂျိုင်းမှာ အုန်းဆီကိုလိမ်းပြီး ၁၅ မိနစ်လောက် massage လုပ်ပေးပါ။ ပြီးရင်တော့ မိနစ် ၃၀ ထားပါ။ အချိန်ပြည့်ရင် ရေဆေးချပြီး သန့်ရှင်းတဲ့ towel နဲ့ သုတ်ပေးပါ။ ဂျိုင်းချွေးနံ့နံတာကို သက်သာစေပါတယ်။

ရှားစောင်းလက်ပတ်ဂျယ်လ်

ရှားစောင်းလက်ပတ်ရဲ့အတွင်းသား ဂျယ်လ်ကို ဇွန်းနဲ့ြုခစ်ထုတ်ပြီး ဂျိုင်းမှာပွတ်လိမ်းထားပါ။ မိနစ် ၃၀ ထားပြီးရင်တော့ ရေဆေးချလိုက်ရုံပါပဲ။ ဒီနည်းလမ်းကလည်း လူတိုင်းအလွယ်တကူလုပ်လို့ရတဲ့ နည်းလမ်းဖြစ်ပြီး ဂျိုင်းချွေးနံ့နံတာလည်း သက်သာစေပါတယ်။

Tea Tree Oil

ပန်းကန်လုံးထဲကို Tea Tree Oil – စားပွဲတင်ဇွန်း ၂ ဇွန်းနဲ့ ရေ – ၂ ဇွန်းထည့်ပြီး မွှေပေးပါ။ ပြီးရင်တော့ ဂျိုင်းမှာပွတ်လိမ်းပြီး ၁၅ မိနစ်ထားပါ။ အချိန်ပြည့်ရင် ရေကြက်သီးနွေးနဲ့ ပြန်ပြီးသန့်စင်လိုက်ရုံပါပဲ။ ဒီနည်းလမ်းကတော့ ဂျိုင်းချွေးနံ့အရမ်းနံနေတာကိုတောင် သက်သာလာစေပါတယ်။

သံပယိုရည်

သံပယိုသီးကိုတစ်ခြမ်းခြမ်းပြီး အရည်ညှစ်ပါ။ အလုံးသေးရင် တစ်လုံးညှစ်ပါ။ ပြီးရင်တော့ ရေ – စားပွဲတင်ဇွန်း ၄ ဇွန်းနဲ့ ရောမွှေပြီး ဂျိုင်းမှာပွတ်လိမ်းကာ ၁၀ မိနစ်ထားပါ။ အချိန်ပြည့်ရင် ရေကြက်သီးနွေးနဲ့သန့်စင်ပေးပါ။ ဒီနည်းလမ်းကတော့ ဂျိုင်းချွေးနံ့နံတာကိုသက်သာစေပြီး ဂျိုင်းမဲတာကိုလည်း သက်သာစေပါတယ်။

ခရမ်းချဉ်သီး

ခရမ်းချဉ်သီးတစ်လုံးနဲ့ သံပယိုရည် ၂ စက်လောက်ကို ရောကြိတ်ပေးပါ။ ကြိတ်ပြီးရလာတာကိုမှ ဂျိုင်းမှာ massage လုပ်ကာလိမ်းပေးပါ။ ၁၀ မိနစ်လောက်ထားပြီးရင်တော့ ရေဆေးချလိုက်လို့ရပါပြီ။ ဒီနည်းလမ်းကလည်း ဂျိုင်းချွေးနံ့နံတာကို သက်သာစေပါတယ်။