ဖက်ရှင်အမျိုးမျိုးဝတ်လေ့ရှိတဲ့ မိန်းကလေးတိုင်းမှာရှိထားသင့်တဲ့ underwear အမျိုးအစား ၅ မျိုးကို ဖော်ပြပေးလိုက်ပါတယ်။ ဝတ်သမျှအဝတ်အစားတိုင်းအတွက် အသုံးဝင်ပြီး အဆင်ပြေစေမယ့် underwear တွေ ဖြစ်ပါတယ်။
Boy shorts
ယောင်္ကျားလေးတွေဝတ်တဲ့ boxer လိုမျိုးပါ။ ဒီ underwear ကျတော့ အရမ်းကျပ်တဲ့အဝတ်အစားတွေ ဝတ်တဲ့အခါမှာ အောက်ခံဘောင်းဘီအရာ မထင်စေပါဘူး။ ဒါ့အပြင် အတိုတွေဝတ်တဲ့အခါမှာလည်း ဒီ underwear က ဝတ်ရတာ သက်တောင့်သက်သာဖြစ်စေပါတယ်။ ပေါ်မှာကိုလည်း စိုးရိမ်စရာမလိုပါဘူး။
High waist briefs
High waist briefs တွေကျတော့ မြန်မာဝတ်စုံတွေဝတ်တဲ့အခါမှာ အရမ်းအဆင်ပြေပါတယ်။ ဗိုက်ချပ်သွားစေပါတယ်။ ထဘီဝတ်ထားရင် ဗိုက်ကချပ်ချပ်ကပ်ကပ်လေး ဖြစ်သွားစေလို့ မိန်းကလေးတိုင်းမှာ ရှိထားသင့်တဲ့ underwear ဖြစ်ပါတယ်။
Hipsters
Hipsters အမျိုးအစား underwear ကျတော့ low waist pants တွေဝတ်ရင် အောက်ခံဘောင်းဘီပေါ်နေတာမျိုး မဖြစ်စေလို့ အဆင်ပြေပါတယ်။ ဘယ်လို pants အမျိုးအစားပဲဝတ်ဝတ် ဒီ underwear နဲ့ဝတ်လို့ အဆင်ပြေပါတယ်။
Bikini bottoms
Bikini bottoms underwear ကျတော့ ဖက်ရှင်အမျိုးမျိုးဝတ်တတ်တဲ့ မိန်းကလေးတွေအတွက် အသုံးဝင်စေလို့ ၂ ထည်၊ ၃ ထည်လောက်တော့ ရှိထားသင့်ပါတယ်။
Thong
Thong လို့ခေါ်တဲ့ underwear အမျိုးအစားကျတော့ မိန်းကလေးတိုင်းမှာ ရှိထားစရာမလိုပါဘူး။ ဆောင်ထားချင်ရင်တော့ ရပါတယ်။ ဒါပေမယ့် ခုနကလိုပဲ ဖက်ရှင်အမျိုးမျိုး ဝတ်စားတတ်တဲ့ မိန်းကလေးတွေအတွက်ကတော့ လိုအပ်မှာပါ။ အသုံးလည်းဝင်စေမယ့် underwear ဖြစ်ပါတယ်။
