လက်ရှိအချိန်မှာ ကိုရီးယားတေးဂီတ၊ ရုပ်ရှင်ဇာတ်လမ်းဇာတ်ကားများ၊ အသုံးအဆောင်ပစ္စည်း စသဖြင့်က ကမ္ဘာအနှံ့အပြားမှာ တော်တော်ကိုနေရာယူလာကြပါပြီ။
လူငယ်တွေကြားမှာ ပိုပြီးလူသိများတာကတော့ ကေပေါ့အိုင်ဒေါတွေပါပဲ။ ကေပေါ့အိုင်ဒေါတွေဟာ ကိုယ်ဝါသနာပါတဲ့ အိုင်ဒေါအဖြစ် ကျော်ကြားအောင်မြင်မှုကို ရရှိနေတယ်ဆိုပေမယ့်လည်း ဒီအောင်မြင်မှုနဲ့တန်းတူ မကောင်းသတင်းတွေဆိုတာကလည်း အမြဲကပ်ပါနေတတ်ဆဲပါ။
ဒါပေမယ့် ကေပေါ့အိုင်ဒေါတိုင်းကတော့ မကောင်းသတင်းရှိကြတာမဟုတ်ပါဘူး။ အခုတစ်ခါဖော်ပြပေးချင်တဲ့အကြောင်းအရာကတော့ ကေပေါ့လောကထဲက လူအများစိတ်ဝင်စားလှတဲ့ မကောင်းသတင်း Scandal လုံးဝမရှိကြတဲ့ ကေပေါ့အိုင်ဒေါငါးဦးပဲဖြစ်ပါတယ်။
JinYoung (Got7 အဖွဲ့ဝင်ဟောင်း)
JinYoung ကတော့ Got7 အဖွဲ့ဝင်ဟောင်းဖြစ်ပါတယ်။ လက်ရှိအချိန်မှာတော့ သရုပ်ဆောင်လမ်းကြောင်းကို ပြောင်းရွှေ့ပြီးတော့ မင်းသားတစ်ယောက်အဖြစ် လုပ်ကိုင်နေပါတယ်။
Seohyun (SNSD)
Girls’ Generation အဖွဲ့ရဲ့ အငယ်ဆုံးအဖွဲ့ဝင် SeoHyun ကတော့ အဖွဲ့သက်တမ်းတစ်လျှောက် Scandal လုံးဝမရှိခဲ့ဖူးပါဘူး။ အိုင်ဒေါတွေရဲ့သတင်းမှန်သမျှကို ဖော်ထုတ်လေ့ရှိတဲ့ Dispatch ကတောင် နှစ်ပေါင်းများစွာလိုက်ပြီးနောက် ဘယ်လိုမှရှာမရလို့ လက်လျှော့လိုက်ရတဲ့ အနုပညာရှင်တွေထဲက တစ်ဦးလည်းဖြစ်ပါတယ်။
Jisoo (BLACKPINK)
လက်ရှိအချိန်မှာ အင်မတန်ရေပန်းစားလူကြိုက်များနေတဲ့ မိန်းကလေးအဖွဲ့ BLACKPINK အဖွဲ့ဝင် Jisoo ဟာလည်း Debut အချိန်ကစလို့ အခုထိကို Scandal လုံးဝမထွက်သေးပါဘူး။ ကမ္ဘာကျော်ဖက်ရှင်အမှတ်တံဆိပ် Dior ရဲ့ လက်ရှိ Muse လည်းဖြစ်ပြီး ချစ်ကြသူလည်းများလှပါတယ်။
Jaemin (NCT)
Jaemin ကတော့ SM Entertainment လက်အောက်က NCT အဖွဲ့ဝင်တစ်ဦးဖြစ်ပြီး လက်ရှိ အသက် ၂၁ နှစ်ရှိပါပြီ။ Trainee အကြာကြီးနေခဲ့ရတဲ့အချိန်ကနေစပြီး အဆိုတော်ဖြစ်တဲ့အထိကို Scandal တစ်ခုမထွက်သေးပါဘူး။
D.O. (EXO)
နာမည်ကြီးသရုပ်ဆောင်တွေရဲ့ အသိအမှတ်ပြုခြင်းခံထားရတဲ့ EXO အဖွဲ့ဝင် D.O. ဟာဆိုရင်လည်း Dispatch ရဲ့ လက်လျော့လိုက်ရတဲ့ အိုင်ဒေါတွေစာရင်းထဲမှာ တစ်ဦးအနေနဲ့ပါဝင်နေပါတယ်။ မကြာခင်မှာ သူ့ရဲ့ဇာတ်ကားသစ်ထွက်ရှိတော့မှာမို့ စောင့်ကြည့်ကြဖို့လည်း မမေ့ပါနဲ့ဦးနော်။
