Depression ဝင်နေတဲ့စိတ်ကို တိုက်ထုတ်ပေးမယ့် ယောဂကျင့်စဉ် ၅ မျိုး

Depression ဝင်နေတဲ့အချိန်တွေ၊ စိတ်ညစ်နေတဲ့အချိန်တွေမှာ ယောဂကျင့်ပေးတာ အရမ်းအထောက်အကူဖြစ်ပါတယ်။ စိတ်တည်ငြိမ်စေပြီး စိတ်ဖိစီးမှုတွေ depression တွေအားလုံး ပြေပျောက်သွားစေပါတယ်။ ဒါကြောင့် depression ဝင်နေတဲ့စိတ်ကို တိုက်ထုတ်ပေးမယ့် ယောဂကျင့်စဉ် ၅ မျိုးကို မျှဝေပေးလိုက်ပါတယ်။

Bridge Pose

ပုံမှာပြထားတဲ့ Bridge Pose အနေအထားအတိုင်း စက္ကန့် ၃၀ နေပေးရပါမယ်။ အချိန်ပြည့်ရင် ခဏနားပြီး နောက်ထပ် စက္ကန့် ၃၀ ထပ်နေပေးပါ။ ဒီယောဂကျင့်စဉ်ကတော့ ကြွက်သားတွေကို ဆန့်ထုတ်လိုက်တဲ့အတွက် ကြွက်သားနာကျင်တာတွေ သက်သာစေပြီး relax ဖြစ်စေပါတယ်။ စိတ်ဖိစီးမှုတွေ၊ စိတ်ညစ်နွမ်းနေတာတွေ ပြေပျောက်စေပြီး လန်းဆန်းသွားစေလို့ depression ကို တိုက်ထုတ်ပေးနိုင်ပါတယ်။

Upward-Facing Dog Pose

ဒီယောဂကျင့်စဉ်ကိုလည်း ပုံမှာပြထားတဲ့အတိုင်း စက္ကန့် ၃၀ နေပေးပြီး အချိန်ပြည့်ရင် ခဏနားကာ နောက်ထပ် စက္ကန့် ၃၀ ထပ်နေပေးရမှာပါ။ ဒီယောဂကျင့်စဉ်ကတော့ ကိုယ်ရောစိတ်ပါ relax ဖြစ်စေလို့ depression ဝင်တဲ့အချိန်မှာ လုပ်ပေးဖို့ အရမ်းသင့်တော်ပါတယ်။

Downward-Facing Dog Pose

ပုံမှာပြထားတဲ့ Downward-Facing Dog Pose အတိုင်း ၁ မိနစ်နေပေးရပါမယ်။ ဒီယောဂကျင့်စဉ်ကတော့ သွေးစီးဆင်းမှုကောင်းမွန်စေပြီး စိုးရိမ်ပူပန်မှုတွေပြေပျောက်စေပြီး depression ကို တိုက်ထုတ်ပေးဖို့ အထောက်အကူဖြစ်စေပါတယ်။

Standing Forward Fold Pose

ဒီယောဂကျင့်စဉ်မှာ ခြေထောက်ကိုမကွေးသွားအောင် ဂရုစိုက်ပေးရပါမယ်။ သူကတော့ နောက်ကျော၊ ပခုံး၊ လည်ပင်းနာတာတွေကို သက်သာစေပြီး စိတ်ပူပင်သောကတွေ၊ စိတ်ဖိစီးမှုတွေကို ပြေပျောက်စေပါတယ်။

Corpse Pose

ဒီယောဂကျင့်စဉ်ကတော့ အလွယ်ဆုံးဖြစ်မှာပါ။ ပုံမှာပြထားတဲ့အတိုင်းနေပြီး အသက်ကိုရှူသွင်းရှူထုတ် ပုံမှန်လုပ်ပေးရမှာပါ။ အဲ့အတိုင်း ၁ မိနစ်ကနေ ၂ မိနစ်အထိ ကိုယ်နေနိုင်သလောက် နေပေးပါ။ စိတ်ရောကိုယ်ပါ relax ဖြစ်စေပြီး စိတ်ဖိစီးမှုတွေကို သိသိသာသာလျော့ကျသွားစေပါတယ်။