လှပကြော့ရှင်းတဲ့ ဖက်ရှင်မျိုးကို သဘောကျတဲ့ ပျိုမေတို့အတွက် ရွေးချယ်စရာများ

ဖက်ရှင်ဆိုတာ လူတစ်ယောက်အတွက်အရေးပါလှပါတယ်။ ဖက်ရှင်ကျဖို့ဆိုတာလည်း ဈေးကြီးတဲ့ အဝတ်အစားတွေဝတ်ဆင်ဖို့မဟုတ်ဘဲ သင်သွားမယ့်နေရာနဲ့ သင့်ဝတ်စားဆင်ယင်မှုလိုက်ဖက်အောင်၊ သင့်ရဲ့ ခန္ဓာကိုယ်အချိုးအစားနဲ့ သင်ရွေးချယ်ဝတ်ဆင်တဲ့ ဖက်ရှင်လိုက်ဖက်အောင် ဝတ်စားဆင်ယင်ရတာမျိုးပါ။

ဖက်ရှင်စတိုင်လ်တွေအမျိုးမျိုးရှိတဲ့အထဲက လှပကြော့ရှင်းတဲ့ ဖက်ရှင်မျိုးကို သဘောကျတဲ့သူတွေအတွက် မျှဝေပေးချင်ပါတယ်။

Dress များ

အနက်ရောင် Wrap Dress အကျီဟာ သင့်ကို ချစ်သူနဲ့တွေ့တဲ့အခါမှာပဲဖြစ်ဖြစ် အလုပ်ကိစ္စသွားတဲ့အခါမှာပဲဖြစ်ဖြစ် ဖက်ရှင်ကျနေစေမှာဖြစ်သလို လှပကြော့ရှင်းနေစေမှာဖြစ်ပါတယ်။

Source: SilkFred

သင်နဲ့ Fitting ဖြစ်တဲ့ Dress ဝတ်စုံ အကြပ်လေးကလည်း သင့်ကို လှပကြော့ရှင်းနေစေမှာပါ။

ဒါ့အပြင် အောက်ပိုင်းမှာ အကားပုံစံလေးပါတဲ့ Dress ဝတ်စုံကိုလည်းရွေးချယ်ဝတ်ဆင်လို့ရပါတယ်။

အပေါ်အောက် အရောင်မတူတဲ့ Dress ဖက်ရှင်ကလည်း သင့်ကို လှပကြော့ရှင်းစေမှာပါ။

ဘောင်းဘီ တွဲဖက်ဝတ်ဆင်မယ်

Source: Mode Rsvp

Blouse အင်္ကျီအဖြူနဲ့ Jeans ဘောင်းဘီဖက်ရှင်ဟာ သင့်ကို လန်းဆန်းစေသလို လှပကြော့ရှင်းစေမယ့် ဖက်ရှင်တစ်ခုဖြစ်ပါတယ်။

Source: LookBook

အပေါ်ကနေ ကုတ်အင်္ကျီရှည်ရှည်ထပ်ဝတ်ပြီး ဒေါက်ပါတဲ့ ဘွတ်ဖိနပ်စီးလိုက်ရင်လည်း သင့်ကိုလူငယ်ဆန်စေသလို လှပကြော့ရှင်းနေစေမှာဖြစ်ပါတယ်။ ဆောင်းတွင်းနဲ့လည်း လိုက်ဖက်တဲ့ ဖက်ရှင်တစ်ခုပါ။

Source: Shopee

နောက်တစ်ခုကတော့ ကုတ်အင်္ကျီအရှည်မဟုတ်ဘဲ Jacket အင်္ကျီ အတိုကိုလည်း စတိုင်လ်ကျအောင် အခုလို ဝတ်ဆင်လို့ရပါတယ်။

Pencil Skirt

Source: Karen Millen

မိန်းကလေးတစ်ယောက်ကိုလှပကြော့ရှင်းပြီး စမတ်ကျစေတဲ့ ဖက်ရှင်တွေထဲမှာ Pencil Skirt လေးတွေနဲ့ အပေါ်က ရှပ်အင်္ကျီ (သို့) အထဲထည့်ဝတ်လို့ရတဲ့ စမတ်ကျကျ အင်္ကျီတစ်ထည်နဲ့ တွဲဖက်ဝတ်ဆင်လိုက်ရင်ပဲ့ ဖက်ရှင်ကျနေပါပြီနော်။

ဖိနပ်

ဖိနပ်ကိုတော့ အနက်ရောင်ဘွတ်ဖိနပ်ပဲဖြစ်ဖြစ်၊ ဒေါက်ဖိနပ်ပဲဖြစ်ဖြစ်၊ ရှုးဖိနပ်ပဲဖြစ်ဖြစ်ဝတ်ဆင်လို့ရပါတယ်။