ဘယ်လောက်ပဲအပျင်းကြီးနေပါစေ မိတ်ကပ်မဖျက်ပဲနဲ့အိပ်တာမျိုး မလုပ်သင့်ပါဘူး။ မိတ်ကပ်မဖျက်ပဲအိပ်ရင် အသားအရေထိခိုက်ပျက်စီးပြီး အသားညစ်လာမယ်၊ ဝက်ခြံတွေထွက်လာမယ်၊ အိုမင်းရင့်ရော်ခြင်းနဲ့ အရေးအကြောင်းတွေ မြန်မြန်ဖြစ်လာပါမယ်။ ဒါကြောင့် အပျင်းကြီးတဲ့ကောင်မလေးတွေအတွက် ညအိပ်ယာမဝင်ခင် မိတ်ကပ်ဖျက်ရမယ့် နည်းလမ်း ၄ မျိုးကို မျှဝေပေးလိုက်ပါမယ်။ လွယ်ကူတဲ့နည်းလမ်းတွေဖြစ်တာကြောင့် မိန်းကလေးတိုင်းအတွက်လည်း အသုံးဝင်မှာပါ။
အုန်းဆီ
မိတ်ကပ်ဖျက်ဖို့မရှိရင် အုန်းဆီကို အလွယ်တကူသုံးလို့ရပါတယ်။ အုန်းဆီကိုအခဲဆိုရင် မျက်နှာပေါ်တင်ပြီး cotton pad နဲ့ ဖျက်ပေးရုံပါပဲ။ အရည်ဆိုရင်တော့ cotton pad ထဲထည့်ပြီး ဖျက်ပေးရုံပါပဲ။ waterproof makeup တွေအထိပါ သန့်စင်ပေးနိုင်လို့ အရမ်းအဆင်ပြေပါတယ်။ ဒါပေမယ့် မျက်နှာသစ်ဆေးနဲ့တော့ သေချာပြန်သစ်ပေးဖို့လိုပါတယ်။ သစ်တာမပြောင်ရင် oil ဆိုတော့ အဆီဖုတွေထွက်လာနိုင်ပါတယ်။
Baby Oil
Sensitive ဖြစ်တဲ့သူတွေဆိုရင် အုန်းဆီမသုံးပဲ baby oil ကိုသုံးပြီး မိတ်ကပ်ဖျက်လို့ရပါတယ်။ ခုနကလို cotton pad ထဲ ထည့်ပြီး ဖျက်ရမှာပါ။ baby oil နဲ့ဖျက်ပေးရင် မိတ်ကပ်အားလုံးပြောင်သွားတဲ့အပြင် အသားအရေပါ ချောမွေ့စေပါတယ်။
Micellar water
မိတ်ကပ်ဖျက်ဆေးဝယ်မယ်ဆိုရင် အလွယ်တကူသုံးလို့ရတဲ့ micellar cleansing water ကို သုံးပေးပါ။ သူက အသားအရေကိုပါ hydrates ဖြစ်စေပါတယ်။ သုံးပြီးရင် အသားခြောက်သွားတာမျိုးလည်း မဖြစ်ပါဘူး။ မိတ်ကပ်တွေကိုလည်း အလွယ်တကူဖျက်ပစ်နိုင်လို့ အရမ်းအဆင်ပြေပါတယ်။ ဖျက်ပြီး မျက်နှာကို ချက်ချင်းထမသစ်ချင်သေးလည်း ရပါတယ်။ ယားယံတာ၊ ဝက်ခြံထွက်တာမျိုး လုံးဝမဖြစ်ပါဘူး။
ရေနွေးငွေ့
မိတ်ကပ်ဖျက်ဖို့ဘာမှမရှိရင် ရေနွေးငွေ့နဲ့ ဖျက်လို့ရပါတယ်။ လုပ်ရမယ့်နည်းလမ်းကတော့ ပန်းကန်လုံးကြီးထဲ ရေနွေးထည့်ပြီး ခေါင်းကို towel အုပ်ကာ ပန်းကန်နဲ့မျက်နှာအပ်ထားပြီး မိနစ်အနည်းငယ် နေပေးရမှာပါ။ ပြီးရင်တော့ မျက်နှာသစ်ဆေးနဲ့သစ်ချလိုက်တာနဲ့ မိတ်ကပ်တွေအားလုံး ပြောင်သွားပါလိမ့်မယ်။ ဒီနည်းလမ်းကတော့ ချွေးပေါက်တွေပါ ကျဉ်းလာစေပါတယ်။
