မျက်နှာနဲ့ ခန္ဓာကိုယ်ကို ချေးချွတ် Scrub တိုက်သလိုပဲ ဦးရေပြားကိုလည်း Scrub လုပ်ပေးဖို့ လိုပါတယ်။ ဦးရေပြား Scrub လုပ်ပေးတဲ့အခါ ရလာမယ့် ကောင်းကျိုးတွေကတော့ ဗောက်ထ သက်သာတာ၊ ဆံပင်အရှည်မြန်တာ၊ ပျက်ဆီးနေတဲ့ ဆဲလ်သေတွေ လျော့ပါးလာတာ၊ ဆံပင်ပြန်လည်ကျန်းမာလာတာ စတဲ့ အရာတွေပဲ ဖြစ်ပါတယ်။ သင့်ဆံပင်က အပူဒဏ်၊ ဓာတုပစ္စည်းတွေကြောင့် ပျက်စီးခြောက်သွေ့နေတယ်ဆိုရင် Scrub လုပ်ပေးသင့်ပါတယ်။
ဒီတစ်ခေါက်မှာတော့ ကိုယ့်အိမ်မှာပဲ ရှိတဲ့ ပစ္စည်းတွေနဲ့ ကိုယ်ပိုင် Scalp Scrub လုပ်နိုင်မယ့် နည်းလမ်းတွေကို ဖော်ပြလိုက်ပါတယ်။
၁။ ဆဲလ်သေတွေ ကွာကျဖို့
ဒီနည်းလမ်းအတွက် လိုအပ်တဲ့ ပစ္စည်းတွေကတော့- သကြားအညိုနှစ်ဇွန်းနဲ့ ရှန်ပူအပျော့ တစ်ဇွန်းတို့ပဲ ဖြစ်ပါတယ်။ သကြားက Exfoliate Queen လို့ ခေါ်ရလောက်အောင် အသုံးဝင်ပါတယ်။ ပါဝင်ပစ္စည်း နှစ်မျိုးကို ရောကာ ရေအနည်းငယ် စွတ်ထားတဲ့ ဦးရေပြား အနှံ့ ပွတ်ပေးရပါမယ်။ မိနစ်အနည်းငယ် ပွတ်ပြီးနောက် ရေဆေးချပေးရပါမယ်။
Photo Source: Femina.in
၂။ ဦးရေပြား အတွင်းပိုင်းထိ သန့်စင်ဖို့
ခေါင်းလျှော်ပြီးနောက် အညစ်အကြေးတွေ လုံးဝ သန့်စင်သွားတယ်လို့ ခံစားရစေဖို့ ဒီ Scrub နည်းလမ်းကို သုံးနိုင်ပါတယ်။ ပါဝင်ပစ္စည်းတွေကတော့ သကြားအညို တစ်ဇွန်းနဲ့ သံလွင်ဆီတို့ ဖြစ်ပါတယ်။ သကြားက ဦးရေပြားထဲက ဆဲလ်သေတွေကို ဖယ်ရှားပေးပါတယ်။ သံလွင်ဆီကတော့ ဆံသားကို စိုပြေစေပြီး အာဟာရဖြည့်ပေးပါတယ်။ ဒီနှစ်မျိုးကို ဇွန်းတစ်ချောင်းနဲ့ မွှေပြီးနောက် ဦးရေပြားပေါ် ၁ မိနစ်ခန့် ပွတ်ပေးရပါမယ်။ ပြီးနောက် ရေဆေးချပေးရပါမယ်။ ဒီနည်းလမ်းကို တစ်လမှာ တစ်ကြိမ် လုပ်ရုံနဲ့ လုံလောက်ပါတယ်။
Photo Source: Curious and Catcat
၃။ ဗောက်သက်သာဖို့၊ ခေါင်းယားတာ သက်သာဖို့
သင်က ဗောက်ထတာ သက်သာချင်တယ်ဆိုရင်တော့ ဂျင်းအနည်းငယ်နဲ့ Rosemary Oil ဒါမှမဟုတ် Neem Oil ကို လိုအပ်ပါတယ်။ ဂျင်းကို အခွံခွာ ခြစ်ပြီးနောက် အရည်ရအောင် ညှစ်ပေးရပါမယ်။ ဒီအရည်ထဲကို Neem Oil ဒါမှမဟုတ် Rosemary Oil ကို ထည့်ပေးရပါမယ်။ ရောမွှေပြီးနောက် တိုနာဂွမ်းနဲ့ ယူကာ ဦးရေပြားအနှံ့ပွတ်ပေးရပါမယ်။ ပွတ်ပြီးနောက် မိနစ် ၃၀ ထားကာ ရေဆေးချပေးရပါမယ်။
Photo Source: Dr. Axe
၄။ ဆံပင်အရှည်မြန်ဖို့
ဆံပင်အရှည်မြန်ချင်သူတွေအတွက် ဆံပင်အစိုဓာတ် ပုံမှန်ဖြည့်ပေးဖို့ လိုအပ်ပါတယ်။ အစိုဓာတ်ပုံမှန်ဖြည့်ပေးတဲ့ ပစ္စည်း တစ်မျိုးကတော့ ရှားစောင်းလတ်ပတ်ပါ။ Scrub လုပ်ဖို့အတွက် ရှားစောင်းလတ်ပတ် ၂ ဇွန်းနဲ့ သကြားညို တစ်ဇွန်းကို လျောပေးရပါမယ်။ လျောပြီးနောက် ဦးရေပြား အနှံ့လိမ်းကာ ရေဆေးချပေးရပါမယ်။
Photo Source: YouTube
By MyStyle Myanmar
