အားလုံးပဲမင်္ဂလာပါနော်။ ကိုယ်သဘောကျတဲ့ အနုပညာရှင်တစ်ယောက်ကို ချစ်ကြအားပေးကြသလို သူတို့တွေအိမ်ထောင်ကျလို့ သားသမီးတွေ ရတဲ့အခါမှာဆိုရင်လည်း သားသမီးတွေကိုပါ ပရိသတ်တွေက သည်းသည်းလှုပ်ချစ်ကြပါတယ်။
အမျိုးသားတွေ အရူးအမူးအားပေးကြတဲ့ ဘောလုံးလောကထဲက အားကစားသမားတွေဟာဆိုရင်လည်း အနုပညာရှင်တွေနည်းတူ အင်မတန်လူသိများလှပါတယ်။ မြန်မာပရိသတ်တွေကြားထဲမှာ လူသိများရေပန်းစားနေတဲ့ The Return of Superman အစီအစဥ်မှာ လတ်တလောပါဝင်နေတဲ့ မိသားစုတွေထဲမှာ နာမည်ကျော် ဘောလုံးသမားတစ်ယောက်လည်း ပါပါသေးတယ်။
သူကတော့ Park Joo Ho ဘောလုံးကစားသမားဖြစ်ပြီး သားသမီး (၃) ယောက်ရဲ့ နာမည်တွေကတော့ Naeun (Eden), Gun Hoo (Aciel) နဲ့ Jin Woo (Elyseen) တို့ဖြစ်ကြပါတယ်။
ချစ်မွှေးလေးတွေဆိုတော့ မောင်နှမသုံးယောက်လုံးက အစီအစဥ်မှာ စပါလာကတည်းက ပရိသတ်တွေ အသည်းကိုသိမ်းပိုက်ထားတာမဆန်းပါဘူး။ လက်ရှိမှာ Naeun က အသက် ၆ နှစ်၊ GunHoo က အသက် ၄ နှစ် နဲ့ အငယ်ဆုံးလေး Jin Woo ကတော့ အသက် ၁ နှစ်ကျော်ပဲရှိပါသေးတယ်။
ချစ်ဖို့အင်မတန်ကောင်းတဲ့ မောင်နှမသုံးယောက်ထဲကမှ အငယ်ဆုံးလေးဖြစ်တဲ့ Park Jin Woo ဟာ အမြဲပြုံးပျော်နေတတ်ပြီး သူ့ရဲ့အပြုံးလေးနဲ့ပဲ ကြည့်ရှူသူတိုင်း၊ မြင်သူတိုင်းရဲ့ အသည်းကိုအရည်ပျော်ကျစေသူလေးလည်းဖြစ်ပါတယ်။ အပြစ်ကင်းစင်လှတဲ့ အပြုံးလေးနဲ့ ချစ်စရာကောင်းလှတဲ့ Park Jin Woo လေးရဲ့ ပုံရိပ်လေးတွေကို အတူတူကြည့်လိုက်ရအောင်ပါ။
Image Source: jingo_posts , william holic
