ညဘက်မှာ အိပ်ရေးဝဝအိပ်ပေမယ့်လည်း မနက်နိုးလာတဲ့အခါ မျက်ကွင်းညိုနေလို့ စိတ်ညစ်နေပါသလား။ အရေပြားအထူးကုဆရာဝန်တွေရဲ့ ပြောကြားချက်အရ အသက်ကြီးလာတာနဲ့အမျှ အရေပြားကဆဲလ်အသစ်ပြန်လည်ထုတ်လုပ်ဖို့အတွက် အားနည်းသွားတဲ့အခါ မျက်ကွင်းညိုလာပါတော့တယ်။
ဒီလိုမျက်ကွင်းညိုတာကို မိတ်ကပ်နဲ့ခဏတာဖုံးကွယ်ထားလို့ရပေမယ့် ရေရှည်အတွက် အကျိုးရှိချင်တယ်ဆိုရင်တော့ အခုဖော်ပြပေးမယ့် နည်းလမ်းလေးတွေက အသုံးတည့်ပါလိမ့်မယ်။
နည်းလမ်း ၁
သခွားသီးတစ်လုံး၊ အာလူးတစ်လုံး၊ ပျားရည်လက်ဖက်ရည်ဇွန်း တစ်ဇွန်း၊ ရှားစောင်းလက်ပတ်ဂျယ် လက်ဖက်ရည်ဇွန်း တစ်ဇွန်းတို့ လိုအပ်ပါတယ်။ သခွားသီးနဲ့ အာလူးကို ခြစ်ပြီးသွားတဲ့အခါ နှစ်ခုစလုံးကိုရောပေါင်းလိုက်ပါ။ အနှစ်လေးတွေရလာတဲ့အထိ အားစိုက်ညှစ်ပေးပါ။ ပြီးရင် ပျားရည်နဲ့ ရှားစောင်းလက်ပတ်ဂျယ်ကိုပါ ထပ်ရောလိုက်ပြီးနောက် ရေခဲသေတ္တာထဲမှာ ၁၀ မိနစ် ၁၅ မိနစ်ခန့် အအေးခံပြီး မျက်ကွင်းညိုတဲ့ နေရာကို သုတ်လိမ်းပေးလိုက်ပါ။ ၁၅ မိနစ်ကြာမှ ရေဆေးချလိုက်ပါ။ ထပ်ခါတလဲလဲအသုံးပြုချင်ရင်တော့ ရေခဲသေတ္တာထဲမှာ သိမ်းပေးထားလို့ရပါတယ်။ ၅ ရက်တိတိ ရေခဲသေတ္တာထဲမှာ အထားခံပါတယ်။
နည်းလမ်း ၂
ခရမ်းချဉ်သီးတစ်လုံးကို သစ်သီးကြိတ်စက်ထဲထည့်ပြီး ခရမ်းချဉ်သီးအနှစ်ရအောင် ပြုလုပ်ပါ။ ခရမ်းချဉ်သီးအနှစ် လက်ဖက်ရည်ဇွန်းတစ်ဇွန်းနဲ့ နနွင်းမှုန့်လက်ဖက်ရည်ဇွန်းတစ်ဇွန်းကို ရောလိုက်ပါ။ ဒိန်ချဉ်လက်ဖက်ရည်ဇွန်း ၂ ဇွန်းနဲ့ ဆန်မှုန့် လက်ဖက်ရည်ဇွန်းတစ်ဇွန်းကိုပါ ထပ်ရောထည့်လိုက်ပါ။ မျက်လုံးအောက်မှာ ၁၅ မိနစ် မိနစ် ၂၀ ခန့် သုတ်လိမ်းပေးလိုက်ပါ။
နည်းလမ်း ၃
ခရမ်းချဉ်သီးတစ်လုံးကို အနှစ်တွေရအောင် ပြုလုပ်လိုက်ပါ။ နံနံပင်ကို အရွက်တွေပဲ ချွေလိုက်ပြီး ခရမ်းချဉ်သီးအနှစ်နဲ့ သစ်သီးကြိတ်စက်ထဲ ရောပြီးနောက်မှာ ရလာတဲ့အနှစ်ကို ပန်းကန်လုံးတစ်လုံးထဲ ထည့်ထားလိုက်ပါ။ ဝါဂွမ်းကို ပန်းကန်လုံးထဲနှစ်လိုက်ပြီးနောက် မျက်လုံးအောက်နားမှာ သုတ်လိမ်းလိုက်ပါ။ သုတ်လိမ်းပြီးတဲ့နောက်မှာ မိနစ် ၃၀ ခန့် ကြာမှ ရေဆေးချလိုက်ပါ။
နည်းလမ်း ၄
လတ်ဆတ်တဲ့လိမ္မော်သီးတစ်လုံးကို အနှစ်ကလေးများရအောင် ပြုလုပ်ပြီး ဂလစ်စရင်းအလှဆီ ၂ စက် ၃ စက်ခန့် ရောပေါင်းလိုက်ပါ။ ဝါဂွမ်းအသုံးပြုပြီး မျက်လုံးအောက်နားမှာ သုတ်လိမ်းပြီးတဲ့အခါ ၂ မိနစ် ၃ မိနစ်ခန့် ကြာအောင် ထားလိုက်ပါ။ မိမိလိုချင်တဲ့ ရလဒ်မရမချင်း စိတ်ကျေနပ်တဲ့အထိ သုတ်လိမ်းလို့ရပါတယ်။
Source: Brightside.me
