လက်မောင်းအဆီတွေလွယ်လွယ်နဲ့ကျအောင်ကူညီပေးမယ့်လေ့ကျင့်ခန်း ၄ မျိုး

လက်မောင်းမှာအဆီတွေရှိလို့ လက်မောင်းကြီးသလိုဖြစ်နေတဲ့သူတွေနဲ့ လက်မောင်းကျစ်လစ်ပြီး သေးချင်တဲ့သူတွေအတွက် လက်မောင်းအဆီတွေ လွယ်လွယ်နဲ့ကျအောင် ကူညီပေးမယ့် လေ့ကျင့်ခန်း ၄ မျိုးကို မျှဝေပေးလိုက်ပါတယ်။

အလေးမခြင်း

လက်မောင်းအဆီတွေ လွယ်လွယ်နဲ့ကျပြီး လက်မောင်းကျစ်လစ်ပြီး သေးလာအောင် အလေးမလေ့ကျင့်ခန်းကို မဖြစ်မနေ လုပ်ပေးရပါမယ်။

Push-ups

Push-ups လုပ်ပေးခြင်းကလည်း လက်မောင်းအဆီတွေ လွယ်လွယ်နဲ့ကျစေပါတယ်။ ပုံမှာပြထားတဲ့အတိုင်း အနည်းဆုံး စက္ကန့် ၃၀ နေပေးရပါမယ်။ အဲ့ဒီထက်ပိုပြီး အချိန်ကြာကြာနေနိုင်ရင်တော့ ပိုကောင်းပါတယ်။ Push-ups လုပ်ပေးခြင်းက လက်မောင်းအဆီတင်မဟုတ်ပဲ ဗိုက်အဆီပါကျစေပါတယ်။

Biceps curls

အလေး ၂ တုံးနဲ့ ပုံမှာပြထားတဲ့အတိုင်း Biceps curls လုပ်ပေးတာကတော့ လက်မောင်းကြွက်သားတွေ ကျစ်လစ်စေပြီး အဆီကျစေပါတယ်။ လက်မောင်းပါ ကျစ်လစ်ပြီး သေးလာစေပါတယ်။ လုပ်ရမယ့်အကြိမ်အရေအတွက်ကတော့ အကြိမ် ၂၀ ကိုမှ ၃ ကြော့လုပ်ပေးရပါမယ်။ စုစုပေါင်း အကြိမ် ၆၀ ပါ။

Triceps dips

ဒီလေ့ကျင့်ခန်းကိုလုပ်ဖို့အတွက် ဆိုဖာ၊ ခုံတန်းလျားရှည်၊ ကုလားထိုင် တစ်ခုခုလိုပါတယ်။ ပုံမှာပြထားတဲ့အတိုင်း တင်ပါးက အောက်ခြေနဲ့ ၂ လက်မအကွာလောက် ရှိရပါမယ်။ ခြေထောက်ကို ဆန့်ထားရပါမယ်။ ခုံပေါ်တင်ထားတဲ့လက်ကလည်း ပုံထဲကအတိုင်း ဖြစ်နေရပါမယ်။ အဲ့ပုံစံနဲ့ လက်မောင်းကိုပဲ ဆန့်လိုက်၊ ပြန်ကွေးလိုက်နဲ့ အကြိမ် ၂၀၊ ၃ ကြော့လုပ်ပေးရပါမယ်။ စုစုပေါင်းလုပ်ရမယ့် အကြိမ်အရေအတွက်ကတော့ ၆၀ ဖြစ်မှာပါ။