ဗောက်ဖြစ်ပြီ ဆိုတာနဲ့ ဦးရေပြားက ယားယံပြီး စိတ်အနှောင့်အယှက် ဖြစ်စရာပါပဲ။ ခေါင်းကုတ်လိုက်တာနဲ့ အမှုန်တွေကျလာပြီး တစ်ယောက်တည်း နှင်းကျနေသလိုပါပဲ။ ဒီဗောက်တွေက ကိုယ့်ကိုကိုယ် ယုံကြည်မှုကို ကျဆင်းစေပြီး တခြားသူတွေ မမြင်အောင် ကြိုးစားရတာကြောင့် သင်ပင်ပန်းနေမှာပါ။ ဒီတစ်ခေါက်မှာတော့ ဗောက်ပျောက်ခေါင်းလျှော်ရည် ဆွဲသုံးစရာမလိုဘဲ တစ်ကြိမ်လုပ်ရုံနဲ့ ဗောက်တွေကို အရှင်းပျောက်စေမယ့် နည်းလမ်း (၃) ခုကို ဝေမျှပါရစေ။
၁။ အုန်းဆီ + သံပယိုရည်
Photo Source: YouTube
အုန်းဆီက ဦးရေပြားခြောက်တာကြောင့် ဖြစ်တဲ့ ဗောက်တွေကို သက်သာစေပြီး ဦးရေပြားကို အစိုဓာတ်ပေးပါတယ်။
သံပယိုရည်မှာ ပါဝင်တဲ့ Citric Acid က ဗောက်ရှင်းစေပါတယ်။ အုန်းဆီ ၂ ဇွန်းကနေ သုံးဇွန်းထည့်ပြီး သံပယိုရည် ညှစ်ထည့်ပေးရပါမယ်။ ပြီးနောက် ဂွမ်းလုံးကို ယူကာ ဒီအရောထဲ နှစ်ပေးရပါမယ်။ ပြီးနောက် ဒီဝါဂွမ်းလုံးနဲ့ ဗောက်ရှိတဲ့ နေရာတွေကို ပွတ်ပေးရပါမယ်။ ပြီးရင်တော့ မိနစ် ၃၀ ကနေ ၁ နာရီ ထားပြီး ခေါင်းလျှော်ပေးရပါမယ်။
၂။ မုန့်ဖုတ်ဆိုဒါ + ရေ
Photo Source: Pinterest
ဒီနည်းလမ်းက ဦးရေပြား အဆီပြန်တာကို သက်သာစေပြီး ဗောက်သက်သာစေပါတယ်။ pH Level မြင့်တာကြောင့် ဗောက်ကို လျှော့ချပေးပါတယ်။ မုန့်ဖုတ်ဆိုဒါနဲ့ ရေကို ရောပြီး အနှစ်ထူပျစ်ပျစ်လေးရအောင် လုပ်ပေးရပါမယ်။ ဒီအနှစ်ကို ဦးရေပြားပေါ် ပွတ်ပြီးနောက် ၁ မိနစ် ကြာတဲ့အခါ ခေါင်းလျှော်ပေးရပါမယ်။
၃။ ဒိန်ချဉ်
Photo Source: Dreamstime.com
ဒိန်ချဉ်က ဗောက်သက်သာစေပြီး ဦးရေပြားနဲ့ ဆံကေသာကို အစိုဓာတ်ပေးပါတယ်။ ဒိန်ချဉ်ကို ဦးရေပြားပေါ် လိမ်းပေးရပါမယ်။ လိမ်းပြီးနောက် မိနစ် ၃၀ ထားရပါမယ်။ မိနစ် ၃၀ ပြီးနောက်မှာတော့ ရေနဲ့ ဆေးချပေးရပါမယ်။
By MyStyle Myanmar
