ကိုးရီးယား Idol အဖွဲ့တွေရဲ့ Album ရောင်းအားနဲ့ ပရိသတ်အားပေးမှုမှတ်တမ်းတွေကိုထုတ်ပြန်လေ့ရှိတဲ့ Hanteo Charts ကနေ လွန်ခဲ့တဲ့လေးနှစ်အတွင်းမှာမှ ပွဲဦးထွက်ထားပေမယ့် လတ်တလောမှာ အောင်မြင်မှုအများဆုံးရရှိနေတဲ့ မျိုးဆက်သစ်အဖွဲ့ (၈) ဖွဲ့အကြောင်းကိုထုတ်ပြန်ခဲ့ပါတယ်။ ဒါကြောင့် Kpop ပရိသတ်တွေအတွက် ဒီ Idol အဖွဲ့ (၈) ဖွဲ့အကြောင်းကိုမျှဝေပေးချင်ပါတယ်။

၁။ ITZY

Photo Source: ITZYOfficial Twitter

ITZY အဖွဲ့ဟာ ပွဲဦးထွက်သီချင်း DALLA DALLA နဲ့အတူ K Pop ပရိသတ်တွေရဲ့ အာရုံစိုက်မှုကိုရရှိလာခဲ့တဲ့ Idol အဖွဲ့တစ်ဖွဲ့ဖြစ်ပါတယ်။ လက်ရှိမှာတော့ “ Guess Who” ဆိုတဲ့ လေးကြိမ်မြောက် Mini Album အသစ်ထွက်ရှိထားပြီး Digital Score များစွာနဲ့ ပိုမိုအောင်မြင်လာခဲ့ပါတယ်။ ITZY အဖွဲ့ရဲ့ IG Followers အရေအတွက်ဟာ ဒီနှစ်အတွင်းမှာပဲ နောက်ထပ် (၂) သန်းကျော် တိုးလာခဲ့ပြီး မျိုးဆက်သစ်အဖွဲ့တွေထဲ Followers တိုးတက်မှုနှုန်း ဒုတိယ အများဆုံးအဖွဲ့ဖြစ်လာပါတယ်။

၂။ TXT

Photo Source: Pinterest

TXT အဖွဲ့ဟာ ယခုနှစ်အတွင်းမှာ ပိုမိုအောင်မြင်လာတဲ့အပြင် နိုင်ငံတကာကပရိသတ်တွေရဲ့ အာရုံစိုက်မှုများစွာ ရရှိလာတဲ့အဖွဲ့တစ်ဖွဲ့ဖြစ်ပါတယ်။ အဖွဲ့ရဲ့ Album ပေါင်း ၇သိန်းကျော်အထိ ရောင်းချနိုင်ခဲ့ပြီး နိုင်ငံတကာပရိသတ်အားပေးမှုအများဆုံး ထိပ်တန်းအနုပညာရှင်တွေထဲမှာ ပါဝင်လာခဲ့ပါတယ်။ TXT ဟာ ဒီနှစ်အတွင်းမှာ Twitter Followers (၂) သန်းကျော်လည်းထပ်မံတိုးလာခဲ့ပါတယ်။

၃။ Stray Kids

Photo Source: Stray_Kids Twitter

ဒီနှစ်ရဲ့မှတ်တမ်းတွေအရ Stray Kids အဖွဲ့ဟာ Social Media အမျိုးမျိုးမှာ Followers များစွာတိုးလာတဲ့အပြင် နိုင်ငံတကာကပရိသတ်တွေကြားမှာလည်း လတ်တလော အားပေးမှုအများဆုံးနဲ့ အောင်မြင်မှုအမြင့်ဆုံးအဖြစ် သတ်မှတ်ခံထားရတဲ့ မျိုးဆက်သစ်အဖွဲ့တစ်ဖွဲ့ဖြစ်ပါတယ်။ လာမယ့် သြဂုတ်လ ၂၃ရက်နေ့မှာတော့ Stray Kids အဖွဲ့ရဲ့ “ No Easy” ဆိုတဲ့ Album အသစ်တစ်ခု ထွက်ရှိလာတော့မှာပဲဖြစ်ပါတယ်။

၄။ ENHYPEN

Photo Source: ENHYPEN Twitter

ENHYPEN အဖွဲ့ဟာ ၂၀၂၀ ခုနှစ်မှာပွဲဦးထွက်နိုင်ခဲ့ပြီး ကိုးရီးယားနိုင်ငံအပြင် နိုင်ငံတကာကပရိသတ်တွေရဲ့ အားပေးမှုများစွာကိုရရှိထားတဲ့ မျိုးဆက်သစ် Idol အဖွဲ့ဖြစ်ပါတယ်။ နိုင်ငံတကာရဲ့ ပရိသတ်အားပေးမှု မှတ်တမ်းတွေအရ ENHYPEN အဖွဲ့ရဲ့ Album ရောင်းရမှုဟာ (၄)သိန်းကျော်အထိရှိခဲ့ပြီး ရောင်းအားအများဆုံး နံပါတ် (၉) နေရာမှာရပ်တည်နေပါတယ်။

၅။ ATEEZ

Photo Source: ATEEZOfficial Twitter

နိုင်ငံတကာက ပရိသတ်တွေရဲ့ ATEEZ အဖွဲ့အပေါ် အားပေးမှုဟာ ၂၀၂၁ခုနှစ်မှာ အရှိန်အဟုန်နဲ့ တိုးလာခဲ့ပါတယ်။ သူတို့ရဲ့ နောက်ဆုံးထွက်ရှိထားတဲ့ Album ဟာဆိုရင် အချပ်ရေ ၄သိန်းကျော်အထိ ရောင်းချနိုင်ခဲ့ပြီး ရောင်းအားအများဆုံး အနုပညာရှင်အဖွဲ့ (၁၀) ဖွဲ့ ထဲမှာပါဝင်ပါတယ်။

၆။ Treasure

Photo Source: TREASUREmembers Twitter

Treasure အဖွဲ့ဟာ ၂၀၂၀ ခုနှစ်ကမှ ပွဲဦးထွက်ခဲ့ပေမယ့် Hanteo Charts တွေမှာအောင်မြင်မှုများစွာ ရရှိထားပြီးဖြစ်တဲ့အဖွဲ့တစ်ဖွဲ့ ဖြစ်ပါတယ်။ Treasure ဟာ ၂၀၂၁ခုနှစ်အတွင်း နိုင်ငံတကာအားပေးမှုအများဆုံး နံပါတ် (၅) နေရာမှာရပ်တည်နိုင်ခဲပြီး အဖွဲ့ရဲ့ YouTube Subscribers ပေါင်းဟာလည်း နှစ်ဝက်အတွင်းမှာ (၁) သန်းကျော်အထိ တိုးလာခဲ့ပါတယ်။

၇။ Aespa

Photo Source: aespa_official Twitter

၂၀၂၀ နှစ်ကုန်ပိုင်းမှာ ပွဲဦးထွက်ခဲ့တဲ့ Aespa အဖွဲ့ဟာ အချိန်တိုအတွင်း လူသိများလာတဲ့ တက်သစ်စအဖွဲ့တစ်ဖွဲ့ဖြစ်ပါတယ်။ သူတို့ရဲ့ ပွဲဦးထွက်သီချင်း Black Mamba ဟာ မျိုးဆက်သစ် မိန်းကလေး Kpop အဖွဲ့တွေထဲမှာ ကြည့်ရှုမှုနှုန်းအမြင့်ဆုံးရရှိခဲ့တဲ့သီချင်းဖြစ်ပါတယ်။

၈။ STAYC

Photo Source: STAYC_Official Twitter

Hanteo Charts ရဲ့မှတ်တမ်းတွေအရ STAYC အဖွဲ့ဟာ ပရိသတ်များစွာရဲ့အားပေးမှုနဲ့အတူ မျိုးဆက်သစ် အမျိုးသမီး Kpop Idol အဖွဲ့တွေထဲ Digital Score ဒုတိယအမြင့်ဆုံးရရှိထားတဲ့ အဖွဲ့တစ်ဖွဲ့ဖြစ်ပါတယ်။

Photo Source: Pinterest

By MyStyle Myanmar