အားလုံးပဲမင်္ဂလာပါနော်။ ရိုတယ်ဆိုရင် ကိုရီးယား ဒရမ်မာကို မမှီပါဘူး။ သူတို့ရိုတာကကျတော့ တစ်မျိုးပေါ့။
သူတို့ချစ်တာကို အပြုအမူလေးတွေနဲ့ဖော်ပြတတ်ကြတယ်။ ဥပမာ ဖိနပ်စီးပေးတာ။ ကုန်းပိုးပေးတာ စသဖြင့်ပေါ့လေ။
ဒီလို ရိုတဲ့ဇာတ်လမ်းလေးကိုမှ နှစ်သက်တဲ့သူတွေ မဖြစ်မနေကြည့်သင့်တဲ့ ဒရမ်မာဇာတ်လမ်းတွဲ (၅) ကားကို မျှဝေပေးချင်ပါတယ်။
၁။ Romance is a Bonus Book
ဒီဇာတ်လမ်းတွဲလေးက မမနဲ့ မောင်ဇာတ်လမ်းတွဲလေးနော်။ Lee Jong Suk ရဲ့ စစ်မှုမထမ်းခင် နောက်ဆုံးရိုက်တဲ့ဇာတ်လမ်းတွဲလေးလို့လည်းသိရပါတယ်။ ဒီကားထဲမှာ Lee Jong Suk က စာရေးဆရာ၊ လူငယ် အယ်ဒီတာချုပ်ဖြစ်ပြီး မင်းသမီး Lee Na Young ကတော့ အရင် က Copy Editor ဒါပေမယ့် အိမ်ထောင်ကျ ကလေးမွေးပြီး အလုပ်နဲ့ဝေးကွာသွားတဲ့နောက် အလုပ်မှာ ပြန်ခြေချဖို့ ရုန်းကန်ရတဲ့ အသက် ၃၇ နှစ်အရွယ်အမျိုးသမီးအဖြစ် သရုပ်ဆောင်ထားပါတယ်။
မမ Lee Na Young နဲ့ Lee Jong Suk တို့နှစ်ယောက်ဘယ်လိုတွေရိုကြမလဲဆိုတာ ကြည့်လိုက်ဦးနော်။
၂။ Touch Your Heart
Goblin ဇာတ်လမ်းတွဲထဲက အတွဲလေးဖြစ်တဲ့ Lee Dong Wook နဲ့ Yoon In Na တို့ရဲ့ ရိုမန့်တစ် ဒရမ်မာဇာတ်လမ်းတွဲအသစ်ပါ။ ဒီဇာတ်လမ်းထဲမှာ Yoon In Na က စန်းရှိတဲ့အနုပညာရှင်တစ်ယောက်၊ မူးယစ်ဆေးဝါးမှုတစ်ခုနဲ့ ရင်ဆိုင်ခဲ့ရပြီး နာမည်ကျသွားလို့ အနုပညာလောကထဲ Comeback လုပ်ဖို့ကြိုးစားနေတဲ့သူ။ Lee Dong Wook က အရမ်းတော်တဲ့ရှေ့နေတစ်ယောက်။ ကပ်သီးကပ်ဖဲ့နိုင်တဲ့ အာကျုရှီပေါ့။ သူတို့နှစ်ယောက် ဘယ်လိုတွေရိုကြမလဲ၊ အေးတိအေးစက်နဲ့ ရှေ့နေကြီးနှလုံးသားကို မင်းသမီးက ဘယ်လို လှုပ်ခတ်အောင်လုပ်နိုင်မလဲဆိုတာ ကြည့်ရမှာပါ။
၃။ Encounter Boyfriend
ပရိသတ်တွေသိပြီးသား လက်ခံအားပေးပြီးသား မင်းသမီး Song Hye Kyo နဲ့ Park Bo Gum တို့ရဲ့ သိပ်ကိုရိုတဲ့ကားလေးနော်။ မမနဲ့မောင်ဇာတ်လမ်းတွဲပါပဲ။ တည်ငြိမ်ရင့်ကျက်တဲ့ ဟိုတယ်ပိုင်ရှင်မမရဲ့ အသည်းနှလုံးကို ငယ်ငယ်ရွယ်ရွယ်နဲ့ ထက်မြက်တဲ့ ကောင်လေးက ဘယ်လိုညှို့ယူဖမ်းစားသွားမလဲဆိုတာ ကြည့်ရမှာပါ။
၄။ My Strange Hero
ရိုမန့်တစ် ဟာသကားလေးဖြစ်ပါတယ်နော်။ အားလုံးချစ်ကြတဲ့ မင်းသား Yoo Seung Ho နဲ့ Jo Bo Ah တို့ ပါဝင်ထားပါတယ်။ ဇာတ်လမ်းကိုတော့မပြောတော့ဘူးနော်။
၅။ Clean With Passion For Now
ဒါကတော့ ဦးဦးနဲ့ ကလေးလေး ကားလေးပေါ့။ တည်ငြိမ်ရင့်ကျက်ပြီး ဇီဇာသိပ်ကြောင်တဲ့ ကုမ္ဗဏီပိုင်ရှင် ဦးဦး Yoon Kyun Sang က အရမ်းအသန့်ကြိုက်တာနော်။
ကလေးသရုပ်ဆောင်ကတည်းက ပရိသတ်တွေအားပေးလာတဲ့ Kim Yoo Jung ရဲ့ ချစ်စရာအမူအယာ အလိုက်မသိမှုတွေနဲ့ ဇီဇာကြောင်တဲ့ဦးဦးရဲ့ အသည်းနှလုံးကို ဘယ်လိုဖမ်းစားမလဲဆိုတာ ကြည့်ရမှာပါ။ JTBC ရုပ်သံလိုင်းမှာ ပြသပြီးဖြစ်ပေမယ့် Netflix မှာလည်း ပြသဦးမှာပါ။
ဘယ်ကားလေးကိုအကြိုက်ဆုံးလဲ။ ဘယ်ဇာတ်လမ်းတွဲလေးတွေကို ကြည့်ပြီးပြီလဲဆိုတာ ပြောခဲ့ပါဦးနော်။
Photo: www.pinterest.com
By: MyStyle Myanmar
