မိမိရဲ့ နေထိုင်မှုပုံစံကြောင့် အသားအရေဟာ မွဲခြောက်ခြောက်နဲ့ အိုမင်းရင့်ရော်မှုကို အသက်နဲ့မလိုက် ကြုံတွေ့လာရတတ်ပါတယ်။ အစားအသောက်ကို ဂရုမစိုက်တာကြောင့်သော်လည်းကောင်း အနေအထိုင်အရ အမှားလုပ်မိတဲ့အခါတွေမှာသော်လည်းကောင်း ပစ်စလက်ခတ် နေထိုင်မှုတွေကြောင့် အသားအရေနဲ့ ပတ်သက်တဲ့ ဇာတ်လမ်းတွေက စတော့တာပါပဲ။ ဒီတော့ အသားအရေ ကျန်းမာစိုပြေနေဖို့ မလုပ်သင့်တဲ့အရာတွေကို မျှဝေပေးချင်ပါတယ်။

ကော်ဖီအလွန်အကျွံသောက်တာဟာ အသားအရေကို အိုမင်းရင့်ရော်စေပါတယ်။ ကော်ဖီကို လုံးဝမသောက်ရဘူးလို့တော့ ဆိုချင်တာမဟုတ်ပါဘူး။ တစ်ခါတစ်လေသောက်နိုင်ပါတယ်။ ကော်ဖီတွေ ဆိုဒါ ဖျော်ရည်တွေအစား ရေများများသောက်ပေးသင့်ပါတယ်။

အိပ်ယာမဝင်ခင်မှာအနည်းဆုံးတော့ တစ်နေကုန်လိမ်းထားတဲ့ မိတ်ကပ်ကိုဖျက်ပြီး မျက်နှာသစ်ပေးသင့်ပါတယ်။ များအားဖြင့်တော့ အိပ်ယာဝင်ခါနီးမှာ မျက်နှာသစ်ဖို့ မေ့လျှော့တတ်ကြပါတယ်။

၁၀ နာရီထက်နောက်ကျာ အိပ်ခြင်းဟာ အသားအရခြောက်သွေ့ပြီး ပင်ပန်းနွမ်းနယ်တဲ့ပုံဖြစ်စေပါတယ်။ အိပ်ရေးမဝတာက အသားအရေကို ဆိုးဆိုးရွားရွားပျက်ဆီးစေနိုင်ပါတယ်။

ရေနွေးနဲ့ ရေချိုးတာဟာ အသားရေကို မွဲခြောက်စေပါတယ် ဒါကြောင့် ရေချိုးပြီးရင်တော့ အသားအရေကို စိုပြေစေတဲ့ ခရင်မ်တွေ လိမ်းပေးသင့်ပါတယ်။

အပြင်ထွက်တဲ့အခါ UV ကာကွယ်ပေးတဲ့ ခရင်မ်တွေ မလိမ်းတာဟာ အသားအရေကို ဆိုးဆိုးရွားရွားပျက်ဆီးစေပါတယ်။ UV ကာကွယ်ပေးတဲ့ ခရင်မ်မပါဘဲ နေရောင်ထိတွေ့တာများရင် အရေပြားကင်ဆာထိဖြစ်နိုင်ပါတယ်။

အရက်သေစာ သောက်တာဟာ အရေပြားကို ညစ်ညမ်းစေရုံသာမကဘဲ အသားအရေကိုလည်း ပျက်ဆီးစေပါတယ်။

မျက်နှာကို တစ်နေ့ ခဏခဏသစ်တာ ဆပ်ပြာခဏခဏသုံးတာကလည်း အသားအရေကို ထိခိုက်စေပါတယ်။ အသန့်ကြိုက်တဲ့သူတွေမှာ အဖြစ်များပါတယ် အဲလိုမျက်နှာကို ခဏခဏသစ်တာဟာ အရေးကြောင်းတွေဖြစ်ပေါ်စေပါတယ်။

ဒီအချက်တွေအားလုံးကတော့ အသားအရေနဲ့ ဆိုင်တဲ့ သတိထားသင့်တဲ့ အခြေခံအချက်တွေပါပဲ။

Source: marieclaire.com