ခြေထောက်အနံ့ဆိုးနံတာကို မိနစ်ပိုင်းအတွင်း ပျောက်အောင်လုပ်ပေးနိုင်မယ့် နည်းလမ်း ၃ မျိုး

ခြေထောက်အနံ့ဆိုးနံတာ၊ အနံ့ဆိုးထွက်တာတွေက တစ်ခါတစ်လေမှာဖြစ်တတ်သလို၊ တချို့ဆိုရင် အမြဲလိုလိုနံနေတာမျိုးလည်း ရှိပါတယ်။ ခြေအိတ်တွေ၊ ဘွတ်ဖိနပ်တွေ အမြဲဝတ်တဲ့သူတွေမှာလည်း အနံ့ဆိုးထွက်တာမျိုး ဖြစ်တတ်ပါတယ်။ ဒီလို ခြေထောက်အနံ့ဆိုးနံတာကို မိနစ်ပိုင်းအတွင်းမှာ ပျောက်အောင်လုပ်ပေးနိုင်မယ့် သဘာဝနည်းလမ်း ၃ မျိုးကို မျှဝေပေးလိုက်ပါတယ်။

Green Tea

Green Tea အရွက်ကို ရေနွေးနဲ့ ပွက်ပွက်ဆူတဲ့အထိ ၁၅ မိနစ်လောက် တည်ထားပေးပါ။ ပွက်ပွက်ဆူလာရင် ခဏထားပြီး နွေးသွားပြီဆိုရင် ဇလုံတစ်ခုထဲထည့်ပြီး ခြေထောက်စိမ်ထားပေးပါ။ မိနစ် ၃၀ စိမ်ထားပေးရင်ရပါပြီ။ ဒီနည်းလမ်းကတော့ ခြေထောက်အနံ့ဆိုးနံတာကို ပျောက်စေပြီး ဘတ်တီးရီးယားတွေလည်း သေစေပါတယ်။

ရှာလကာရည်

ဇလုံထဲကို ရေနွေးထည့်ပြီး ရှာလကာရည် – စားပွဲတင်ဇွန်း ၂ ဇွန်းထည့်ပါ။ ပြီးရင်တော့ အဲ့ထဲကို မိနစ် ၃၀ လောက် ခြေထောက်စိမ်ပေးပါ။ ဒီနည်းလမ်းကလည်း ခြေထောက်အနံ့ဆိုးနံတာကို ပျောက်စေပြီး ခြေဖဝါး ခြောက်သွေ့အက်ကွဲတာကို သက်သာစေပါတယ်။ ဘတ်တီးရီးယားတွေလည်း သေစေပါတယ်။

သံပယိုရည်နဲ့မုန့်ဖုတ်ဆိုဒါ

ဇလုံထဲကို ရေနွေးထည့်ပြီး အဲ့ထဲကို သံပယိုရည် – စားပွဲတင်ဇွန်း ၂ ဇွန်းနဲ့ မုန့်ဖုတ်ဆိုဒါ – ခွက်ရဲ့လေးပုံ ပုံ တစ်ပုံစာတို့ကို ထည့်မွှေလိုက်ပါ။ ပြီးရင်တော့ ခြေထောက်စိမ်ထားပေးပါ။ ရေနွေးမအေးမချင်း စိမ်ထားလိုက်ပါ။ ဒီနည်းလမ်းကလည်း ခြေထောက်အနံ့ဆိုးထွက်တာကို ပျောက်စေပြီး ခြေဆီနံ့၊ ချွေးနံ့နံတာကို ပျောက်စေပါတယ်။ ဘတ်တီးရီးယားတွေလည်း သေစေပါတယ်။

Source:www.blushin.com