ခန္ဓာကိုယ်အချိုးအစားလှပမှုဆိုတာ အမျိုးသမီးတိုင်းရဲ့ အိပ်မက်တစ်ခုပါပဲ။ အဆီမရှိတဲ့ခန္ဓာကိုယ် ကျစ်လျစ်လှပတဲ့ ခန္ဓာကိုယ်အချိုးအစားကိုအမျိုးသမီးတိုင်း လိုချင်ကြပါတယ်။ ဒါပေမယ့် ဒီလိုခန္ဓာကိုယ် အချိုးအစား ကျစ်လျစ်လှပဖို့ဆိုတာကလည်း ပျင်းနေလို့မရပါဘူး။ နေ့ချင်းညချင်း ပြောင်းလဲသွားမှာလည်းမဟုတ်ပါဘူး။
အဓိကတော့ အစားအသောက် အနေအထိုင်ပါပဲ။ အစားအစာကို ဂရုစိုက်စားသုံးဖို့လိုပါတယ်။ လေ့ကျင့်ခန်းဘယ်လောက်လုပ်လုပ် အဆီတက်စေမယ့် အစားအစာတွေကိုပဲ နေ့တိုင်းစားပေးနေရင်တော့ သင့်ခန္ဓာကိုယ်က အဆီတွေ ကျတော့မှမဟုတ်ပါဘူး။ ဒါ့ကြောင့် အာဟာရဓာတ်ညီညွှတ်မျှတအောင်စားပါ။ အဆီလျှော့စားပါ။
၁။ Squat
တင်လေ့ကျင့်ခန်းလို့ပြောလိုက်ရင် မပါမဖြစ်ပါပဲ။ တင်သားသာမက ပေါင်တံက အဆီတွေကိုလည်း ကျစေပါတယ်။ လက်နှစ်ဖက်က အနောက်ပစ်ပြီးခေါင်းပေါ်တင်ထားတာဖြစ်ဖြစ်၊ အရှေ့ဖက်ထားတာဖြစ်ဖြစ်လုပ်လို့ရပါတယ်။ ပြီးရင် ခါးမတ် တင်ကော့ပြီး ထိုင်ချပါ။ အခုမှ စလုပ်ရင်တော့ အလေးတုံးတွေမပါဘဲလုပ်ပါ။ လုပ်တာအသားကျသွားရင် အလေးတုံးထည့်ပြီးလုပ်နိုင်ပါတယ်။ ၁၀ ကြိမ် ၄ ကြော့လုပ်ပေးရပါမယ်။
၂။ Sumo
Sumo ထိုင်တာကလည်း သင့်တင်နဲ့ ပေါင်အတွင်းပိုင်းက အဆီတွေကျစေပါတယ်။ ပေါင်နှစ်ဖက်ကို ဘေးအတန်ကားလိုက်ပါ။ပြီးရင် ခြေဖဝါးနှစ်ဖက်ကိုလည်း ဘေးနည်းနည်းထုတ်ပါ။ အဲဒီနောက် အခုပုံမှာပြထားသလိုထိုင်ချလိုက်ပါ။ စလုပ်တဲ့သူကတော့ အလေးတုံးမစရာမလိုပါဘူး။ ၁၀ ကြိမ် ၄ ကြော့ဖြစ်ပါတယ်။
၃။ Lunges
အရင်ဆုံး ခြေထောက်နှစ်ဖက်ကို နည်းနည်းဆီကားပြီး မတ်မတ်ရပ်ပါ။ ပြီးရင် ခြေထောက်တစ်ဖက်ကို အရှေ့ထုတ်လှမ်းလိုက်ပြီး ကျန်တစ်ဖက်ကို အလိုက်သင့် ကြမ်းပြင်နားထိ ညွန့်ပေးပါ။ ကြမ်းပြင်ကို မထိရပါဘူး။ ပြီးရင် နောက်တစ်ဖက်လုပ်ပါ။ ဘယ်ညာကိုမှ ၁ ကြိမ်လို့မှတ်ပါ။ ၁၀ ကြိမ် ၄ ကြော့ဖြစ်ပါတယ်။ နောက်ပိုင်း လုပ်တာအသားကျသွားရင် အလေးတုံးမပြီးလုပ်ပါ။
၄။ Cardio
Cardio လေ့ကျင့်ခန်းလုပ်ပေးရမှာဖြစ်ပါတယ်။ ဒါမှမဟုတ်ရင်လည်း ပြေးတာပဲဖြစ်ဖြစ် လုပ်ပေးနိုင်ပါတယ်။ မပြေးချင်ဘူးဆိုရင်လည်း အခုပုံမှာပြထားသလိုလုပ်ပေးပါ။ ဘယ်ဖက်ဒူးကိုမြောက် ညဖက်လက်နဲ့ထိပေးပါ။ ညဖက်ဒူးကိုမြောက် ဘယ်ဖက်လက်နဲ့ ထိပေးပါ။ ခပ်မြန်မြန်လေး ခုန်ပေးရပါမယ်။ ဘယ်ညာကို ၁ လို့မှတ်ပါ။ (၁၀) ကြိမ် ၄ ကြော့ဖြစ်ပါတယ်။
၅။ Step Ups
ခုံနည်းနည်းအမြင့်လေးတစ်ခုကို အရှေ့မှာချထားပါ။ အခုပြထားတဲ့ပုံကိုသေချာကြည့်ပါ။ ခြေထောက်တစ်ဖက်ကို အရင်တင် ကျန်တဲ့တစ်ဖက်လိုက်တင်ပါ။ ပြီးရင် ရင်တင်တဲ့ဖက်ကို ပြန်ချပြီး နောက်တစ်ဖက်ကို ချပေးရပါမယ်။ ခပ်မြန်မြန်လေးလုပ်ပေးပါ။ (၁၀) ကြိမ် ၄ ကြော့ဖြစ်ပါတယ်။
၆။ Bridge
အခုနောက်ဆုံးလုပ်ပေးရမှာကတော့ Bridge လေ့ကျင့်ခန်းပါ။ အရင်ဆုံး ဒူးနှစ်ဖက်ထောင်ပြီး လှဲနေပါ။ လက်နှစ်ဖက်ကို ကြမ်းပြင်ပေါ် မှောက်ချထားပါ။ ပြီးရင် တင်ကို အပေါ်ကြွလိုက်ပါ။ ၃ စက္ကန့်လောက်နေပြီး ပြန်ချပါ။ ၁၀ ကြိမ် ၄ ကြော့ဖြစ်ပါတယ်။
အခုဖော်ပြခဲ့တဲ့လေ့ကျင့်ခန်းအားလုံးကို လုပ်ပေးပါ။ ၂ ရက်လုပ် တစ်ရက်နားနိုင်ပါတယ်။ နားတဲ့ရက်မှာတော့ လမ်းလျှောက်တာ၊ ပြေးတာမျိုးလုပ်ပေးနိုင်ပါတယ်။
