နှုတ်ခမ်းနားမှာဝက်ခြံပေါက်တာကိုပျောက်အောင်လုပ်ပေးနိုင်မယ့်နည်းလမ်း ၄ မျိုး

ဝက်ခြံပေါက်တာက တစ်ခါတစ်လေကျရင် နှုတ်ခမ်းပေါ်မှာ၊ နှုတ်ခမ်းနားမှာ ပေါက်တာမျိုး ဖြစ်တတ်ပါတယ်။ နှုတ်ခမ်းနားမှာ ဝက်ခြံပေါက်ရတဲ့ အဓိကအကြောင်းအရင်းတွေကတော့ ချွေးပေါက်ပိတ်တာ၊ အဆီပိတ်တာနဲ့ ဘတ်တီးရီးယားကြောင့် ဖြစ်တာများပါတယ်။ ဒီလို နှုတ်ခမ်းနားမှာ ဝက်ခြံပေါက်တာကို ပျောက်အောင်လုပ်ပေးနိုင်မယ့် သဘာဝနည်းလမ်းတွေလည်းရှိတာကြောင့် လွယ်လွယ်ကူကူလုပ်လို့ရမယ့် နည်းလမ်း ၄ မျိုးကို ရွေးပြီးမျှဝေပေးလိုက်ပါတယ်။

သံပယိုရည်

သံပယိုရည် – စားပွဲတင်ဇွန်းတစ်ဇွန်းကို ပန်းကန်ထဲထည့်ပြီး ဂွမ်းလုံးလေးထည့်ပြီး ၂ မိနစ်စိမ်ထားလိုက်ပါ။ ပြီးရင် အဲ့ဒီစိမ်ထားတဲ့ဂွမ်းလုံးကိုယူပြီး ဝက်ခြံပေါ်ကို အုံထားပေးပါ။ ၁၀ မိနစ်အုံထားပြီးရင်တော့ ရေဆေးချလိုက်ပါ။ ဒီနည်းလမ်းကိုတော့ ဝက်ခြံမပျောက်မချင်း နေ့တိုင်းလုပ်ပေးပါ။

နနွင်း

နနွင်းမှုန့် – စားပွဲတင်ဇွန်းတစ်ဇွန်းကို ရေနဲ့ပျစ်ပျစ်လေးဖြစ်အောင် ရောမွှေလိုက်ပါ။ ပျစ်ပျစ်လေးဖြစ်သွားပြီဆိုရင်တော့ ဝက်ခြံပေါ်ကို အုံထားပြီး မိနစ် ၂၀ ထားပါ။ အချိန်ပြည့်ရင် ရေဆေးချလိုက်ရုံပါပဲ။ ဒီနည်းလမ်းကိုလုပ်မယ်ဆိုရင်တော့ တစ်ပတ်မှာ ၂ ကြိမ်လုပ်ပေးရင် ရပါပြီ။

ပျားရည်

ပျားရည်စစ်စစ်ကို ဝက်ခြံပေါ် များများအုံထားပေးပါ။ မိနစ် ၂၀ ထားပြီးရင် ရေဆေးချလိုက်ပါ။ ဒီနည်းလမ်းကိုလုပ်မယ်ဆိုရင် နေ့တိုင်းသာလုပ်ပေးပါ။ နှုတ်ခမ်းပေါ်မှာပေါက်တဲ့ဝက်ခြံတွေ မြန်မြန်ပျောက်သွားပါလိမ့်မယ်။

ခရမ်းချဉ်သီး

ခရမ်းချဉ်သီးကို တစ်ခြမ်းလှီးပြီး အဲ့ဒီတစ်ခြမ်းကိုပဲ ပျစ်ပျစ်လေးဖြစ်သွားအောင် ကြိတ်ချေပေးပါ။ ပြီးရင်တော့ အဲ့ဒါကို ဝက်ခြံပေါ်အုံပြီးတင်ထားပေးပါ။ မိနစ် ၂၀ ထားပြီးရင်တော့ ရေဆေးချလိုက်ပါ။ ဒီနည်းလမ်းကိုလုပ်မယ်ဆိုရင် နေ့တိုင်းလုပ်ပေးရပါမယ်။ Sensitive skin တွေလည်း စိတ်ချလက်ချလုပ်လို့ရပါတယ်။

source:www.stylesatlife.com