နာကျင်စရာတွေကိုမေ့ပစ်နိုင်ဖို့အတွက်ကူညီပေးမယ့်နည်းလမ်းများ

နာကျင်စရာရှိတဲ့သူတိုင်းက ကိုယ့်ရဲ့နာကျင်မှုတွေကို မေ့ပစ်ချင်ကြတယ်၊ အဆုံးသတ်ချင်ကြပါတယ်။ ဒါပေမယ့် မေ့ပစ်နိုင်ဖို့ခက်ခဲနေလို့ပဲ ပိုပြီးနာကျင်နေရတာပါ။ ဒါကြောင့်လည်း ကိုယ့်မှာရှိတဲ့ နာကျင်စရာတွေကို မေ့ပစ်နိုင်ဖို့အတွက် ကူညီပေးမယ့်နည်းလမ်းတွေကို မျှဝေပေးလိုက်ပါတယ်။

အမှတ်ရစရာရှိတာတွေကိုဖျက်စီးလိုက်ပါ

အမှတ်ရစရာတွေကို မြင်နေတွေ့နေရင် နာကျင်စရာတွေကိုလည်း အမြဲတမ်းမှတ်မိနေမှာပါ။ နာကျင်စရာတွေ၊ အမှတ်ရစရာတွေကို မေ့ပစ်နိုင်ဖို့ အရင်ဆုံးလုပ်ရမှာက အမှတ်ရစရာရှိတာတွေကို ဖျက်စီးပစ်ဖို့ပါပဲ။ သေးသေးလေးကအစ ဖျက်စီးပစ်ပါ။

Social Media ကနေ ခဏအနားယူပါ

စိတ်ညစ်နေတဲ့အချိန်တွေမှာ စိတ်ပိုညစ်စေတာ၊ စိတ်ရှုပ်စရာတွေပိုပေးနိုင်တာ Social Media ပါပဲ။ အရာအားလုံးကိုဖျက်စီးပစ်ပြီးရင်လည်း Social Media ကနေ ခဏအနားယူလိုက်ပါ။ မသုံးပဲနေပါ။ Social Media မသုံးပဲ အပျင်းပြေအောင်၊ အချိန်ကုန်အောင် စာဖတ်တာ၊ အားကစားလုပ်တာ၊ အပြင်သွားတာ၊ အလုပ်လုပ်တာ၊ အိမ်မှုကိစ္စလုပ်တာ၊ ရုပ်ရှင်ကြည့်တာတွေနဲ့ အချိန်ကုန်ဆုံးနိုင်ပါတယ်။

မအားအောင်နေပါ

အားနေရင် တွေးနေမိမှာပါ။ တွေးနေမိသမျှကတော့ နာကျင်စရာတွေကို မမေ့နိုင်ဖြစ်နေမှာပါပဲ။ ဒါကြောင့် တွေးနေဖို့အချိန်မရှိအောင်ကို မအားအောင်နေပါ။ အလုပ်များအောင်နေပါ။ တစ်ခုပြီးတစ်ခုသာလုပ်နေပါ။

ခရီးထွက်လိုက်ပါ

စိတ်ညစ်နွမ်းနေတာတွေပျောက်ဖို့ ခရီးထွွက်လိုက်တာ အကောင်းဆုံးပါ။ နာကျင်စရာတွေရှိနေရင်လည်း စိတ်ပြေလက်ပျောက် ခရီးထွက်လိုက်ရင် တစ်ဝက်လောက် သက်သာသွားစေပါတယ်။ ဒါကြောင့် ခရီးထွက်ဖို့လည်း မမေ့ပါနဲ့။