လူငယ်ကောင်မလေးတွေကိုယ်တိုင်လိုက်ဝတ်လို့ရတဲ့ ITZY အဖွဲ့ဝင် Ryujin ရဲ့ ဖက်ရှင်များ

ITZY အဖွဲ့ဝင် Ryujin ကိုကြိုက်တဲ့ ကောင်မလေးတွေနဲ့ လူငယ်ကောင်မလေးတွေအတွက် ဖက်ရှင်အိုင်ဒီယာယူပြီး ကိုယ်တိုင်လိုက်ဝတ်လို့ရနိုင်တဲ့ Ryujin ရဲ့ ဖက်ရှင်တချို့ကို ရွေးပြီးဖော်ပြပေးလိုက်ပါတယ်။

ဂျင်းဘောင်းဘီကိုမှ ခေါင်းလောင်းဘောင်းဘီလေးကိုဝတ်ပြီး sneakers အဖြူလေးစီးရင် အရမ်းချစ်ဖို့ကောင်းပါတယ်။ ဒီမှာတော့ Ryujin က တီရှပ်အဖြူလေးနဲ့တွဲဝတ်ပြီး ဂျင်းကုတ်လေးထပ်ဝတ်ထားပါတယ်။ အေးတဲ့နေရာဒေသကိုသွားတဲ့အခါမျိုးမှာဆို အရမ်းလိုက်ဖက်တဲ့ဖက်ရှင်လေးပါ။

Ryujin ရဲ့ ဒီဖက်ရှင်လေးဆိုရင် အဖြူဝမ်းဆက်လေးနဲ့ jacket အစိမ်းနုရောင်လေးထပ်ဝတ်ထားတော့ အရောင်လွင်လွင်လေးနဲ့ အရမ်းချစ်ဖို့ကောင်းတဲ့ ဖက်ရှင်လေးပါ။ လူငယ်ကောင်မလေးတွေနဲ့ အရမ်းလိုက်ပါတယ်။

Ryujin ဝတ်ထားတဲ့ ဒီဖက်ရှင်လေးဆိုရင် လုံးဝကို freestyle ပါပဲ။ oversized tee ကို သက်တောင့်သက်သာဖြစ်စေတဲ့ pants လေးနဲ့ တွဲဝတ်ထားတာ ရိုးရိုးလေးနဲ့ကို မိုက်ပါတယ်။

ဒီဖက်ရှင်လေးဆိုလည်း ဂျင်းဘောင်းဘီအပွကို လတ်ပြတ်လေးနဲ့ ရိုးရိုးလေးတွဲဝတ်ထားတာပါ။ လူငယ်ကောင်မလေးတွေနဲ့လည်း လိုက်ဖက်သလို၊ သက်တောင့်သက်သာလည်း ဖြစ်စေမယ့်ဖက်ရှင်ပါပဲ။

Ryujin ရဲ့ ဒီဖက်ရှင်ဆိုရင် oversized tee ကို အောက်ကနေ ဘောင်းဘီတိုအကျပ်လေးနဲ့ ဖင်ဖုံးအောင် တွဲဝတ်ထားပြီး အပေါ်ကနေ ဂျင်းစကပ်ကို ထပ်စွတ်ထားတာ အရမ်းမိုက်ပါတယ်။ ဘယ်သူနဲ့မှမတူတဲ့ ဖက်ရှင်အဆန်းပါပဲ။

Ryujin ရဲ့ stage ပေါ်က ဒီဖက်ရှင်လေးဆိုရင်လည်း လူငယ်ကောင်မလေးတွေ လိုက်ဝတ်လို့ရပါတယ်။ စကပ်အကွက်လေးကို ချစ်ဖို့ကောင်းတဲ့ တီရှပ်အဖြူလေးနဲ့သာ တွဲဝတ်လိုက်ပါ။

အနက်ရောင် ဘောင်းဘီအရှည်လေးတွေကိုဝတ်ရင် Ryujin လို crop top အစင်းလေးနဲ့တွဲဝတ်ပြီး ဂျင်းကုတ်လေးသာ ထပ်ဝတ်ပါ။ ဖက်ရှင်လည်းကျပြီး ချစ်ဖို့ကောင်းသလို၊ လူငယ်လည်းဆန်ပါတယ်။

ဒီဖက်ရှင်လေးမှာဆိုရင်လည်း ဝတ်ထားတာ ရိုးရိုးလေးပါပဲ။ တီရှပ်အဖြူဗြောင်လေးကို ဘောင်းဘီတိုအနက်ရောင်လေးနဲ့ တွဲဝတ်ပြီး ဂျာကင်အပွကြီးထပ်ဝတ်လိုက်တာကြောင့် ပိုပြီးလူငယ်ဆန်သွားစေပါတယ်။