Social Media သုံးမှ စိတ်ပျော်ရတယ်၊ အပျင်းပြေစေတယ်လို့ သတ်မှတ်ထားတဲ့သူတွေ အများကြီးပါ။ တကယ်တော့ Social Media ကို ကောင်းကောင်းအသုံးချတတ်ရင် ကိုယ့်အတွက် အကျိုးရှိစေပါတယ်။ ပျော်ရွှင်မှုလည်း ရစေမှာပါ။ ကောင်းကောင်းအသုံးမချတတ်ရင်တော့ Social Media သုံးရတာက အပျင်းပြေစေပေမယ့် စိတ်ပင်ပန်းရတာမျိုးတေကို ခံစားရလာပါလိမ့်မယ်။ ဒါကြောင့် Social Media မသုံးပဲနဲ့လည်း သင့်စိတ်ကို ပျော်ရွှင်မှုကိုရစေမယ့်အရာတွေကို ပြောပြပေးလိုက်ပါတယ်။ Social Media သုံးရတာ စိတ်ပင်ပန်းစေတယ်လို့ ခံစားရလာတဲ့အခါမှာ ဆက်မသုံးတော့ပဲ ဒီအရာလေးတွေကို လုပ်ကြည့်လိုက်ပါ။
စာအုပ်ဖတ်ပါ
Social Media မသုံးတော့ပဲနေတဲ့အချိန်တွေမှာ စာအုပ်ဖတ်လိုက်ပါ။ ကိုယ်ဖတ်ချင်တဲ့စာအုပ်တွေလည်း တစ်အုပ်ပြီးတစ်အုပ်ဖတ်၊ ဘဝအတွက်အကျိုးရှိစေမယ့်၊ စိတ်ခွန်အားဖြစ်စေမယ့် စာအုပ်တွေလည်း များများဖတ်ပါ။ အနည်းဆုံး တစ်နေ့ကိုတစ်အုပ်တော့ ပြီးအောင်ဖတ်ကြည့်ပါ။
အပင်စိုက်ပါ
အားနေတဲ့အချိန်လေးတွေမှာ အပင်စိုက်တာမျိုးလုပ်ပါ။ ကိုယ်စိုက်ထားတဲ့အပင်လေးတွေ ကြီးလာတဲ့အခါ၊ ပန်းလေးတွေပွင့်လာတဲ့အခါမှာ စိတ်ပျော်ရွှင်ကြည်နူးမှု အပြည့်အဝရစေပါတယ်။
ကိုယ်ဝါသနာပါတာကိုလုပ်ပါ
Social Media မသုံးတော့ ပျင်းစရာကောင်းတယ်၊ လုပ်စရာမရှိဘူး၊ ဘာလုပ်ရမှန်းမသိဘူးဆိုပြီး ထင်နေတဲ့သူတွေက ပိုများပါတယ်။ တကယ်တော့ Social Media မသုံးပဲနေရင် ကိုယ်ဝါသနာပါတာတွေကိုတောင် အချိန်ပေးပြီး လုပ်လို့ရပါသေးတယ်။ ကိုယ်ဝါသနာပါတာတွေကို ဖြစ်မြောက်အောင် သေချာအာရုံစိုက်ပြီး လုပ်ကြည့်ပါ။
ရုပ်ရှင်ကြည့်ပါ
Social Media မသုံးရင် ပျင်းနေရတယ်၊ လုပ်စရာမရှိဘူးလို့ထင်နေရင် ရုပ်ရှင်ကြည့်ပါ။ ရုပ်ရှင်ကြည့်ပြီး အနည်းဆုံး အချိန် ၂ နာရီလောက်တော့ ကုန်သွားပါလိမ့်မယ်။
လေ့ကျင့်ခန်းလုပ်ပါ
Social Media မသုံးရင် အချိန်တွေက ပိုနေပါတယ်။ ဒီလိုအချိန်မှာ မနက်ပိုင်းပဲဖြစ်ဖြစ်၊ ညနေပိုင်းပဲဖြစ်ဖြစ် လေ့ကျင့်ခန်းလုပ်ပါ။ လေ့ကျင့်ခန်းလုပ်ပေးခြင်းက စိတ်ရောကိုယ်ပါ ကျန်းမာစေသလို ခန္ဓာကိုယ်အချိုးအစားလည်း ပိုလှလာစေပါတယ်။
အပြင်သွားပါ
Social Media မသုံးပဲ အချိန်တွေပိုနေတယ်။ ပျင်းနေတယ်ဆိုရင် အပြင်သွားပါ။ သူငယ်ချင်းတွေနဲ့ တွေ့ပါ။ အပြင်သွားပြီး မုန့်စားတာ၊ အပန်းဖြေတာမျိုး လုပ်လို့ရပါတယ်။ နောက်ဆုံး ဘယ်မှမသွားဘူးဆိုရင်တောင် အိမ်မှာပဲ အိမ်အလုပ်တွေလုပ်တာမျိုးနဲ့ အချိန်ကုန်လို့ရပါတယ်။
အပေါ်မှာပြောသွားတဲ့အရာတွေကိုသာ နေ့စဉ် ကိုယ်လုပ်ဆောင်ရမယ့်အရာတွေအဖြစ်နဲ့ သတ်မှတ်ပြီး လုပ်သွားမယ်ဆိုရင် အချိန်တွေ အရမ်းပိုနေတာမျိုးလည်း ရှိတော့မှာမဟုတ်သလို Social Media မသုံးလို့ လုပ်စရာမရှိဘူး၊ ပျင်းစရာကောင်းတယ်ဆိုတဲ့အတွေးလည်း ရှိတော့မှာမဟုတ်ပါဘူး။
photo source:www.freepik.com
