ကမ္ဘာတစ်ဝှမ်းမှာ လွှမ်းမိုးနေတဲ့ တောင်ကိုရီးယား ကေပေါ့အမျိုးသမီးအဖွဲ့တွေထဲမှာ မိန်းကလေး လေးယောက်နဲ့ဖွဲ့စည်းထားတဲ့ MAMAMOO ဆိုတဲ့ အဖွဲ့ကို ကေပေါ့ပရိတ်သတ်အများစု သိကြပြီးသားဖြစ်မှာပါ။ လေးယောက်လုံးမှာ မတူညီတဲ့ သီဆိုဟန်တွေကိုယ်စီနဲ့ အောင်မြင်ကျော်ကြားမှုကို ရယူထားတဲ့ ဒီအဖွဲ့ထဲက အငယ်ဆုံး Hwasa ရဲ့ အကြောင်းလေးကို စုစည်းဖော်ပြပေးသွားမှာဖြစ်ပါတယ်။
Hwasa ရဲ့ နာမည်အရင်းကတော့ Ahn Hye Jin လို့ခေါ်ပြီး ၁၉၉၅ ခုနှစ် ဇူလိုင် ၂၃ ကတော့ သူမရဲ့မွေးနေ့ဖြစ်ပါတယ်။ ငါးပေသုံးလက်မ အရပ်ရှိပြီး သွေးအမျိုးအစားကတော့ အေ သွေးပိုင်ရှင်ပါ။
တောင်ကိုရီးယားနိုင်ငံ Jeonju, Jeollabuk-do မှာ မွေးဖွားခဲ့ပြီး သူမရဲ့အထက်မှာ အစ်မနှစ်ယောက်ရှိပါတယ်။ Wonkwang Information Arts အထက်တန်းကျောင်းသူဖြစ်ပြီး အဖွဲ့ဝင် Wheein နဲ့ အလယ်တန်းကျောင်းမှာကတည်းက သိကျွမ်းခဲ့ကြပါတယ်။ တချိန်ကနာမည်ကြီးခဲ့တဲ့ 4Minute အဖွဲ့အတွက်လည်း Guide Vocals အဖြစ် သီဆိုပေးခဲ့ဖူးပါသေးတယ်။
ဟင်းချက်ရတာကို ဝါသနာပါသလို Jazz တေးသီချင်းတွေကို နားထောင်ရတာ နှစ်သက်ပြီး သူမကြိုက်နှစ်သက်တဲ့ အဆိုတော်ကတော့ ကမ္ဘာကျော် Rihanna ဖြစ်ပါတယ်။ “I Live Alone” ဆိုတဲ့ အစီအစဥ်မှာ ဧည့်သည်အနေနဲ့ ၄ ကြိမ်ပါဝင်ခဲ့ဖူးပြီး သူမရဲ့ ပထမဆုံး တစ်ကိုယ်တော်သီချင်းဖြစ်တဲ့ TWIT ကို ၂၀၁၉ ခုနှစ် ဖေဖော်ဝါရီ ၁၃ ရက်နေ့မှာ ထုတ်လွှင့်ခဲ့ပါတယ်။
နာမည်ကြီးအဆိုတော်များဖြစ်တဲ့ Lee Hyo Ri, Uhm Jung Hwa, Jessi တို့နဲ့အတူလည်း Refund Sisters ဆိုပြီး သီချင်းအတူသီဆိုခဲ့သေးတဲ့ Hwasa ဟာ ဝတ်စားဆင်ယင်မှာလည်း သူမတူအောင် ထူးခြားလှတဲ့အတွက် သူမရဲ့ပရိတ်သတ်များအတွက် စုစည်းဖော်ပြပေးလိုက်ရပါတယ်။
Image Source: Pinterest
