ကိုယ်ဝန်ဆောင်မိခင်များအတွက်နာကျင်ကိုက်ခဲတာတွေသက်သာစေတဲ့ယောဂကျင့်စဉ် ၄ မျိုး

ကိုယ်ဝန်ဆောင်နေစဉ်မှာ ခါးနာတာ၊ ခါးကိုက်တာ၊ ခြေလက်တွေကိုက်ခဲတာမျိုး ဖြစ်လေ့ရှိပါတယ်။ ဒီလိုအချိန်မှာ ခါး၊ တင်ပဆုံရိုး၊ ကြွက်သား၊ နောက်ကျော၊ ခြေလက်တွေ နာကျင်ကိုက်ခဲတာသက်သာပြီး Relax ဖြစ်နေဖို့ လိုပါတယ်။ ဒါကြောင့်လည်း ကိုယ်ဝန်ဆောင်မိခင်များအတွက် နာကျင်ကိုက်ခဲတာတွေ သက်သာစေမယ့် ယောဂကျင့်စဉ် ၄ မျိုးကို မျှဝေပေးလိုက်ပါတယ်။ အန္တရာယ်မဖြစ်စေတဲ့ ယောဂကျင့်စဉ်တွေဖြစ်တာကြောင့် စိတ်ပူစရာမလိုပါဘူး။ စိတ်ချလက်ချလုပ်လို့ရပါတယ်။

Standing mountain pose

ပုံမှာပြထားတဲ့အတိုင်း ခန္ဓာကိုယ်ကို မတ်မတ်ရပ်ပြီး လက်ဖဝါးနှစ်ဖက်ကိုစုထားပါ။ ခေါင်းကိုတည့်တည့်မတ်မတ်ထားပြီး မျက်စိမှိတ်ပါ။ အသက်ကို နှာခေါင်းကနေ ခပ်ပြင်းပြင်းလေးရှူသွင်းပြီး ပါးစပ်ကနေ ဖြေးဖြေးချင်းစီ လေပြန်ထုတ်တာမျိုး လုပ်ပေးပါ။ ဒီယောဂကျင့်စဉ်က ပခုံးကြောတွေ၊ ဒူးခေါင်းတွေ နာကျင်ကိုက်ခဲတာကို သက်သာစေပြီး Relax ဖြစ်စေပါတယ်။

Warrior II pose

ပုံမှာပြထားတဲ့အတိုင်း ခြေထောက်တစ်ဖက်ကိုကွေးပြီး နောက်ခြေထောက်တစ်ဖက်က အနောက်ကိုဆန့်ထုတ်ပါ။ လက်နှစ်ဖက်ကို ဆန့်ထုတ်ထားပြီး စက္ကန့် ၂၀ လောက်နေပေးပါ။ ဒီယောဂကျင့်စဉ်ကျတော့ ခြေထောက်ညောင်းကိုက်တာကို သက်သာစေပြီး တင်ပဆုံရိုးနာတာ၊ ခါးနာတာ၊ ခါးကိုက်တာကို သက်သာစေပါတယ်။

Child’s pose

ပုံမှာပြထားတဲ့အတိုင်း Child’s pose အနေအထားနဲ့ ၁၀ စက္ကန့် နေပြီး ခန္ဓာကိုယ်ပြန်မတ်ပါ။ ပြီးရင် လက်ကိုဆန့်ထုတ်ပြီး Child’s pose ပြန်လုပ်ပါ။ အဲ့လို လက်ဆန့်ထုတ်ပြီးနေတဲ့အချိန်မှာ အသက်ကိုပြင်းပြင်းရှိုုက်ရှူပါ။ နဖူးက ကြမ်းပြင်နဲ့ထိနေရပါမယ်။ ဒီယောဂကျင့်စဉ်ကတော့ နောက်ကျောနာတာ၊ ခါးနာတာ၊ တင်ပဆုံရိုးနာတာကို သက်သာစေပါတယ်။

Tree pose

ပုံမှာပြထားတဲ့ Tree pose အတိုင်း ခြေထောက်တစ်ဖက်နဲ့ထောက်ပြီး နောက်တစ်ဖက်ကိုကွေးပြီး လက်ဖဝါးနှစ်ဖက်ကိုစုထားပါ။ အဲ့အတိုင်း ကိုယ်နေနိုင်သလောက် ဘယ်၊ ညာ ပြောင်းလုပ်ပေးပါ။ ဒီယောဂကျင့်စဉ်ကတော့ ခန္ဓာကိုယ်ကို Relax ဖြစ်စေပါတယ်။

source:www.brightside.me