Kpop Fan တွေ အားလုံး Debut မလုပ်ခင် ဘာတွေ လုပ်လဲဆိုတဲ့ အဆင့်ဆင့်တွေကို သိပြီး ဖြစ်မှာပါ။ Idol တွေဟာ ပွဲဦးမထွက်ခင် သူတို့ရဲ့ အရည်အချင်းတွေကို အကောင်းဆုံး ဖြစ်အောင် ပြင်ဆင်ကြရပါတယ်။ Training အပြင် တချို့ Idol တွေကတော့ Debut မလုပ်ခင် Backup Dancer အနေနဲ့တောင် ပါဝင်ခဲ့ဖူးကြပါတယ်။ ဘယ်သူတွေလဲ ကြည့်လိုက်ရအောင်နော်-
၁။ Stray Kids’ Lee Know
JYP မှာ Trainee မဖြစ်ခင် Lee Know က BTS အဖွဲ့ရဲ့ Backup Dancer အနေနဲ့ ပါဝင်ခဲ့ပါတယ်။ BTS အဖွဲ့ရဲ့ Tour တွေမှာတောင် ပါဝင်ခဲ့ပါသေးတယ်။
၂။ MONSTA X’s Shownu
MONSTA X’ အဖွဲ့ဝင် Shownu ကိုတော့ သူ့ရဲ့ အကစွမ်းရည်တွေကြောင့် လူသိများကြပါတယ်။ MONSTA X အဖွဲ့ရဲ့ Leader မဖြစ်ခင် Shownu က Lee Hyori ရဲ့ Backup Dancer အနေနဲ့ ပါဝင်ခဲ့ပါတယ်။ Dancer အနေနဲ့ ပါဝင်ခဲ့တဲ့ အချိန်မှာတောင် တချို့ Fan တွေရဲ့ အာရုံစိုက်မှုကို ရရှိခဲ့သူပါ။
၃။ Kang Daniel
Kang Daniel က Produce 101 အစီအစဉ်မှာ မယုံနိုင်လောက်အောင် တော်တဲ့ အကစွမ်းရည်ကြောင့် ပရိတ်သတ်တွေရဲ့ ချီးကျူးမှုကို ရရှိထားသူဖြစ်ပါတယ်။ သူဟာ ဒီ Program မှာ မပါခင်တည်းက FIESTAR’s Cao Lu နဲ့ SPICA’s Sihyun တို့ရဲ့ Backup Dancer အနေနဲ့ ကခဲ့ပါသေးတယ်။
၄။ IZ*ONE’s Eunbi
IZ*ONE’ အဖွဲ့ရဲ့ ခေါင်းဆောင် Eunbi ဟာ Debut မလုပ်ခင်တည်းက Girl’s Day အဖွဲ့ရဲ့ Backup Dancer အနေနဲ့ ပါဝင်ခဲ့ပါတယ်။ အကသမား Eunbi ရဲ့ အိပ်မက်က အဆိုတော် တစ်ဦး လို့ ပြောခဲ့ပါသေးတယ်။
၅။ ENHYPEN’s Ni-Ki
Ni-Ki က အသက် ၁၁ နှစ်/ ၁၂ နှစ်အရွယ်တည်းက SHINee အဖွဲ့ရဲ့ Backup Dancer တစ်ဦး ဖြစ်ခဲ့သူပါ။ ငယ်ငယ်လေးကတည်းက ဒီလို အခွင့်အရေး ရခဲ့တယ်ဆိုမှတော့ အကစွမ်းရည်က အင်မတန် တော်လွန်းလို့ ဆိုတာ သိသာပါတယ်။
၆။ EXO’s Lay
Lay က SHINee အဖွဲ့ဝင် Jonghyun မကနိုင်တဲ့ ပွဲတစ်ခုမှာ အစား ပါဝင် ကခဲ့ရတာပါ။ သင်သိတဲ့အတိုင်း SHINee ရဲ့ ကကွက်တွေက ခက်လွန်းပါတယ်။ ဒါကို Lay က ကနိုင်တယ်ဆိုတော့ အကစွမ်းရည်က ပြောစရာမလိုတော့ပါဘူး။
၇။ BTS
BTS အဖွဲ့က အဆိုသာမက အကမှာပါ ကမ္ဘာအနှံ့ ပရိတ်သတ်တွေရဲ့ ချီးကျူးမှု ကို ရရှိထားတဲ့ အဖွဲ့ပါ။ အဖွဲ့ဝင် တစ်ဦးချင်းဆီ တိုင်းရဲ့ အကစွမ်းရည်က အပြစ်ပြောစရာ မရှိအောင် ပြည့်စုံပါတယ်။ အဖွဲ့ဝင် အားလုံးနီးပါးက Debut မလုပ်ခင် Backup Dancer စ လုပ်ခဲ့တာပါ။ J-Hope နဲ့ Jungkook က Jo Kwon ရဲ့ Live performances မှာ ပါဝင်ခဲ့သလို Jimin, Suga, J-Hope နဲ့ Jungkook က GLAM အဖွဲ့ရဲ့ Backup Dancer တွေ ဖြစ်ခဲ့ပါတယ်။
Source: Allkpop
By MyStyle Myanmar
