ချွေးအရမ်းထွက်ရင် မိတ်ကပ်သားကွက်ပြီး ပျက်ကုန်လို့ မိတ်ကပ်သားကြာရှည်မခံပါဘူး။ ဒါကြောင့် ချွေးထွက်သန်တဲ့သူတွေနဲ့ မျက်နှာအရမ်းအဆီပြန်တဲ့သူတွေက မိတ်ကပ်လိမ်းတော့မယ်ဆိုရင် foundation ကို သေချာရွေးရပါတယ်။ ဒီလို ချွေးအရမ်းထွက်လည်း မိတ်ကပ်မပျက်ချင်တဲ့သူတွေအတွက် မိတ်ကပ်သားကြာရှည်ခံစေတဲ့ အကောင်းဆုံး sweat proof foundation (၅) မျိုးကို မျှဝေပေးလိုက်ပါတယ်။

Charlotte Tilbury Magic Foundation

Best Overall ဖြစ်တဲ့ foundation ဆိုရင်တော့ “Charlotte Tilbury Magic Foundation” ပါပဲ။ သူက ပမာဏနည်းနည်းလေးယူလိမ်းရုံနဲ့တင် အဆင်ပြေပါတယ်။ မိတ်ကပ်သားကြာရှည်ခံပြီး ချွေးထွက်လို့၊ အဆီပြန်လို့ မိတ်ကပ်ကွက်တာ၊ ပျက်တာမျိုးလည်း မရှိပါဘူး။

Rimmel Stay Matte Liquid Mousse Foundation

Best Budget ဖြစ်ပြီး ကောင်းလည်းကောင်းတဲ့ foundation ဆိုရင်တော့ “Rimmel Stay Matte Liquid Mousse Foundation” ကို ရွေးပါ။ သူက မိတ်ကပ်သား တော်တော်ကြာကြာခံတဲ့အတွက် ချွေးထွက်လို့ မိတ်ကပ်ပျက်တာမျိုး ဖြစ်မှာမဟုတ်ပါဘူး။ စျေးနည်းသလောက် သုံးရတာလည်း အရမ်းကောင်းပါတယ်။

Estée Lauder Double Wear Stay-in-Place Makeup

ချွေးအရမ်းထွက်တဲ့သူတွေ၊ အဆီအရမ်းပြန်တဲ့သူတွေအတွက် မိတ်ကပ်သားသိပ်သိပ်လေးနဲ့ အရမ်းလှပြီး မိတ်ကပ်သားလည်းကြာရှည်ခံတာကတော့ “Estée Lauder Double Wear Stay-in-Place Makeup” ပါ။ သူက Best for Oily Skin အဖြစ်နဲ့ သတ်မှတ်ခြင်းခံထားရတာဆိုတော့ မိတ်ကပ်သားကွက်မှာကိုလည်း စိတ်ပူစရာမလိုပါဘူး။ coverage လည်းအပြည့်ပေးနိုင်ပြီး အဆီပြန်ဝက်ခြံသမားတွေတောင် သုံးလို့ရပါတယ်။ အမြဲတမ်းလည်း 5 stars အပေးခံတဲ့ foundation ပါ။

MAC Pro Longwear Nourishing Waterproof Foundation

ချွေးအရမ်းထွက်တဲ့သူတွေ၊ အဆီအရမ်းပြန်တဲ့သူတွေအနေနဲ့ မိတ်ကပ်သားအရမ်းကြာကြာခံပြီး အကောင်းစားမျိုးမှသုံးချင်တယ်၊ ရေစိုခံတာမျိုးလည်းလိုချင်တယ်ဆိုရင်တော့ Best Waterproof ဖြစ်တဲ့ “MAC Pro Longwear Nourishing Waterproof Foundation” ကိုသာရွေးချယ်ပါ။ full coverage ပေးနိုင်ပြီး waterproof လည်းဖြစ်တော့ မိတ်ကပ်သားကွက်မှာ၊ ပျက်မှာကို လုံးဝစိုးရိမ်စရာမလိုပါဘူး။

Armani Beauty Power Fabric Foundation SPF 25

မိတ်ကပ်သားကြာရှည်ခံပြီး SPF လည်းပါတဲ့ foundation ဆိုရင်တော့ ချွေးအရမ်းထွက်တဲ့သူ၊ အဆီအရမ်းပြန်တဲ့သူတွေအတွက် “Armani Beauty Power Fabric Foundation SPF 25” ရှိပါတယ်။ သူကတော့ Best Long-Wearing ဖြစ်လို့ မိတ်ကပ်သားကြာရှည်ခံပါတယ်။ ဒါ့အပြင် SPF25 ပါလို့ နေအရမ်းမပူတဲ့နေ့တွေမှာ Sunscreen သီးသန့်မလိမ်းချင်လည်း အဆင်ပြေပါတယ်။

source:www.byrdie.com