Everyday Makeup Look ဆိုတာက နေ့စဉ် ကိုယ်လိမ်းနေကျ ပုံစံဖြစ်ပြီး ပေါ့ပေါ့ပါးပါးနဲ့ Natural Makeup Look ဆိုလည်း မမှားပါဘူး။ မိတ်ကပ်လိမ်းထားတဲ့ မိန်းကလေး တစ်ယောက်က ကိုယ့်ကိုကိုယ် ယုံကြည်မှု ပိုရှိပါတယ်။ ဘယ်နေရာသွားသွား မိတ်ကပ်လိမ်းထားမယ်ဆိုရင် အဆင်သင့် သွားလိုက်ရုံပါပဲ။ တကယ်လို့ သင်က သဘာဝဆန်ဆန် မိတ်ကပ်ကို နေ့တိုင်း လိုလိုလိမ်းချင်တယ်ဆိုရင်တော့ ဒီအလှကုန်တွေကို ဆောင်ထားဖို့ လိုအပ်ပါတယ်။

၁။ ဖောင်ဒေးရှင်း

Everyday Makeup Look အတွက် မဖြစ်မနေ လိုအပ်တာကတော့ ဖောင်ဒေးရှင်း မိတ်ကပ်ပါ။ Moisturizer ကိုလည်း Tinted Moisturizer သုံးသင့်ပါတယ်။ ဖောင်ဒေးရှင်း ရွေးတဲ့အခါ ကိုယ့်အသားအရောင်နဲ့ ကိုက်ညီတဲ့ အရောင်ကို ရွေးချယ်တတ်ဖို့ အရေးကြီးပါတယ်။ တကယ်လို့ သင်က မရွေးတတ်ဘူးဆိုရင် အလှကုန်ဆိုင်ရဲ့ ကျွမ်းကျင်သူတွေနဲ့ တိုင်ပင်ပြီး ဝယ်သင့်ပါတယ်။

၂။ Eyeliner

Liquid Eyeliner ကတော့ တခြား Eyeliner တွေထက် ပြတ်သားတဲ့ ပုံစံကို ပေးပါတယ်။ တကယ်လို့ Pencil Eyeliner သုံးမယ်ဆိုရင်လည်း ချွန်ထက် နေဖို့ လိုအပ်ပါတယ်။ နေ့ဘက် Eyeliner သုံးမယ်ဆိုရင် အညိုရောင် Eyeliner ကို သုံးသင့်ပြီး အနက်ရောင်ကိုတော့ ညဘက် Makeup Look မှာ သုံးသင့်ပါတယ်။

၃။ Mascara

မျက်တောင်ကော့ဆေးကိုတော့ ဘယ်နေရာသွားသွား မဖြစ်မနေ ဆောင်သွားသင့်ပါတယ်။ Mascara က သင့်မျက်လုံး ကို ပိုကြီးတယ်လို့ ထင်ရစေပြီး သင့်အလှကို ပံ့ပိုးပေးပါတယ်။ Mascara ကောင်းကောင်း ရွေးနိုင်ဖို့က ကိုယ်နဲ့ အဆင်ပြေမယ့် Brand သုံးလေးမျိုးကို စမ်းသုံးကြည့်ရင်းနဲ့ တဖြည်းဖြည်း သိလာပါလိမ့်မယ်။

၄။ Nude ရောင် နှုတ်ခမ်းနီ

Nude ရောင် နှုတ်ခမ်းနီက နေ့စဉ် Everyday Makeup အတွက် လိုအပ်ပါတယ်။ နှုတ်ခမ်းနီကို ကြာရှည် ခံချင်တယ်ဆိုရင် နှုတ်ခမ်းပြင်ပကနေ Lip Liner နဲ့ ပုံဖော်ပေးသင့်ပါတယ်။

၅။ အနီရောင် နှုတ်ခမ်းနီ

Nude Color အပြင် အနီရောင် နှုတ်ခမ်းနီကိုလည်း လိုအပ်ပါတယ်။ အနီရောင်က သင့်ကို ပိုဆွဲဆောင်မှု ရှိစေပါတယ်။ နှုတ်ခမ်းနီ အနီရောင်ထဲမှာမှ Matte, Gloss, Sheer, Satin စသဖြင့် ကိုယ်နဲ့ အဆင်ပြေရာကို ရွေးချယ် ဆိုးနိုင်ပါတယ်။

ဒီ ၅ မျိုးကတော့ မိတ်ကပ် လိမ်းရာမှာ အခြေခံ မဖြစ်မနေ ရှိသင့်တဲ့ အလှကုန်တွေပဲ ဖြစ်ပါတယ်။

Photo Source: Pinterest

By MyStyle Myanmar