“That’s why I’m that nuna” ဆိုပြီး Nunu Nana သီချင်းက လူငယ်တွေကြားထဲ ရေပန်းစားခဲ့တဲ့ သီချင်းတစ်ပုဒ် ဖြစ်ပါတယ်။ ဒီသီချင်းရဲ့ အဆိုရှင်ကတော့ Jessi ဖြစ်ပါတယ်။ Jessi က ကိုယ့်ကိုကိုယ် ယုံကြည်မှု အပြည့်ရှိပြီး ဘယ်သူ့ကိုမှ သိပ် ဂရုမစိုက်တဲ့ သူဖြစ်ပြီး မိန်းကလေးတိုင်း အားကျရတဲ့ Unnie Type မျိုး ဖြစ်ပါတယ်။ သူမက တင်သား ရင်သား အပြည့်နဲ့ ဆွဲဆောင်မှု ရှိတဲ့ စံနှုန်းထဲ အပြည့်အဝ ဝင်သူပါ။ သင်က သူမလို တင်သားပြည့်ပြည့်လေး လိုချင်တယ်ဆိုရင်တော့ အောက်ဖော်ပြပါ လေ့ကျင့်ခန်းတွေကို ပြုလုပ်နိုင်ပါတယ်။
၁။ Single Leg Deadlift
Photo Source: Your House Fitness
ညာဘက် ခြေထောက်ကို အားပြုထားကာ ဘယ်ဘက် ခြေထောက်ကို ဒူးအနည်းငယ် ကွေးထားရပါမယ်။ ဒီအနေအထားကနေ ကွေးထားတဲ့ ခြေထောက်ကို နောက်ဘက် ပင့်ကန်ပေးရပါမယ်။ ခန္ဓာကိုယ်ကပါ အောက်ဘက် ဆင်းပေးရပါမယ်။ ဒါကို စက္ကန့် ၃၀ စာ လေးခါ လုပ်ရပါမယ်။ ညာဘက်ခြေထောက်ကိုလည်း ကွေးလျက် ဒီပုံစံအတိုင်း စက္ကန့် ၃၀ စာ လေးခါ လုပ်ပေးရပါမယ်။
၂။ Knee Up Lunge
Photo Source: Gym Guider
ပထမဆုံး မတ်တပ်ရပ် အနေအထားနဲ့ နေရာယူပေးရပါမယ်။ ပြီးနောက် ညာဘက် ဒူးကိုရှေ့ဘက် ကွေးပေးရပါမယ်။ ကွေးပြီးနောက် နောက်ဘက်ကို ကွေးလျက် ထိုင်ပေးရပါမယ်။ ဒါကို စက္ကန့် ၃၀ စာ လေးခ ါ လုပ်ပေးရပါမယ်။ ဘယ်ဘက်ကိုလည်း ဒီအတိုင်း စက္ကန့် ၃၀ လေးခါ လုပ်ရပါမယ်။
၃။ Diamond glute bridge
Photo source: Skimble Workout Trainer
Photo Source: Pinterest
ပုံထဲကအတိုင်း ခြေဖျား နှစ်ဘက်ကို စုပေးထားရပါမယ်။ ပြီးနောက် ဒုတိယ ပုံထဲအတိုင်း တင်ပါး အားပြုကာ အပေါ် ပင့်တင်ပေးရပါမယ်။ ဒါကို ၁ မိနစ်စာ လေးခါလုပ်ပေးရပါမယ်။
၄။ Grasshopper
Photo Source: Spotebi
ခန္ဓာကိုယ်ကို မှောက်ထားလျက် အနေအထားနဲ့ ခြေထောက်နှစ်ဖက်ကို ပူးထားရပါမယ်။ ပြီးနောက် ပူးထားတဲ့ ခြေထောက် နှစ်ဖက်ကို တင်ပါး ပင့်ကာ အပေါ် မြှောက်ပေးရပါမယ်။ ဒါကို ၁ မိနစ်စာ လေးခါ လုပ်ပေးရပါမယ်။
By MyStyle Myanmar
