ညီအစ်မအချင်းချင်းပိုပြီးရင်းနှီးချစ်ခင်လာစေမယ့်နည်းလမ်းများ

အစ်မ (သို့) ညီမရှိတဲ့သူတွေအတွက် ညီအစ်မအချင်းချင်း ပိုပြီးရင်းနှီးချစ်ခင်လာစေမယ့် နည်းလမ်းတွေကို ပြောပြပေးလိုက်ပါတယ်။ တချို့ညီအစ်မတွေဆို တစ်ယောက်နဲ့တစ်ယောက် မတည့်တာများပါတယ်။ တပူးပူးတတွဲတွဲလည်း မနေတာမျိုးတွေ ရှိပါတယ်။ တကယ်တော့ ညီအစ်မနှစ်ယောက်ရှိရင် အပျင်းပြေပြီး အရမ်းလည်းအားကိုးရတယ်၊ ရင်ဖွင့်ဖော်၊ တိုင်ပင်ဖော်လည်းရှိတာကြောင့် အရမ်းကောင်းပါတယ်။ ဒါကြောင့် ကိုယ့်မှာရှိတဲ့ အစ်မ (သို့) ညီမကို တန်ဖိုးထားပြီး ချစ်ခင်ပေးပါ။

Best Friend တစ်ယောက်လိုဆက်ဆံပါ

ညီအစ်မဆိုပြီး ရှိန်တာ၊ ကြောက်တာမျိုးမရှိပဲ တစ်ယောက်နဲ့တစ်ယောက် ပွင့်ပွင့်လင်းလင်းနဲ့ Best Friend တစ်ယောက်လို ဆက်ဆံပါ။ ဒါမှလည်း ပိုရင်းနှီးပြီး ချစ်ခင်လာမှာပါ။ သူငယ်ချင်းလိုဆက်ဆံရမယ်ဆိုပေမယ့် တစ်ယောက်နဲ့တစ်ယောက် အကြီး၊ အငယ် Respect တော့ထားဖို့လိုပါတယ်။ တစ်ယောက်နဲ့တစ်ယောက်လည်း အမြဲဂရုစိုက်ပါ။

တစ်ခုခုဆိုပြောပြပြီးတိုင်ပင်ပါ

သူစိမ်းထက် ကိုယ့်သွေးသားအရင်းက ပိုပြီးတော့စိတ်ချရပါတယ်။ ယုံကြည်ရပါတယ်။ ဒါကြောင့် ကိုယ့်ညီအစ်မအချင်းချင်း တစ်ယောက်နဲ့တစ်ယောက် ဘယ်ကိစ္စမဆို ပွင့်ပွင့်လင်းလင်းပြောပြပါ။ တိုင်ပင်ပါ။

အပြင်တူတူသွားပါ

ညီအစ်မနှစ်ယောက်ရှိရင် သူငယ်ချင်းမရှိလည်း အထီးမကျန်ပါဘူး။ ကိုယ့်ညီအစ်မအချင်းချင်း အမြဲတမ်း အပြင်တူတူသွား၊ စားသောက်တာ၊ ဓာတ်ပုံရိုက်တာ၊ Shopping ထွက်တာ၊ ရုပ်ရှင်ကြည့်တာတွေ လုပ်ပေးပါ။

ခရီးသွားပါ

နှစ်ယောက်ထဲ ပိုရင်းနှီးပြီးချစ်ခင်လာအောင် ခရီးလည်းသွားပါ။ သူငယ်ချင်းတွေနဲ့တောင် သီးသန့်ခရီးသွားသေးတာပဲ။ ကိုယ့်ညီအစ်မတွေနဲ့လည်း သီးသန့်ခရီးသွားကြည့်ပါ။ အရမ်းပျော်စရာကောင်းမှာ သေချာပါတယ်။

ဆင်တူလေးတွေလုပ်ကြည့်ပါ

တစ်ခုခုဝယ်တော့မယ်ဆိုရင် ကိုယ့်ညီမအတွက်၊ ကိုယ့်အစ်မအတွက်ပါ ဝယ်လာတာမျိုးလေးတွေ လုပ်ပေးပါ။ ပြီးတော့ ဆင်တူလေးတွေကိုင်တာ၊ ဆင်တူလေးတွေဝတ်တာမျိုးလည်း လုပ်ကြည့်ပါ။ တစ်ယောက်နဲ့တစ်ယောက် ပိုပြီးတောင်ချစ်ခင်လာပါလိမ့်မယ်။ ဝါသနာတူရင် သင်တန်းအတူတက်တာမျိုးတွေလည်း လုပ်လို့ရပါသေးတယ်။

Photo source: www.freepik.com